ទីបំផុត ដឹងច្បាស់ហើយ Nadechនិង Yaya មកក្រុងពាលីរឿង «រាជនីស្តេចនាគ» ភាគ២ តែក៏មាន......!

ថៃ៖ ព្រឹកថ្ងៃទី ៩ សីហានេះ ខ្សែភាពយន្តរឿង «រាជនីស្តេចនាគ» ភាគ២ បានរៀបចំធ្វើពិធីក្រុងពាលីជាផ្លូវការហើយ ក្រោមការចូលរួមពីសំណាក់តារាប្រុសស្រីល្បីជាច្រើនដួង របស់ទូរទស្សន៍ប៉ុស្តិ៍លេខ៣ថៃ។

ហើយអ្វីដែលធ្វើឱ្យអ្នកគាំទ្រអស់ចម្ងល់នោះគឺ តួឯកប្រុសស្រីនៅក្នុងរឿងភាគ២ គឺត្រូវបានសម្តែងដោយ តារាស្រីវ័យក្មេងកូនកាត់ថៃ-ន័រវេស កញ្ញា Yaya Urassaya និងតារាប្រុសកំពុងទទួលបានប្រជាប្រិយភាពលោក Nadech Kugimiya។

មិនតែប៉ុណ្ណោះ ក៏មានវត្តមានការចូលរួមសម្តែងដោយកញ្ញា Taew Nataponh និងលោក Ken Phupoom ដែលជាតួឯកប្រុសស្រីក្នុងរឿង «រាជនីស្តេចនាគ» កាលពី ភាគ១ផងដែរ។

យោងតាមការផ្តល់បទសម្ភាសន៍ របស់លោក P’Off ផលិតករផ្ទាល់របស់រឿងនេះផ្ទាល់ ប្រាប់អ្នកកាសែតនៅក្នុងស្រុក ក៏បានឱ្យដឹងដែរថា មូលហេតុដែលធ្វើឱ្យជ្រើសយកតួសម្តែង Nadech និង Yaya ព្រោះចាប់អារម្មណ៍ឃើញថាមួយគូនេះ គឺជាគូដ៏សាកសម និងមានសមត្ថភាពគ្រប់គ្រាន់ ក្នុងការសម្តែងរឿងនេះ ដែលផ្ទៃរឿងទាំងមូលមានបង្ហាញពីស្នេហាបរិសុទ្ធ ព្រមទាំងបង្ហាញពីកម្មពារ ជាប់ខ្លួនពីអតីត ដោយមាន ជាប់ពាក់ព័ន្ធនឹងសាច់រឿងចាស់ជាច្រើនផ្នែកទៀតផង។

បន្ថែមពីលើនេះ រឿងនឹងត្រូវបានចាប់ផ្តើមដំណើរការថតនៅខែក្រោយ និងមានរយៈពេលមិនលើសពី២ខែឡើយ៕

ទស្សនាទិដ្ឋភាពក្នុងពិធីក្រុងពាលីរឿង «រាជនីស្តេចនាគ» ភាគ២ កាលពីព្រឹកមិញដូចខាងក្រោម៖  

• ភាពយន្ត