បុរី ប៉េង ហួត បានវិនិយោគទុនប្រមាណ 300 លានដុល្លារ ដើម្បីអភិវឌ្ឍគម្រោង «ភូមិនិម្មិត» លើផ្ទៃដីដល់ទៅ 35 ហិកតា!

នៅក្នុងកម្មវិធី សម្ពោធបើកលក់ជាផ្លូវការគម្រោង «ភូមិនិម្មិត» នាថ្ងៃទី 05 មិថុនា នេះ ក្រុមហ៊ុន បុរី ប៉េង ហួត បានបញ្ចេញព័ត៌មានលម្អិតអំពីហេដ្ឋារចនាសម្ព័ន្ធ និងទំហំវិនិយោគដ៏គួរឱ្យទាក់ទាញនៃគម្រោងថ្មីសន្លាងមួយមានឈ្មោះថា គម្រោង ភូមិនិម្មិត ដែលត្រូវបានចាត់ទុកជាគម្រោង ដំបូងគេបង្អស់ក្នុងការបើកឆាកអភិវឌ្ឍន៍ដំណាក់កាលទី 3 នៃគម្រោងមេ «វិបុលភូមិ»។ គម្រោងលំនៅឋានដ៏ប្រណិតនេះ កំពុងបង្កើតឱ្យមានរបត់ថ្មីមួយសម្រាប់ការរស់នៅបែបសម័យទំនើប។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គម្រោងនេះនឹងអភិវឌ្ឍន៍លើផ្ទៃដីសរុបទំហំ 35 ហិកតា ក្រោមទុនវិនិយោគរហូតដល់ទៅ  300 លានដុល្លារអាមេរិក ហើយរាល់ម៉ូដផ្ទះទាំងអស់នៅក្នុងគម្រោងនេះ ត្រូវបានសម្រិតសម្រាំងជាពិសេសលើប្រភេទវីឡាលំដាប់កំពូលចុងក្រោយបង្អស់ ដើម្បីឆ្លើយតបទៅនឹងស្តង់ដារនៃការរស់នៅលំដាប់ខ្ពស់របស់អតិថិជន។

ភាពលេចធ្លោខ្លាំងបំផុតដែលធ្វើឱ្យគម្រោង «ភូមិនិម្មិត» នេះមានភាពខុសប្លែកពីគេ គឺការផ្តោតសំខាន់លើទំហំសួនបៃតង និងលំហែកម្សាន្តធម្មជាតិដែលពុំធ្លាប់មានពីមុនមក។ នេះជាគម្រោងដំបូងបង្អស់ក្នុងតំបន់អភិវឌ្ឍន៍របស់ បុរី ប៉េង ហួត ដែលមានការរៀបចំសួនសាធារណៈស្អាតប្លែកនៅចំពីមុខគម្រោងដែលមានប្រវែងរហូតដល់ជាង 1 គីឡូម៉ែត្រ អមដោយមហាវិថីធំទូលាយ។

ការរួមបញ្ចូលគ្នារវាងធម្មជាតិបៃតង និងផ្ទៃទឹកដ៏ធំនេះ នឹងនាំមកនូវបទពិសោធន៍នៃការរស់នៅដ៏ស្រស់ស្រាយ ផាសុកភាព និងទំនើបស៊ីវិល័យជូនដល់ប្រជាពលរដ្ឋ ស្របតាមស្តង់ដារនៃការរស់នៅកម្រិតតំបន់ និងអន្តរជាតិ។

នៅថ្ងៃទី5-7 មិថុនា គឺជាថ្ងៃបើកសម្ពោធជាផ្លូវការនៃគម្រោង «ភូមិនិម្មិត» ប្រសិនបើលោកអ្នកកំពុងស្វែងរកលំនៅឋានវីឡាដែលផ្ដល់ទាំងភាពស្ងប់ស្ងាត់ និងឧត្តមភាពនៃការរស់នៅ នេះគឺជាពេលវេលាដ៏ស័ក្តិសមបំផុតក្នុងការអញ្ជើញមកជ្រើសរើសទីតាំងផ្ទាល់ខ្លួន។ សម្រាប់ព័ត៌មានបន្ថែម និងការកក់កន្លែងទុកជាមុន សូមទាក់ទងមកកាន់ទូរស័ព្ទលេខ 016 59 6789 ។