ជា វណ្ណារិទ្ធ ជូនកាដូយ៉ាងភ្ញាក់ផ្អើល ឲ្យភរិយាជាទីស្រឡាញ់របស់ខ្លួន ខណៈពេលនាង កំពុងគេងលង់លក់

ភ្នំពេញ៖ ពិធីកររូបសង្ហារ ជា​ វណ្ណារិទ្ធ បានធ្វើឲ្យភរិយារបស់ខ្លួនភ្ញាក់ផ្អើល ក្នុងថ្ងៃខួបកំណើត ខណៈពេលនាងកំពុងតែគេងលង់លក់។

តារាប្រុសរូបនេះ បានទិញទូរស័ព្ទ iPhone 6S Plus ឲ្យទៅភរិយា សម្រាប់ជាកាដូពិសេស សម្រាប់ថ្ងៃកំណើតរបស់នាង។ ប៉ុន្តែលោក ជា វណ្ណារិទ្ធ មិនបានឲ្យនាងដឹងខ្លួនជាមុននោះទេ គឺរូបគាត់ បានទុកទូរស័ព្ទនោះ​ក្បែរខ្លួនរបស់នាង ដើម្បីពេលនាងក្រោកឡើង មានការភ្ញាក់ផ្អើល និងរំភើបចិត្ត នៅពេលបានឃើញតែម្តង។

ក្នុងនោះដែរ លោក ជា វណ្ណារិទ្ធ បានបង្ហោះសារ និងរូបថតចូលក្នុងគណនីហ្វេសប៊ុករបស់លោកថា​ "នេះជាកាដូ ក្នុងថ្ងៃកំណើតសម្រាប់នាង ព្រោះនាងស្រឡាញ់ពណ៌ផ្កាឈូក ដូច្នេះហើយ ពណ៌ Rose Gold គឺល្អបំផុតសម្រាប់ថ្ងៃកំណើតនាង។ សង្ឃឹមថា​ ពេលនាងក្រោកឡើង នាងនឹងភ្ញាក់ផ្អើល។ រីករាយថ្ងៃ កំណើតណាអូនសម្លាញ់។ បងស្រឡាញ់អូន" ។

គួរបញ្ជាក់ផងដែរ ពិធីកររូបនេះ ទើបតែទទួលបានចំនងដៃអាពាហ៍ពិពាហ៍គឺ កូនប្រុសដ៏ទ្រលុកទ្រលន់មួយ កាលពីថ្ងៃទី ១៧ ខែកញ្ញា ឆ្នាំ២០១៥ កន្លងទៅថ្មីៗនេះប៉ុណ្ណោះ និងបានដាក់ឈ្មោះឲ្យកូនប្រុសរបស់ខ្លួនថា "ជា ប្រសិទ្ធិរិទ្ធ"៕

ជា វណ្ណារិទ្ធ ជូនកាដូ ទូរស័ព្ទ iPhone6s  ឲ្យទៅភរិយា



ប្រភព ហ្វេសប៊ុក

ដោយ៖ កា

ខ្មែរឡូត