និស្សិតស្រីដ៏ស្រស់ស្អាតម្នាក់នេះ បានធ្វើឲ្យអ្នកតិះដៀលនាង ស្ងាត់មាត់ដូចគេចុក ក្រោយពីពួកគេបានឃើញលទ្ធផលរបស់នាង

ហ្វីលីពីន៖ នាង Wynona Pauline Catapang គឺជានិស្សិតមហាវិទ្យាល័យជនជាតិហ្វីលីពីនម្នាក់ ដែលមានវ័យទើបតែ ២១ឆ្នាំ។ ជាញឹកញាប់ នាងតែងតែត្រូវបានមនុស្សដែលនៅក្បែរខ្លួននាងធ្វើការរិះគន់នាងថា នាងជាមនុស្សដែលមានមហិច្ឆតាខ្ពស់ពេក។ ម្យ៉ាងវិញទៀត ពួកគេក៏បាននិយាយថា នាងជាមនុស្សឆ្កួត ដែលចំណាយពេលយូររៀននៅមហាវិទ្យាល័យ St. Scholastica។

យោងតាមប្រភពព័ត៌មានបរទេសមួយបានឲ្យដឹងថា ទោះបីជានាងទទួលបានពាក្យតិះដៀលយ៉ាងច្រើនបែបនេះក្តី Wynona Pauline Catapang នៅតែបន្តខិតខំប្រឹងប្រែងរៀនសូត្រ និងលះបង់ពេលវេលាជាច្រើនដើម្បីការសិក្សារបស់នាង។ 

រហូតដល់ឆ្នាំ ២០១៧ នេះ នាង Wynona Pauline Catapang បានបញ្ចប់ការសិក្សារយៈពេល ៥ ឆ្នាំ ដោយទទួលបានសញ្ញាបត្រចំនួន ៣ ដោយសញ្ញាបត្រទាំងនោះរួមមាន សញ្ញាបត្រថ្នាក់បរិញ្ញាបត្រជំនាញសារគមនាគមន៍មហាជន នៃមហាវិទ្យាល័យអភិវឌ្ឍន៍សារគមនាគមន៍ សញ្ញាបត្រថ្នាក់បរិញ្ញាបត្រជំនាញ វិទ្យាសាស្ត្រចិត្តវិទ្យា និងសញ្ញាបត្រថ្នាក់បរិញ្ញាបត្រជំនាញសិល្បៈមគ្គុទេស៍ និងប្រឹក្សាយោបល់។

ក្រោយពីទទួលបានលទ្ធផលដ៏ល្អបែបនេះហើយ នាង Wynona Pauline Catapang បានពន្លយនូវពាក្យប៉ុន្មានម៉ាត់ថា៖

ជាធម្មតា ដើម្បីទទួលបានសញ្ញាបត្រថ្នាក់បរិញ្ញាបត្រមួយ និស្សិតត្រូវចំណាយពេលរហូតដល់ ៤ ទៅ ៥ឆ្នាំ។ ក៏ប៉ុន្តែ នាងខ្ញុំអាចទទួលបានសញ្ញាបត្រថ្នាក់បរិញ្ញាបត្រចំនួន ៣ ដោយចំណាយពេលត្រឹមតែ ៥ ឆ្នាំ ដូចនេះ ខ្ញុំជឿជាក់ថា នេះគឺជាសមទ្ធិផលដល់ល្អបំផុតដែលនាងខ្ញុំធ្វើបាន៕

• ជំរុញទឹកចិត្ត