ភ្នំពេញ៖ កាលពីថ្ងៃទី១២ ខែមិនា ម្សិលមិញនេះ ដែលជាថ្ងៃប្រកួត បាល់ទាត់ វគ្គជម្រុះដំបូង ប្រចាំទ្វីបអាស៊ី ដើម្បីបន្តទៅកាន់ ការប្រកួត FIFA World Cup 2018 រវាងក្រុមបាល់ទាត់ ជម្រើសជាតិ កម្ពុជា និង ក្រុមបាល់ទាត់ ជម្រើសជាតិ ម៉ាកាវ នៅឯពហុកីឡាដ្ឋាន កងយោធពល ខេមរភូមិន្ទ ស្តាតចាស់នោះ មានមនុស្ស រាប់ពាន់នាក់ បានផ្អើល បាក់ទឹកបាក់ដី ទៅទស្សនា ការប្រកួត ខណៈក្រុម បាល់ទាត់ ជម្រើសជាតិ កម្ពុជា មិនបានធ្វើឲ្យ អ្នកគាំទ្រ បាក់មុខឡើយ គឺបានលុត ក្រុមបាល់ទាត់ ជម្រើសជាតិ ម៉ាកាវ ក្នុងលទ្ធផល ៣ ទល់នឹង ០។
ទិដ្ឋភាព មនុស្សម្នាជាច្រើន រង់ចាំ នៅមុខស្តាតចាស់
ទិដ្ឋភាព មនុស្សម្នាជាច្រើន រង់ចាំ នៅមុខស្តាតចាស់
ទិដ្ឋភាព មនុស្សម្នាជាច្រើន រង់ចាំ នៅមុខស្តាតចាស់
ទិដ្ឋភាព មនុស្សម្នាជាច្រើន រង់ចាំ នៅមុខស្តាតចាស់
គេបានសង្កេត និងកត់សម្គាល់ ឃើញថា មនុស្សរាប់ពាន់នាក់ ដែលទៅទស្សនា ការប្រកួត បាល់ទាត់នោះ គឺសុទ្ធតែ ជាអ្នកគាំទ្រ របស់ក្រុមបាល់ទាត់ ជម្រើសជាតិកម្ពុជា ទាំងអស់ ខណៈពួកគេ បានគាំទ្រ យ៉ាងពេញទំហឹង ចំពោះក្រុម ជម្រើសជាតិ របស់ខ្លួន ដោយការ ស្រែកហោរ ទះដៃ ច្រៀងចម្រៀងជាតិ ផ្លុំទ្រែ និងទោងស្គរ ជាដើម។ ជាមួយគ្នានេះដែរ ក្រុមជម្រើសជាតិ កម្ពុជាយើង មិនបានធ្វើឲ្យ អ្នកគាំទ្រ អស់សង្ឃឹម និងបាក់មុខឡើយ ដោយក្រុមជម្រើសជាតិ កម្ពុជា បានយកឈ្នះ ទៅលើក្រុមជម្រើសជាតិ ម៉ាកាវ ក្នុងលទ្ធផល ៣ ទល់នឹង ០ ឯណោះ ដោយស៊ុតបញ្ជូលទី ដោយកីឡាករ ចាន់ វឌ្ឍនាកា ២គ្រាប់ និងកីឡាករ ឃួន ឡាបូរ៉ាវី ១គ្រាប់ ផងដែរ។
អ្នកគាំទ្រ ក្រុមជម្រើសជាតិកម្ពុជា កាន់ទង់ជាតិខ្មែរ បក់រវិច នៅលើផ្ទៃអាកាស
អ្នកគាំទ្រ ក្រុមជម្រើសជាតិកម្ពុជា កាន់អក្សរ ចេញជាពាក្យ "CAMBODIA"
អ្នកគាំទ្រ ក្រុមជម្រើសជាតិកម្ពុជា កំពុងផ្លុំទ្រែ អប់អរការប្រកួត ដ៏អស្ចារ្យនេះ
ងាកមកមើលទិដ្ឋភាព នៅក្នុងពហុកីឡាដ្ឋាន កងយោធពល ខេមរភូមិន្ទ ស្តាតចាស់ ឯណេះវិញ មនុស្សរាប់ពាន់អ្នក បានមកទស្សនា ការប្រកួត យ៉ាងណែន និងរកកន្លែងអង្គុយ ស្ទើរមិនគ្រាន់ ខណៈអ្នកគាំទ្រ ភាគច្រើន បានពាក់អាវ របស់ក្រុម ជម្រើសជាតិ កម្ពុជា (ពណ៌ខៀវ) និងមាន ដងទង់ជាតិខ្មែរ មកជាមួយ ទៀតផង។ ជាងនេះទៅទៀត ក៏មានអ្នកខ្លះទៀត បានយកស្ទីកឃើរ (Sticker) រូបទង់ជាតិខ្មែរ បិទនៅលើផ្ទៃមុខ ក៏មានដែរ ដើម្បីបញ្ជាក់ថា ពួកគេពិតជា គាំទ្រក្រុមបាល់ទាត់ ជម្រើសជាតិកម្ពុជា និងចង់ឲ្យ ក្រុមមួយនេះ ទទួលបានជ័យជំនះ ខ្លាំងណាស់ ខណៈការរំពឹងទុក របស់ពួកគេ គឺពិតជា ត្រឹមត្រូវមែន។
ដងទង់ជាតិខ្មែរ ត្រូវគេកត់សំគាល់ ឃើញថា បានបក់រវិច ទៅលើផ្ទៃអាកាស នៅក្នុងពហុកីឡាដ្ឋាន កងយោធពល ខេមរភូមិន្ទ ស្តាតចាស់ ដោយអ្នកគាំទ្រ ក្រុមជម្រើសជាតិ កម្ពុជា ដែលជាការ ផ្តល់នូវទឹកចិត្ត និងកំលាំងចិត្ត ជូនដល់កីឡាករ ជម្រើសជាតិកម្ពុជា ទាំងអស់ រហូតអាចយកឈ្នះ លើក្រុមជម្រើសជាតិ ម៉ាកាវ ក្នុងលទ្ធផល ៣ ទល់នឹង ០។
ខាងក្រោមនេះ គឺជាទិដ្ឋភាពមួយចំនួន នៅក្នុងពហុកីឡាដ្ឋាន កងយោធពល ខេមរភូមិន្ទ ស្តាតចាស់
គួរបញ្ជាក់ផងដែរ ការប្រកួតវគ្គជម្រុះ រវាងក្រុមបាល់ទាត់ ជម្រើសជាតិកម្ពុជា ជាមួយនឹង ក្រុមបាល់ទាត់ ជម្រើសជាតិម៉ាកាវ នេះ គឺជាការ ប្រកួតមួយ ដើម្បីធ្វើដំណើរបន្ត ទៅកាន់ ការប្រកួត ពានរង្វាន់ បាល់ទាត់ ពិភពលោក FIFA World Cup ឆ្នាំ២០១៨ ដែលជាលើក ទី២១ ហើយនឹងប្រព្រឹត្តិឡើង ពីថ្ងៃទី១៤ ខែមិថុនា ដល់ថ្ងៃទី១៥ ខែកក្កដា ឆ្នាំ២០១៨ នៅពហុកីឡាដ្ឋាន Luzhniki នៃទីក្រុងមូស្គូ ប្រទេសរុស្ស៊ី ខណៈប្រទេស ចំនួន២០៩ប្រទេស ត្រូវប្រកួតជម្រុះ យកត្រឹមតែ ៣២ក្រុមប៉ុណ្ណោះ ដើម្បីទៅប្រកួត ដណ្តើម ពានរង្វាន់ FIFA World Cup ឆ្នាំ២០១៨។
គួររំលឹកផងដែរថា ការប្រកួតបាល់ទាត់ ពិភពលោក FIFA World Cup បានចាប់កំណើត តាំងពីឆ្នាំ១៩៣០ មកម្ល៉េះ ដោយការប្រកួត បានធ្វើឡើង នៅរៀងរាល់ ៤ឆ្នាំម្តង ខណៈ ក្រុមជម្រើស ជាតិកម្ពុជា យើង ទើបតែបាន ចូលរួមប្រកួត វគ្គជម្រុះ នៅឆ្នាំ១៩៩៨ ប៉ុណ្ណោះ ហើយជាអកុសល ក្រុមជម្រើស ជាតិកម្ពុជា មិនដែលឆ្លងផុត វគ្គជម្រុះដំបូង នេះឡើយ។
គួរឲ្យកត់សម្គាល់ ឃើញថា វិស័យកីឡា នៅក្នុងប្រទេស កម្ពុជាយើង សព្វថ្ងៃនេះ កំពុងតែមាន ប្រជាប្រិយមិត្តភាព ជាពិសេសនោះគឺ វិស័យកីឡា បាល់ទាត់ នេះតែម្តង ដែលមាន អ្នកគាំទ្រច្រើន និងមានមនុស្ស ចូលចិត្តលេងបាល់ទាត់ ដើម្បីសុខភាព និងមិត្តភាព។
យ៉ាងណាមិញ ក្រុមបាល់ទាត់ ជម្រើសជាតិកម្ពុជា នឹងត្រូវប៉ះជាមួយ នឹងក្រុមបាល់ទាត់ ជម្រើសជាតិ ម៉ាកាវ ម្តងទៀត នៅឯម៉ាកាវ វិញម្តង នៅថ្ងៃទី១៧ មិនា ឆ្នាំ២០១៥៕
សូមទស្សនាវីដេអូ ដែលបង្ហាញពី ទិដ្ឋភាពខាងក្រៅ និងក្នុង នៃពហុកីឡាដ្ឋាន ស្តាតចាស់ រួមទាំង ការស៊ុត Freekick បញ្ចូលទី ដ៏ល្អ របស់កីឡាករ ចាន់ វឌ្ឍនាកា ផងដែរ៖
ដោយ ៖ ប៊ី
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
