បាក់ជើងទម្រ នៅផ្ទះល្វែង​ កំពុង សាងសង់ជិតវត្ដអង្គតាមិញ សំណាងល្អ គ្មានអ្នក របួស

ភ្នំពេញ ៖ ជើងទម្រលើផ្ទះល្វែងជាន់ទី២ ដែលកំពុងសាងសង់មួយកន្លែង ស្ថិតនៅជិត វត្ដអង្គតាមិញ ភូមិត្រញំងល្វា សង្កាត់កាកាប ខណ្ឌពោធិ៍សែនជ័យ បានបាក់ កាលពីវេលាម៉ោង១១និង៣០ នាទី ព្រឹកថ្ងៃទី៥ ខែមីនា ឆ្នាំ២០១៥នេះ ប៉ុន្ដែមិនបណ្ដាលឱ្យកម្មករ សំណង់ឬក៏សមាជិកគ្រួសារ ផ្ទះល្វែង មួយនេះរងរបួសឬគ្រោះ ថ្នាក់ដល់អាយុ ជីវិតនោះឡើយ ។

អធិការនគរបាលខណ្ឌពោធិ៍សែនជ័យ លោកយឹមសារ៉ាន់ បានឱ្យដឹងថា មិនមែនជា ការបាក់បេតុង សេចក្ដីរាយ ការណ៍មួយចំនួន នោះឡើយ ពោលជាការរលំជើងទម្រនៅ លើផ្ទះល្វែង ដែលកំពុងសាង សង់ជាន់ទី២ នៅជិតវត្ដអង្គតាមិញ ។

លោកយឹម សារ៉ាន់ បានបញ្ជាក់ថា គ្រោះ ថ្នាក់មួយនេះ មិនបានប៉ះពាល់ដល់ប្រជាពល រដ្ឋជាម្ចាស់ផ្ទះ និងកម្មករសំណង់ ដែលកំពុងធ្វើការនៅទីនោះឡើយ។

លោកអធិការបានបន្ដថា ក្រោយទទួល បានព័ត៌មានភ្លាមៗ លោកបានចាត់ឱ្យមន្ដ្រីនគរបាលមូលដ្ឋាន ចុះទៅពិនិត្យ មើលធ្វើការសួរនាំនិងណែនាំឱ្យមេការសំណង់និងកម្មករត្រូវមានការត្រួតពិនិត្យឡើងវិញ ឱ្យបានត្រឹមត្រូវពេល កំពុងសាងសង់ ចៀសវាងមានគ្រោះថ្នាក់ដោយយថាហេតុ ដូចករណីខាងលើនេះ ។