នោះ! Weir បង្ហោះវីដេអូចម្រៀងខ្លី បែបសីុអារម្មណ៍ជាមួយ Bella?

ថៃ៖ តារាសម្តែងថៃ២ដួង Weir និង Bella Ranee ដែលបន្ទាប់ពីការបើកចំហនូវទំនាក់ទំនងស្នេហារបស់ពួកគេរួចមក ឃើញថាសម្លេងគាំទ្រ និងប្រជាប្រិយភាពម្នាក់ៗកើនឡើងខ្លាំងគួរឲ្យកត់សម្គាល់ រហូតហ្វេនៗជាច្រើនចង់ ឃើញវត្តមានពួកគេទាំង២សម្តែង និងចូលរួមកម្មវិធីផ្សេងៗជាមួយគ្នាញឹកញាប់។

តួយ៉ាង ក្រោយពីការថតបង្ហាញម៉ូតឲ្យទស្សនាវដ្តីជាមួយគ្នាហើយនោះ Weir បានធ្វើឲ្យអ្នកគាំទ្រចាប់អារម្មណ៍តាមដានទស្សនាជាមួយវីដេអូបទចម្រៀងខ្លីមួយ ដែលលោកបានផុសក្នុងគណនីIGរបស់លោក ដោយមានការសម្តែងពីលោកផ្ទាល់ និងតួស្រីម្នាក់។

ក្នុងវីដេអូនោះផងដែរ មិនបានបង្ហាញមុខតួស្រីច្បាស់នៅឡើយទេថាជាអ្នកណា បង្ហាញតែដៃ មាត់ និងខ្នងតែប៉ុណ្ណោះ ដែលជាហេតុធ្វើឲ្យអ្នកគាំទ្រគិតថា អាចជា Bella Ranee គូស្នេហ៍របស់លោក ព្រោះទាំងទម្រង់មាត់ និងដៃ គឺស្រដៀងនឹងនាង។

យ៉ាងណាមិញ យើងមិនទាន់ប្រាកដនោះទេថា តួស្រីក្នុងវីដេអូនោះ ជាBella មែន រឺអត់ទេ ព្រោះគ្រាន់តែជាការយល់ឃើញពីហ្វេនៗរបស់អ្នកទាំងពីរប៉ុណ្ណោះ។ បើចង់ជ្រាបច្បាស់ មានតែរង់ចាំទស្សនាវីដេអូចម្រៀងពេញទាំងអស់គ្នា៕

• វីដេអូ
• រូបភាព