ផ្លែននោងពិតជាចាំបាច់សម្រាប់សុខភាព ជាពិសេសសម្រាប់បញ្ហាទាំងអស់នេះ

ផ្លែននោងដែលយើងតែងតែហៅ មានឈ្មោះវិទ្យាសាស្រ្តថា Luffa aegyptica។ ខាងក្រោមនេះគឺជាផលប្រយោជន៍សុខភាពរបស់ផ្លែននោង ដែលអ្នកតែងតែយកវាធ្វើជាអាហារជាប្រចាំ៖

១/ ផ្លែននោងមានផ្ទុកជាតិសរសៃ

• អត្ថប្រយោជន៍មួយដែលសំខាន់ដំបូងរបស់វានោះគឺមានផ្ទុកជាតិសរសៃ។ ដោយសារតែជាតិសរសៃគឺជាសារធាតុដែលដើរតួជាអ្នកជួយសម្អាតប្រព័ន្ធរាងកាយ។

• ជាតិសរសៃជួយលុបបំបាត់សារធាតុពុល និងរ៉ាឌីកាល់សេរីដែលបណ្តាលឱ្យមានជំងឺដូចជាជំងឺបេះដូង និងមហារីក។

• វាក៏ជួយកាត់បន្ថយបរិមាណជាតិខ្លាញ់ ឬកូលេស្តេរ៉ុលអាក្រក់នៅក្នុងចរន្តឈាម រារាំងបញ្ហាក្រពះពោះវៀនដូចជាការទល់លាមក ជំងឺរលាកទងសួតនិងជំងឺឬសដូងបាតទៀតផង។

• លើសពីនេះទៅទៀតជាតិសរសៃជួយបង្កើនល្បឿនរំលាយអាហារ និងបំប្លែងសារជាតិដែលធ្វើឲ្យបាត់បង់ជាតិខ្លាញ់ និងស្រកទម្ងន់។

• ហេតុនេះដើម្បីលាងសម្អាតប្រព័ន្ធការពារ និងទប់ស្កាត់ជំងឺធាត់ ឬហៅថាលើសទម្ងន់ហួសហេតុ និងជំងឺបេះដូង នោះអ្នកអាចបរិភោគផ្លែននោងធ្វើជាអាហារបាន។ 

២/ ជាអ្នកសម្អាតផលប៉ះពាល់ផ្សេងៗ

• ក្រៅពីជាតិសរសៃដែលអាចជួយលុបបំបាត់ជាតិពុល និងរ៉ាឌីកាល់សេរីពីរាងកាយនោះ ស្លឹករបស់វាក៏អាចជួយសម្អាតប្រព័ន្ធរាងកាយបានផងដែរ។

• យោងទៅតាមការស្រាវជ្រាវរបស់ Food Recap គេអាចយកស្លឹកផ្លែននោងទៅស្ងោរសម្រាប់ទទួលទានដើម្បីដោះស្រាយបញ្ហាដូចជាទប់ទល់នឹងភាពមិនធម្មតានៃការមករដូវ និង uremia (កកកុញនៃកាកសំណល់អាសូតនៅក្នុងឈាម) ។

៣/ ជួយប្រឆាំងទៅនឹងជំងឺទឹកនោមផ្អែម

• ទន្ទឹមនឹងនេះផងដែរផ្លែននោងមានគុណសម្បត្តិប្រឆាំងនឹងជំងឺទឹកនោមផ្អែមបានទៀតផង។

• យោងទៅតាម Agroproducts បានបង្ហាញថាផ្លែននោងមានអាំងស៊ុយលីនដែលជួយគ្រប់គ្រងកម្រិតជាតិស្ករក្នុងឈាមតាមរយៈការកាត់បន្ថយ ហើយវិធីនេះវានឹងជួយរក្សាកម្រិតធម្មតានៃជាតិស្ករនៅក្នុងចរន្តឈាមរបស់អ្នក។

៤/ ជួយដល់សុខភាពភ្នែក

• ផ្លែននោងវាសម្បូរទៅដោយវីតាមីន A ដែលទទួលខុសត្រូវក្នុងការលើកកម្ពស់ចំពោះសុខភាពភ្នែកទាំងមូល។ ម្យ៉ាងទៀតបើគ្មានវីតាមីន A នេះទេភ្នែកនឹងខ្សោយមើលមិនសូវច្បាស់ និងងងឹតនៅពេលយប់ទៀតផង។

• លើសពីនេះទៅទៀតស្បែក និងភ្នាសរំអិលនឹងងាយរលាក និងខូចខាត។

• យោងតាមការសិក្សាដែលធ្វើឡើងដោយ the National Eye Institute បានលើកឡើងថាអ្នកដែលប្រើប្រាស់វីតាមីន A វីតាមីន C វីតាមីន E ទង់ដែងនិងស័ង្កសីមានការថយចុះហានិភ័យនៃការថយចុះកម្តៅសាច់ដុំ ២៥ភាគរយរយៈពេល ៦ឆ្នាំទៀតផង៕