ចាប់ពីថ្ងៃនេះតទៅ យើងនឹងមានភូមិរង់ចាំ ដែលបែងចែកជា៦ភូមិ ដោយបំបែកចេញពីភូមិស្លក្រាម នៃឃុំស្លក្រាម ស្រុកស្វាយចេក ខេត្តបន្ទាយមានជ័យ យោងតាមសេចក្ដីប្រកាសរបស់ក្រសួងមហាផ្ទៃ

សង្គម៖ យោងតាមសេចក្ដីប្រកាសរបស់រាជរដ្ឋាភិបាល ក្រសួងមហាផ្ទៃ បានឲ្យដឹងថា បង្កើតភូមិរង់ចាំជា៦ភូមិ ដោយមាន ភូមិរង់ចាំ១ ភូមិរង់ចាំ២ ភូមិរង់ចាំ៣ ភូមិរង់ចាំ៤ ភូមិរង់ចាំ៥ និងភូមិរង់ចាំ៦ ដោយបំបែកចេញពីភូមិស្លក្រាម នៃឃុំស្លក្រាម ស្រុកស្វាយចេក ខេត្តបន្ទាយមានជ័យ។ 

តាមប្រការទី២នៃសេចក្ដីប្រកាស ការរៀបចំរចនាសម្ព័ន្ធគ្រប់គ្រងភូមិបង្កើតថ្មីដូចមានចែងនៅក្នុងប្រការ១ នៃប្រកាសនេះ ត្រូវអនុលោម ទៅតាមសេចក្តីណែនាំលេខ ០០៤ សណន ចុះថ្ងៃទី១៧ ខែមីនា ឆ្នាំ២០០៦ របស់ក្រសួងមហាផ្ទៃ ស្តីពីបែបបទ នីតិវិធីនៃការជ្រើសរើសមេភូមិ ការចូលកាន់តំណែង ការផ្លាស់ប្តូរមេភូមិ ការតែងតាំងជំនួយការមេភូមិ និងតួនាទី ភារកិច្ច របៀបរបបធ្វើការងាររបស់ភូមិ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អាស្រ័យហេតុនេះ ចាប់ពីថ្ងៃនេះតទៅ យើងនឹងមានភូមិរង់ចាំ ដែលបែងចែកជា៦ភូមិ មានចាប់ពីភូមិរង់ចាំ១ រហូតដល់ភូមិរង់ចាំ៦ សូមមហាជនជ្រាបជាព័ត៌មាន៕

ប្រភព៖ ក្រសួងព័ត៌មាន