Ishowspeed រំភើបពេក ព្រុសផង ហក់ត្រឡប់ខ្លួនផង ពេលបានជួប BTS

IShowSpeed ​​បានចំណាយពេលជាច្រើនម៉ោងនៅក្នុងការប្រកួតវគ្គផ្តាច់ព្រ័ត្រនៃព្រឹត្តិការណ៍ World Cup ឆ្នាំ ២០២៦ ដើម្បីស្វែងរកក្រុម BTS។ ក្នុងអំឡុងពេលផ្សាយផ្ទាល់ (stream) គេតែងតែនិយាយថាគេកំពុងព្យាយាមស្វែងរក BTS និងចង់ថតរូបជាមួយពួកគេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចុងបញ្ចប់ក៏បានជួបពិតមែន គឺនៅពេលដើរនៅខាងក្រោយឆាក បន្ទាប់ពីការសម្តែងរបស់ BTS នៅចន្លោះពេលសម្រាក (halftime show) Speed ​​ពិតជាមានការភ្ញាក់ផ្អើលយ៉ាងខ្លាំង។ គេបានយកដៃបាំងមុខ រួចក៏ស្ទុះទៅមុខដោយក្តីរំភើបយ៉ាងខ្លាំង។

គេបាននិយាយម្តងហើយម្តងទៀតថាខ្លួនជា "អ្នកគាំទ្រដ៏ធំម្នាក់" ដោយនិយាយថា "ខ្ញុំជាអ្នកគាំទ្រដ៏ធំរបស់អ្នកណា! ព្រះអើយ!! អ្នកគាំទ្រដ៏ធំម្នាក់!" ព្រមទាំងបានឱបសមាជិកម្នាក់ៗ។

ស្របតាមបំណងប្រាថ្នាពីមុនរបស់គេ គេបានសួរភ្លាមៗថា "BTS តើខ្ញុំអាចថតរូបបានទេ?" ក្រុមនេះបានប្រមូលផ្តុំគ្នាដើម្បីថតរូប ខណៈដែល Speed ​​បន្តបង្ហាញពីក្តីរីករាយដែលទីបំផុតបានជួបពួកគេ។ Jungkook ក៏បានចូលរួមចែករំលែកថាមពលដ៏រស់រវើកនោះដោយស្ទុះចូលទៅឱបគេដែរ។ ការជួបគ្នាដ៏ខ្លីតែពោរពេញដោយក្តីរីករាយនេះ បានបញ្ចប់ទៅដោយ Speed ​​អបអរសាទរតាមរយៈការធ្វើក្បាច់លោតក្រឡាប់ខ្លួនទៅក្រោយ (backflip)។

ព្រឹត្តិការណ៍ជួបជុំរវាងកំពូលអ្នក Stream និង កំពូលតារា Kpop បានធ្វើឲ្យអ្នកលេងបណ្ដាញសង្គមមានការរំភើបជាខ្លាំង៕

វីដេអូ៖ Ishowspeed រំភើបពេក ព្រុសផង ហក់ត្រឡប់ខ្លួនផង ពេលបានជួប BTS

• តារាអន្តរជាតិ
• តារាកូរ៉េ