មិននឹកស្មានថា Shakrit មានសង្សារច្រើនដល់ថ្នាក់ហ្នឹង សុទ្ធតែអ្នកមាន និងតារាល្បី

ថៃ: Shakrit Yamnam ជាតារាសម្តែងប្រុសដែលបានប្រឡូកចូលក្នុងវិស័យសិល្បៈ អស់រយៈពេលជាច្រើនឆ្នាំមកហើយ។ ក្នុងនោះ លោកក៏មានកេរ្តិ៍ឈ្មោះបោះសម្លេងខ្លាំងទាំងនៅក្នុងប្រទេស និងក្រៅ តាមរយៈសមត្ថភាព ព្រមជាមួយទេពកោសល្យពីកំណើត របស់លោក។

ថ្វីបើ អាជីពជាតារាសម្តែងរបស់លោក ទទួលបានភាពជោគជ័យខ្លាំង យ៉ាងណាក៏ដោយ តែបើក្រឡេក មកមើលអតីតមិត្តស្រី និងភរិយា ពីពេលកន្លងមករបស់លោកវិញ គឺសុទ្ធសឹង តែជានារីដែលមានសម្រស់ស្រស់ស្អាត និងមានទ្រព្យសម្បត្តិមិនធម្មតា។

តែអ្វីដែលជារឿង គួរឲ្យសោកស្តាយយ៉ាងខ្លាំងនោះ គឺពួកគេបានសម្រេចចិត្តចែកផ្លូវគ្នា រួចទៅហើយ។

ចង់ដឹងអត់ថា តើអតីតមិត្តស្រីរបស់លោកមាននរណាគេខ្លះ ទៅនេះ? 

១. Hi-So Not

នាងជាអតីតមិត្តស្រីដំបូងរបស់ Shakrit Yamnam ។ ហើយ ពួកគេទាំងពីរក៏បានមានគម្រោងថា និងរៀបការជាមួយគ្នា តែពួកគេ ក៏ត្រូវបានចែកផ្លូវគ្នាទៅវិញ ព្រោះមានពាក្យចចាមអារ៉ាមថា Shakrit បានលួចលាក់មានស្រីផ្សេងម្នាក់ទៀត ក្រោយខ្នងនាង ។ 

២. Joy Rinlanee

Joy Rinlanee និង Shakrit បានស្រឡាញ់គ្នាក្រោយពេលដែល ពួកគេបានសម្តែងរឿងជាមួយគ្នា ដែលមានចំណងជើងថា “Sam Pao Thong” ។ ក្រោយមក ក៏មានពាក្យចចាមអារ៉ាមថា ពួកគេទាំងពីរបានមានគម្រោងថា និងរៀបការជាមួយគ្នា ប៉ុន្តែចុងក្រោយ ពួកគេក៏បែកគ្នាទៅវិញ។ 

៣. Hi-So Keung 

Hi-So Keung ក៏ធ្លាប់មានទំនាក់ទំនងស្នេហាជាមួយ Shakrit បានរយៈពេលត្រឹមតែមួយខែ តែប៉ុណ្ណោះ ហើយពួកគេទាំងពីរ ក៏បានចែកផ្លូវគ្នាទៅវិញ។

៤. Jakjaan Akhamsiri 

Jakjaan Akhamsiri និងShakrit បានស្រឡាញ់គ្នា ក្រោយពេលសម្តែងរឿងជាមួយគ្នារួច ដែលមានចំណងជើងថា ” Poo Pi Ta Rak Tur “ ។ ហើយ ក៏មានការបែកធ្លាយថា ពួកគេទាំងពីរ និងរៀបការជាមួយគ្នា បន្ទាប់ពីមានទំនាក់ទំនងស្នេហាជាមួយគ្នាត្រឹមតែ រយៈពេល ៣សប្តាហ៍ ប៉ុណ្ណោះ។ តែក្រោយមក ពួកគេទាំងពីរ ក៏បានចែកផ្លូវគ្នាមុនពេលរៀបការទៅវិញ។

៥. Petch Bunyaphan 

ក្រុមគ្រួសាររបស់ពួកគេទាំងពីរ ក៏បានគាំទ្រឲ្យអ្នកទាំងពីររៀបការជាមួយគ្នា ប៉ុន្តែពួកគេទាំងពីរ ក៏បានបែកគ្នា បន្ទាប់ពីមានទំនាក់ទំនងស្នេហាជាមួយគ្នា បានត្រឹមរយៈពេល១ឆ្នាំ ប៉ុណ្ណោះ។

៦. Woonsen Virithipa

Woonsen Virithipa និងShakrit បានរៀបការជាមួយគ្នា អស់រយៈពេល ៤ឆ្នាំ តែចុងក្រោយ ពួកគេទាំងពីរ ក៏បានសម្រេចចិត្តលែងលះគ្នា ដោយមករាប់អានគ្នាជាថ្មីត្រឹមតែជាមិត្តភក្តិធម្មតាទៅវិញ។