បាត់ដំបងៈ ប្រពន្ធប្តឹង នគរបាលឲ្យ ចាប់ប្តីពីបទចាប់រំលោភ ប្អូនថ្លៃ មិនបានសម្រេច ខណៈស្រ្តីជាប្រពន្ធមិននៅផ្ទះ កាលពីវេលាម៉ោង១រំលងអាធ្រាត្រ ឈានចូលថ្ថៃទី១៣ ខែមិថុនា ឆ្នាំ២០១២នៅចំណុច ភូមិ.ឃុំព្រៃចាស់ ស្រុកឯកភ្នំ នាំយកមកសាកសួរ នៅអធិការស្រុករួចកសាងសំណុំរឿង បញ្ជូនខ្លួន ទៅស្នងការខេត្ត ដើម្បីចាត់ការបន្ត។ ប្រភពពីនគរបាលស្រុកឯកភ្នំ បានឲ្យដឹងថាជនសង្ស័យ ដែលសមត្ថកិច្ចឃាត់ខ្លួនមានឈ្មោះ ហេង យាំងហឿង ភេទប្រុស អាយុ៣៦ឆ្នាំ មុខរបរនេសាទត្រី មានទីលំនៅភូមិ.ឃុំព្រៃចាស់ ស្រុកឯកភ្នំ។ ចំណែកជនរងគ្រោះឈ្មោះ ភ.ធ.ហ. អាយុ១៧ឆ្នាំ នៅផ្ទះជាមួយគ្នាខាងលើ។
ប្រភពបន្តថាតាមសម្តីជនរងគ្រោះ បានប្រាប់សមត្ថកិច្ចថា៤ទៅ៥ថ្ងៃនេះ បងស្រីខ្លួនមិននៅផ្ទះរវល់ ទៅខេត្តសៀមរាបខ្លួនបាននៅផ្ទះ៣នាក់ ជាមួយបងថ្លៃប្រុស និងប្អូនប្រុសគាត់ម្នាក់ទៀត។ លុះនៅយប់កើតហេតុវេលាម៉ោង១រំលងអាធ្រាត្រ ឈានចូលថ្ងៃទី១៣ ខែមិថុនា ឆ្នាំ២០១២ ខ្លួនកំពុងដេកលក់ក្នុងមុងស្រាប់តែ បងថ្លៃប្រុស បានបើកមុងចូលហើយចាប់ស្រាតខោ តែត្រូវខ្លួនធាក់មួយជើង ផ្អើលគេទាំងយប់។ ភ្លាមៗនោះខ្លួនទូរស័ព្ទទៅប្រាប់បងស្រី ដែលកំពុងនៅខេត្តសៀមរា បទាំងយប់ឲ្យដឹងរឿង។ បងស្រីពេលដឹងរឿងហើយ បានទូរស័ព្ទប្តឹងសមត្ថកិច្ច បន្តឲ្យជួយ អន្តរាគមន៌។ លុះព្រឹកឡើងថ្ងៃដដែល មាននគរបាលមកនាំខ្លួនបងថ្លៃ (ជនសង្ស័យ) ទៅប៉ុស្តិធ្វើការសាកសួរ។
ជនសង្ស័យបានឆ្លើយសារភាពថា ខ្លួនពិតជាបានចាប់រំលោភប្អូន ថ្លៃពិតប្រាកដមែន តែមិនបានសម្រេចត្រូវវាធាក់មួយ ជើងផ្អើលគេទាំងយប់។ លុះព្រឹកឡើងឃើញ នគរបាល មកនាំខ្លួនតែម្តង។ បច្ចុប្បន្នកម្លាំងនគរបាលស្រុក កំពុងកសាងសំណុំរឿងបញ្ជូនខ្លួនជនសង្ស័យ ទៅស្នងការនគរបាលខេត្ត ដើម្បីចាត់ការបន្ត៕
ផ្តល់សិទ្ធដោយ ដើមអម្ពិល
ខេត្តបាត់ដំបង ៖ បុរសជនជាតិវៀតណាមម្នាក់ត្រូវសមត្ថកិច្ចឃាត់ខ្លួនតាមបណ្តឹងរបស់ប្រពន្ធដែលរងការចោទថា ប៉ុនប៉ងចូលមុងចាប់ប្អូនថ្លៃរំលោភសេពសន្ថវៈកាលពីវេលាម៉ោង១រំលងអធ្រាត្រឈានចូលថ្ងៃទី១៣ មិថុនា នៅក្នុងផ្ទះរបស់ខ្លួនដែលស្ថិតក្នុងភូមិព្រៃចាស់ ឃុំព្រៃចាស់ ស្រុកឯកភ្នំ ។ ប៉ុន្តែបុរសនេះបានអះអាងថា ចូលមុងច្រឡំ ព្រោះស្រវឹងខ្លាំងពេក រកកន្លែងដេកអត់ឃើញ ។
មន្ត្រីនគរបាលមូលដ្ឋាននិយាយថា បុរសជនជាតិវៀតណាមនោះឈ្មោះហេង យាំងធឿន អាយុ៣៦ឆ្នាំ ត្រូវប្រពន្ធរបស់ខ្លួនឈ្មោះភុំ ភារម្យ អាយុ៣៧ឆ្នាំ ប្តឹងចោទប្រកាន់ថា បានព្យាយាមបើកមុងចូលចាប់រំលោភប្អូនស្រីខ្លួនឈ្មោះភុំ ធីហឿង អាយុ១៧ឆ្នាំ ដែលស្នាក់នៅក្នុងផ្ទះជាមួយគ្នាទាំងកណ្តាលអធ្រាត្រ តែមិនបានសម្រេចដោយសារនាង ភ្ញាក់ទាន់ហើយស្ទុះរត់ចេញ ។
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
