សូមប្រិយមិត្ត មកជ្រាប​ពី​ប្រវត្តិ របស់​កំពូល​​តារាចម្រៀង​ល្បី​​មិន​សាបសូន្យ អ្នកស្រី រស់ សេរីសុទ្ធា​ ​រាជនី​សំឡេងមាស ក្នុង​ទសវត្សរ៍ ៦០-៧០ ពិតជា​ធ្វើ​ឲ្យ​លោកអ្នក​ជក់ចិត្ត!

(ភ្នំពេញ)៖ អ្នកស្រី រស់ សេរីសុទ្ធា ត្រូវបានទស្សនិកជនទូទាំង ប្រទេសដាក់នាមថា ជារាជនីសំឡេងមាស ព្រោះអ្នកស្រីជាអតីតតារាចម្រៀងមួយដួង ដែលច្រៀងយ៉ាងពីរោះ មានទឹកដមសំឡេងមិនធម្មតា និងគួរឲ្យសរសើ ចំពោះរលកសំឡេងដ៏ពីរោះ គ្មានពីររបស់អ្នកស្រី។ ជាមួយគ្នានេះដែរ បទចម្រៀងដែលជាស្នាដៃអ្នកស្រី ត្រូវបានគេរក្សារហូតមកដល់សព្វថ្ងៃនេះ ព្រមទាំងមានទស្សនិកជនជាច្រើន កំពុងតែរីករាយពេញនិយមសណ្ដាប់ផងដែរ។ យ៉ាងណាមិញអ្នកស្រី រស់ សេរីសុទ្ធា បានទទួលមរណភាព ក្នុងរបបខ្មែរក្រហមបាត់ទៅហើយ ប៉ុន្ដែកេរ្ដិ៍ឈ្មោះអ្នកស្រី មិនសាបសូន្រឡើយ។

បើតាមផេក «Movie Star Research» ដែលមានអ្នកស្រី ស៊ិន ឧត្តមផល្លា ជាម្ចាស់បានឲ្យដឹងថា «អ្នកស្រី រស់ សិរីសុទ្ឋា គឺជាតារាចម្រៀងខ្មែរដ៏ល្បីល្បាញ ក្នុងកំឡុងទសវត្សរ៍ ៦០ -៧០ និងជាដៃគូចម្រៀងជើងឯក យ៉ាងឆ្នើមបំផុត របស់អធិរាជសំឡេងមាស លោក ស៊ីន ស៊ីសាមុត ។ កំពូលតារាចម្រៀងរូបនេះ កើតនៅថ្ងៃសុក្រ ខែកត្តិក ឆ្នាំច ត្រូវនឹងថ្ងៃទី៦ ខែវិច្ឆិកា ឆ្នាំ ១៩៤៦ នៅភូមិដំណាក់ហ្លួង ឃុំវត្តគរ ស្រុកបាត់ដំបង ខេត្តបាត់ដំបង។ កាលនៅកុមារភាព អ្នកស្រីបានចូលរៀន នៅសាលាបឋមសិក្សា ទក្ខិណសាលា រួចបានប្រឡងជាប់ចូលរៀន នៅអនុវិទ្យាល័យនារី នេតយ៉ង់ នៅឆ្នាំ ១៩៦២។ ឪពុកឈ្មោះ រស់ ប៊ុន មានស្រុកកំណើត នៅភូមិចង្វារៀល ឃុំរលាំងនាគ ស្រុកកំពង់ត្រឡាច ខេត្តកំពង់ឆ្នាំង ជាអតីតនាយទាហានក្រហម សម័យអាណានិគមបារាំង ដែលគាត់ទើបនិងទទួលមរណភាពទៅ នៅក្នុងឆ្នាំ ១៩៩៥ នេះ។ រីឯម្តាយរបស់អ្នកស្រីវិញ មាននាមថា ណាត់ សាមៀន មានស្រុកកំណើត នៅស្រុកសង្កែ ខេត្តបាត់ដំបង។ លោកបានធ្វើមរណកាលទៅ នៅសម័យខ្មែរក្រហម។ អ្នកស្រី សុទ្ធា ជាកូនទីបួន ក្នុងចំណោមបងប្អូនទាំង៥ នាក់។ បងស្រីទី ១ ឈ្មោះ រស់ សាបឿន សព្វថ្ងៃរស់នៅបាត់ដំបង ក្នុងវ័យប្រហែល៧០ឆ្នាំ។ បងស្រីទី ២ មានឈ្មោះថា រស់ សាបឿត សព្វថ្ងៃរស់នៅបាត់ដំបងដែរ ក្នុងវ័យក្បែរ៧០ ឆ្នាំដែរ។ បងប្រុសទី ៣ ឈ្មោះ រស់ សុគុណ បានចែកស្ថានទៅ នៅសម័យខ្មែរក្រហម ។ ចំណែកប្អូនស្រីពៅ មានឈ្មោះថា រស់ សោភ័ណ ក្រោយមក បានដូរទៅជា រស់ សិរីសោភ័ណ បន្ទាប់ពីបានចូលរួម ជាតារាចម្រៀងនៅភ្នំពេញ ជំនាន់បន្ទាប់ពីអ្នកស្រី រស់ សេរីសុទ្ធា ។ អ្នកស្រី រស់ សិរីសោភ័ណ ជាអ្នកចម្រៀង ប្រចាំកងពលតូចលេខមួយ នាសម័យសាធារណរដ្ឋខ្មែរ និងជាអតីតភរិយាដើម របស់លោក អ៊ុក ស៊ីណារ៉េត ដែលជាតន្រ្តីករដ៏ល្បីល្បាញមួយរូប នៅប្រទេសយើងដែរ»។

ប្រភពដដែលបានបន្តថា «កាលនៅក្នុងវ័យសិក្សា អ្នកស្រីមាននាមក្នុងសាលាជាផ្លូវការថា រស់ សុទ្ធា តែប៉ុណោ្ណះ ។ ប៉ុន្តែ នៅក្នុងភូមិរស់នៅប្រចាំថ្ងៃ អ្នកជិតខាងទាំងឡាយ ចូលចិត្តហៅលេងក្រៅថា អារៃ ត្បិតអ្នកស្រីមានសំឡេងស្រួយ ហើយពីរោះ ដូចសត្វរៃកណ្តឹង ។ ការពិត ពេលអ្នកស្រីមានប្រសាសន៍សន្ទនា គឺមានសំឡេងធម្មតា ! មិនសូវជាឮប៉ុន្មានទេ ប៉ុន្តែនៅពេលអ្នកស្រី ហើបមាត់ច្រៀងម្តងៗ វិញ បែរជាសំឡេងស្រួយ មុតចាក់ត្រចៀក ហើយជាសំឡេងខ្ពស់ កម្រមាននារីណាម្នាក់ អាចច្រៀងដល់កម្រិតនោះ ហើយនៅអាចរក្សាសំឡេងស្រួយមុត បានដូចអ្នកស្រី សុទ្ធា ណាស់ ។ កាលណោះ អ្នកស្រីចូលចិត្តបរិភោគផ្លែឈើខ្ចីៗ ទ្រនាប់ប្រហុកចិញ្ច្រាំ ដាក់ម្ទេសហឹរៗ។

រស់ សេរីសុទ្ធា មានមាឌស្តើង ខ្ពស់ស្រឡះ សម្បុរខ្មៅស្រស់ ហើយមានទឹកមុខញញឹមជានិច្ច ថ្វីបើមានឱកាសខ្លះ នារីយើង មានអារម្មណ៍មិនល្អក៏ដោយ គឺនាងពូកែលាក់អារម្មណ៍ណាស់ មិនសូវមាននរណាបានដឹង នូវអារម្មណ៍ពិតប្រាកដរបស់នាងឡើយ។ ម្យ៉ាងទៀត នាងក៏មិនមែនជាមនុស្សតម្អូញ ឬប៉ិនរអ៊ូរទាំច្រើននោះដែរ តែជាមនុស្សមានសម្ដីជាក់លាក់ ម៉ឺងម៉ាត់ ធើ្វការម៉ឺងម៉ាត់ ហើយឧស្សាហ៍បំពេញការងារ ដោយមិនបាច់ដាស់តឿនច្រើន។ នៅឯសាលារៀនវិញ សុទ្ធា ជាសិស្សឆ្លៀវឆ្លាតមួយរូប ហើយក៏ជាសិស្សនារី ដែលពូកែលេងកីឡាបំផុត។ ថ្វីបើយុវតីបានចូលរៀនវិទ្យាល័យ នេតយ៉ង់ ជំនាន់ក្រោយអ្នកស្រី ប៉ែន រ៉ន និងអ្នកស្រី ហួយ មាស តែយុវតី សុទ្ធា មានឈ្មោះបោះសំឡេង ក្នុងវិទ្យាល័យ យ៉ាងលឿនរហ័ស ជាងអ្នកទាំងពីរទៅទៀត ។ នោះ ព្រោះដោយសារសំនៀងដ៏ពីរោះរបស់យុវតី និងដោយសារភាពរួសរាយ ជារបៀបអ្នកកីឡា យ៉ាងក្លាហាននោះឯង!»។

«ក្រោយមកនៅក្នុងឆ្នាំ ១៩៦៣ នៅក្នុងវ័យជំទង់១៦ ឆ្នាំ យុវនារី សុទ្ធា ក៏បានទទួលរង្វាន់ពានមាស លេខ១ ប្រចាំខេត្ត ក្នុងឱកាសពិធីប្រឡងចម្រៀង ពេលបុណ្យចូលឆ្នាំ។ កាលនោះ អ្នកស្រីច្រៀងចម្រៀងបីបទ បទទី ១ ជាបទចៀងប្រកួតប្រជែង មានចំណងជើងថា ចិត្តម្តាយ (ជាបទដើមរបស់អ្នកស្រី កែវ មន្ថា) និងបទទី ២ ដែលជាបទច្រៀងជាកិត្តិយស ឈ្មោះ សំបុត្រក្រោមខ្នើយ ជាបទដើមរបស់អ្នកស្រី ម៉ៅ សារ៉េត និងចុងក្រោយ គឺបទទី ៣ ច្រៀងជាកិត្តិយស ឈ្មោះ ខ្ទមជរា ជាបទដើមរបស់អ្នកស្រីម៉ៅ សារ៉េត ដដែល»។

អ្នកស្រី ស៊ិន ឧត្តមផល្លា បានសរសេរបន្ដថា «ពេលបានមកដល់ក្រុងភ្នំពេញដំបូង នៅចុងឆ្នាំ ១៩៦៧ យុវតី សុទ្ធា បានចូលបម្រើជាអ្នកចម្រៀង ជាមួយក្រុមតន្រ្តី យោធាភិរម្យ ក្រសួងឃោសនាការ ហើយបានចេញសម្តែង ជាសាធារណៈជាញឹកញាប់ ជាដៃគូសំនៀងរបស់លោក អ៊ឹម សុងសឺម ដែលតែងតែផ្តល់ការជ្រោមជ្រែង និងការណែនាំផ្លូវជីវិត យ៉ាងកក់ក្តៅ ដល់រូបនាង ហាក់បីដូចជា សាច់ញាតិមួយរូបរបស់លោកដូច្នោះ។ កាលនោះ យុវតីបានជួលផ្ធះ នៅក្បែរសាលាពៅអ៊ុ ជិតផ្ទះអ្នកស្រី ហួយ មាស។ ពេលទៅធ្វើការ យុវតីតែងតែជិះស៊ីក្លូជាប្រចាំ ពុំនោះសោត នាងតែងសណ្តោងតាមរថយន្តរបស់លោក អ៊ឹម សុងសឺម ដែលទៅធ្វើការទីនោះដែរ ។ ក្រោយៗ មក ដោយទេពកោសល្យ ដ៏លេចធ្លោរបស់នាង យុវតីបានត្រូវគេជ្រើសរើសជាអ្នកចម្រៀងប្រចាំការ នៅរង្គសាលមេគង្គ រង្គសាលបែលអ៊ែរ នៅពោធិ៍ចិនតុង ជាដើម ។ តាំងពីពេលនោះមក យុវតីក៏ចាប់មានទំនាក់ទំនង ជាមួយតារាចម្រៀងមកពីបាត់ដំបងដូចគ្នា អ្នកចម្រៀងនៅភ្នំពេញ និងអ្នកចម្រៀងពីតាមខេត្តនានា ជាច្រើនទៀត ដូចជាលោក តូច តេង, លោក សុះ ម៉ាត់, លោក មាស ហុកសេង, អ្នកស្រី ម៉ៅ សារ៉េត, អ្នកស្រី កែវ មន្ថា, អ្នកស្រី ឈួន ម៉ាឡៃ ជាដើម។ នៅទីបំផុត យុវតីយើង ក៏បានជួបនឹងអធិរាជសំនៀងទេព ស៊ិន ស៊ីសាមុត ហើយជីវិតជាអ្នកចម្រៀងវិញ ក៏កាន់តែលេចធ្លោអណ្តែតឡើងថែមទៀត យ៉ាងឆាប់រហ័ស ហួសការស្មាន តាំងពីពេលនោះមក។ រស់ សិរីសុទ្ធា ឬ រស់ សេរីសុទ្ធា បានទទួលប្រិយភាព និងការគាំទ្រពេញប្រទេស រួមទាំងមហាក្សត្រ នាម៉ឺនមុខមន្រ្តី និងប្រជាពលរដ្ឋខែ្មរ ទាំងមូល»។

«នៅឆ្នាំ ១៩៦៩ អ្នកចម្រៀងវ័យក្មេងរបស់យើង បានទទួលគោរមងារពីព្រះប្រមុខរដ្ឋខ្មែរ សម្តេចព្រះឧបយុវរាជ នរោត្តម សីហនុ ថា ជា រាជិនីសំនៀងមាសប្រចាំកម្ពុជា ។ ដោយសារទឹកដមសំនៀង និងទេពកោសល្យដ៏ឆ្នើម យុវតី សុទ្ធា បានត្រូវលោក ស៊ិន ស៊ីសាមុត ណែនាំខ្លួនឲ្យជួបនឹងលោក ពៅ ស៊ីផូ, លោក វ៉ោយ ហូរ, លោក ហាស់ សាឡន និងអ្នកនិពន្ធបទភ្លេង អ្នកលេងតូរ្យតន្ត្រីយ៉ាងចំណានៗ ដទៃទៀត ដូចជា លោក គង្គ ប៊ុនឈឿន, លោក មែរ ប៊ុន, លោក ហេង ហួរវេង, លោក ម៉ា ឡៅពី, លោក ស្វាយ សំអឿ, លោក អ៊ុ សុផានុរក្ស ដែលជាស្វាមីរបស់អ្នកស្រី ហួយ មាស ជាដើម។ រវាងឆ្នាំ ១៩៧០ អ្នកស្រី សុទ្ធា បានជាប់កំណែនជាសមាជិក កងទ័ពឆត្រយោង បម្រើរដ្ឋាភិបាលសាធារណរដ្ឋខ្មែរ ថែមទាំងជានារីខ្មែរតែមួយរូបគត់ ដែលហ៊ានលោតឆត្រ យោងពីលើអាកាស ក្នុងប្រវត្តិសាស្រ្តកម្ពុជា។ ពេលនោះ កិត្តិសព្ទរបស់អ្នកស្រី ក៏កាន់តែមានប្រជាប្រិយភាព រីកសុះសាយថែមទៀត តាមរយៈការផ្សាយតាមកាសែត តាមវិទ្យុ និងតាមទូរទស្សន៍ អំពីសកម្មភាពលោតឆ័ត្រយោងរបស់អ្នកស្រី»។

អ្នកស្រី ស៊ិន ឧត្តមផល្លា បានបន្ថែមថា «ឯរូបសម្រស់របស់អ្នកស្រី និងសំនៀងរបស់អ្នកស្រី ក៏កាន់តែក្លាយជាទីចាប់ចិត្ត ចាប់អារម្មណ៍ នៃមនុស្សផងទាំងពួង រួមទាំងលោកឧត្តមសេនីយ ស្រី យ៉ា ដែលជាមេបញ្ជាការកងទ័ពឆត្រយោង មានទីតាំងនៅជិតបណ្ឌិតរាជសភា និងមហាវិទ្យាល័យមនុស្សសាស្រ្ត នោះទៀតផង តារារូបនេះបានទទួលមរណភាព នៅក្នុងរបបខ្មែរក្រហម។ ចម្រៀងល្បីៗ របស់លោកស្រី រស់ សេរីសុទ្ធា មានដូចជា៖ ក, កត្តិកដល់ហើយ, កន្លង់ក្នុងសួន, កន្សែងក្រហម, កម្លោះកូនប្រាំ, កូនស្រីអ្នកនេសាទ

កេងកងអភ័ព្វ, កុំហៅឈ្មោះអូន, កុំព្រួយពីស្នេហ៍, ក្មេងល្អ, កុំជឿចិត្តប្រុស ស្តាប់, កុំថើបអូនអី, កុំនឹកអូនអី, កន្លង់មាស, ក្រមុំភ័យអរ, ក្រោមមេឃវេរា, ក្លិនជាប់នាសា, ក្លិនស្នេហ៍, ក្អែកហើរកាត់ស្ទឹង, ខ, ខឹងនឹងបងហើយ, ខ្ញុំអៀនណាស់, ខ្នើយប៉ាក់, គ, គន់មើលទៅមេឃ,គូព្រេងអ្នកណា ?, គួរអាណិតដែរ, គេងទៅ គេងទៅ, គេចសន្យា, គ្រាន់តែឃើញបងភ្លាម, គ្រាន់តែឃើញប្រុសស្នេហ៍ឃ, ឃើញតែកន្សែង, ឃើញស្នេហ៍ខ្ញុំទេ, ច, ចង់តែហែកខាំ, ចង់ទៅរកអ្នកម្តាយ, ចង់រាំជាមួយបង, ចង់ឲ្យបងនៅជិត, ច័ន្ទរះផ្លាស់វេន, ចម្លើយព្រហ្មណី, ចាស់ជូរអែម, ចិត្តដែលស្រលាញ់, ចិត្តស្នេហ៍តែបង, ចិត្តឥតមេត្តា, ចុតហ្មាយមច្ចុរាជ, ចូលឆ្នាំថ្មី, ចោលសាច់ស្រវាឆ្អឹង, ចំពោះស្រីណា, ចំរៀងព្រហ្មលិខិត, ចំរៀងលាគ្នា, ចំរៀងស្នេហ៍ខ្ញុំ, ចំរៀងស្នេហា ,ចំរៀងយុវវ័យ, ចំរៀងសួគ៌ា, ចំរៀងស្នេហ៍យើង, ចំរៀងអវសាន, ចាំដប់ខែទៀត, ចាំថ្ងៃវិលវិញ, ចាំនៅតែចាំ, ចាំយប់ជួបគ្នា, ចាំលុះសូន្យ, ចាំលុះអវសាន, ចាំស្នេហា, ច្បារមនរឿងខ្ញុំ, ឆ,ឆ្នាំងចាស់បាយឆ្ងាញ់, ឆ្នាំថ្មីមកដល់ហើយ, ឆ្នាំអូន ១៥, ឆ្នាំអូន១៦, ជ, ជីវិតអនាថា,ជួបគ្នាក្រោមដួងច័ន្ទ, ជំនោរប៉ៃលិន, ជ្រោះស្នេហ៍កម្ម, ជ្រោះអូរយ៉ាដា, ឈ, ឈប់ស្រឡាញ់មិនបាន, ឈប់ស្រឡាញ់អូនទៅ,ឈូករ័ត្នស្នេហា, ញ, ញ៉ាំស្រាព្រោះអ្វី ?, ដ, ដងស្ទឹងស្នេហា, ដួងចិត្តអូនព្រួយ, ត, តាជូជក់, តាមតែវាសនា, តូចចិត្តព្រោះស្នេហ៍, តើបងចាំអូនទេ, ត្រពាំងពាយ, ត្រពាំងសាបកុលាបរោយ, ថ, ថ្ងៃណាបងវិលវិញ, ថ្ងៃត្រង់គ្រលួច, ថ្ងៃថ្មីទុក្ខថ្មី, ថ្ងៃនេះខ្ញុំញ៉ាំស្រា, ថ្ងៃព្រាត់យប់ជួប, ថ្ងៃលិចអូនស្រណោះ, ថ្ងៃអស់សង្ឃឹម, ថ្ងៃ ៥ មីនា, ទ, ទឹកភ្នែកកង្រី, ទឹកភ្នែកដានី, ទឹកភ្នែកនាងពស់ជម្ពូរត្ន, ទឹកភ្នែកសួររកស្នេហ៍, ទឹកហូរទៅ, ទំនួញនារីកំព្រា, ទ្រូងខ្លោចផ្សា, ន, នរកលោកីយ៍, នរណាប្រហារបង ?, នាងចាំអ្នកណា ?, នារីខូចចិត្ត, នឹកឃើញយប់ម្សិលមិញ, នឹកណាស់!»។

បទជាបន្តបន្ទាប់ទៀតមាន «ប, បងឃ្លាតឆ្ងាយទៅ, បងធ្វើអោយអូនយំ, បងនៅទីណា, បងបានសន្យា, បងស្រឡាញ់អូនប៉ុនណា, បណ្តាំទៅសំឡូត, បណ្តាំស្ទឹងខៀវ, បណ្តាំស្នេហ៍, បណ្តាំស្រីក្បត់, បានបងជាគូ, បុប្ផាបាក់ព្រា, បុប្ផាអាកាសចរណ៍, បើខ្ញុំមានភ័ព្វវាសនា, បើចិត្តមិនស្ម័គ្រ, បើផ្កាយនៅតែរះ, បែកក្អមអូនហើយ, បំភ្លេចមិនបាន, បំភ្លេចអូនទៅ, បាំងមួយខែទៀត, ប្តីប្រមឹក, ប្រច័ណ្ឌ, ប្រវត្តិស្នេហ៍កម្ម, ប្រាប់ខ្ញុំមក, ប្រុសចិត្តក្បត់, ប្រុសដែលក្បត់ចិត្ត, ប្រុសដែលខ្ញុំស្រមៃ, ប្រុសនេះមុខក្រាស់, ប្រុសបណ្តូលចិត្ត, ប្រុសអីនេះ, ផ, ផាត់ជាយ, ផាមួងកទា ផ្ការីកលើមេឃ, ផ្កាអរគីដេ, ផ្នូរមួយពីរនាក់, ផ្នូរសមុទ្រ, ព, ពេញក្រមុំពេលណា, ពេញចិត្តតែបងមួយ, ពេលមេឃស្រទំ, ព្រលឹងនាងព្រាយកន្ទោងខៀវ, ព្រាត់ស្នេហ៍នៅពេជ្រចិន្តា, ព្រាត់ស្វាមី, ព្រួញស្នេហ៍, ព្រេងនិស្ស័យស្នេហ៍, ព្រោះរឿងអ្វី, ភ, ភពខ្មៅងងឹត, ភរ ! ភរ ! ភរ !, ភ័យ ! ភ័យ ! ភ័យ !, ភ្លឺឡើងបាត់ស្នេហ៍, ម, មកពីចាស់ទុំ, មក ! រាំជាមួយខ្ញុំ !, មានតែបងម្នាក់, មិនគួរស្រឡាញ់បង, មិនដឹងជាបងឬខ្ញុំ, មិនដឹងពេលណា, មិនទំនេរ, មិនអាចភ្លេចបាន, មើលកុំអោយខុស, មើលព្រៃព្រឹក្សា, មើលឫកប្ដីខ្ញុំ, មេឃមីរត្រជាក់, ម្ចាស់ស្នេហ៍អូន, ម្តាយក្មេកមកលេង, ម្តេចក៏ដើរតាមខ្ញុំ, ម្តេចគេងបែរខ្នង, យ, យប់មិញបងនៅក្បែរ, យុវជនសម័យ, យំសំរាប់ថ្ងៃនេះ, រ, រដូវផ្ការីក, រលកធំធេង, រលឹមទឹកដក់, រស់តាមវាសនា, រាត្រីងងឹត, រាត្រីបាត់ស្នេហ៍, រាត្រីពណ៌ផ្កាឈូក, រឿងយើងដូចគ្នា, រែងអាល័យ, រាំឆាឆាឆា, រាំទៅមិត្ត, រាំពេលរាត្រី, ល, លាប្រុសចិត្តព្រាន, លាហើយកម្មស្នេហ៍លោកីយ៍, លួចស្នេហ៍ដួងច័ន្ទ, លួចស្រឡាញ់លែងខ្ញុំទៅ, ឮ, ឮគេថាបងមក, វ, វាចាបុរស, ស, សត្វរៃពេលល្ងាច, សល់តែទឹកភ្នែក, សម្រែកនាងឧមា, សល់អនុស្សាវរីយ៍, សុបិនឃើញបង, សុបិនចង្រៃ, សុរិយាផ្សងស្នេហ៍, សូមអង្វរ, សែនក្ដៅក្នុងចិត្ត, សែនស្រណោះ, សុំបងអាណិត, សុំរស់ក្បែរបង, សំនៀងបុប្ផាព្រៃភ្នំ, សំឡេងខ្លែងស្រាក, សំឡេងទ្រខ្មែរ, សំឡេងហ្គីតា, ស្គាល់គេពីកាលណា, ស្គាល់រសស្នេហ៍, ស្តាយភាពក្រមុំ, ស្តាយវ័យកុមារ, ស្ទឹងខៀវ, ស្ទឹងស្នេហា, ស្នេហាមិនស្មោះ, ស្ពានស្នេហា, ស្រមោលស្នេហ៍ខ្ញុំ, ស្រឡាញ់, ស្រឡាញ់តែបងមួយ, ស្រឡាញ់ពេញប្រាស, ស្រឡាញ់អូនទៅ, ស្រា ១ កែវ, ហ, ហ៊ានស្លាប់ព្រោះបង, អ, អកភ្នំ, អណ្តូងកម្ម, អត់បាយអោយស្លាប់, អនិច្ចាក្មេងកំព្រា, អប្រិយតែរូប, អស់ផ្លូវហើយ, អស់សង្ឃឹម, អស្ចារ្យលោកប្តី, អាល័យបងជានិច្ច, អាសូរកេសរមាលា, អូនចង់រាំលេងនឹងបង, អូនចាំបងជានិច្ច, អូនច្រៀងបំពេ, អូនឆ្អែតចិត្តណាស់, អូនឈឺចិត្តណាស់, អូននៅតែរង់ចាំ, អូនមិនក្បត់បងទេ, អូនសូមផ្ញើឆ្អឹង, អូនសូមផ្ញើស្នេហ៍, អូនសូមស្មាលា, អូនសុំរស់ក្បែរទ្រូងបង, អូនសុំអង្វរ, អូនស្ម័គ្របងស្មោះ, អូនស្រឡាញ់បងណាស់, អូរជ្រៅរណ្តៅស្នេហ៍, អោយខ្ញុំយំទៅ, អ្នកកាត់សក់ដៃឯក

អ្នកម្តាយ!»។

ក្នុងនោះបទចំរៀងឆ្លងឆ្លើយជាមួយលោក ស៊ីន ស៊ីសាមុត មានដូចជា «១- កំណាព្យស្នេហ៍, ២- កម្មស្នេហ៍ស្រីអាំ, ៣- កុំដាច់មេត្តា, ៤- កំណួចវាយោ, ៥- ចិត្តឥតល្អៀង, ៦- ចង់បានផ្កាអ្វី, ៧- ចោរលួចចិត្ត, ៨- ច័ន្ទចាកមេឃ, ៩- ច្រូតស្រូវ, ១០- ឋានៈផ្សេងចិត្តផ្សេង, ១១- តូចចិត្តណាស់ ស្តាប់, ១២- តូចអើយតូចស្រី, ១៣- ថ្មគោលស្រមោលស្នេហ៍, ១៤- ផ្ទះអូនក្បែរភ្នំសំពៅ, ១៥- ទាវអើយស្រីទាវ, ១៦- ទូកបងអុំស្កាត់, ១៧- ទេសភាពព្រលឹម, ១៨- បោះឈូង, ១៩- ភូមរាអភ័ព្វ, ២០- ម៉ាពីណោក, ២១- ម្លប់ស្នេហ៍ដើមស្រឡៅ, ២២- មួយកំផ្លៀងអនុស្សាវរីយ៍, ២៣- យប់យន់ទន់ត្រជាក់, ២៤- យើងកុំភ្លេចគ្នា, ២៥- រាំឆា ! ឆា ! ឆា !, ២៦- រាំកិតជិតកាយ, ២៧- លាហើយស៊ូម៉ាត្រា, ២៨- សន្យាឲ្យបងចាំ, ២៩- ស្នេហាពិនវង្ស, ៣០- ស្រណោះអូរជ្រៅ, ៣១- ស្រីតូចច្រឡឹង, ៣២- ស្រីណាហ៊ានវាយ, ៣៣- អានុភាពនៃពុកមាត់, ៣៤- ឯណាព្រហ្មចារី, ៣៥- ឧត្តមភរិយាទាហាន, ៣៦- ម្តេចហ៊ានសួរខ្ញុំ, បទចំរៀងឆ្លងឆ្លើយជាមួយលោក អ៊ឹង យ៉េង, ខ្លួនបងសព្វថ្ងៃ, អូនពួនទីណា, ឃ្មុំឡើងក្បាលទឹក, បទចំរៀងរួមជាមួយអ្នកស្រី ប៉ែន រ៉ន, ទេសចរក្នុងក្តីស្រមៃ, ទេសភាពឋានកណ្តាល, មួយថ្ងៃល្អបីដង និងបទចម្រៀងជាច្រើនទៀត៕

ប្រភព៖ Khmertalking