ចូលប៉ុស្តិ៍ទៀតហើយ ! Seungri អតីតសមាជិក BIG BANG ត្រូវគេប្ដឹងពីបទប្រើអំពើហិង្សារ

អតីតសមាជិក BIGBANG លោក Seungri ត្រូវបានគេរាយការណ៍ថាត្រូវបានចោទប្រកាន់ពីបទវាយប្រហារបុរសម្នាក់ ដោយមានពាក្យបណ្តឹងមួយត្រូវបានដាក់នៅស្ថានីយ៍ប៉ូលីស Gangnam នៅថ្ងៃទី 26 ខែសីហា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមរបាយការណ៍ ហេតុការណ៍អំពើហិង្សារនេះបានកើតឡើងនៅពេល Seungri កំពុងបរិភោគអាហារជាមួយជនរងគ្រោះ ដែលជាអ្នកដាក់ពាក្យបណ្ដឹងចោទប្រកាន់ នៅភោជនីយដ្ឋានមួយក្នុងស្រុក Gangnam ទីក្រុងសេអ៊ូល។

បច្ចុប្បន្នប៉ូលីសកំពុងស៊ើបអង្កេតពីកាលៈទេសៈ ប៉ុន្តែបានបដិសេធមិនធ្វើអត្ថាធិប្បាយជាសាធារណៈទេ។ គួររំលឹកដែរថា Seungri ដែលមានឈ្មោះពិតថា Lee Seung Hyun ពីមុនត្រូវបានកាត់ទោសពីបទចោទប្រកាន់ចំនួនប្រាំបួនទាក់ទងនឹងករណី Burning Sun រួមទាំងការស្នើសុំពេស្យាចារ ល្បែងស៊ីសង និងការកិបកេងប្រាក់៕

• តារាកូរ៉េ