ខេត្តបាត់ដំបង ៖ (ព័ត៌មានបឋម) នៅវេលាម៉ោង៨ និង១០នាទីយប់ ថ្ងៃទី២៩ ខែធ្នូ ឆ្នាំ២០១៧នេះ នៅភូមិសួនស្លា ឃុំក្តុលតាហែន ស្រុកបវេល កម្លាំងនគរបាលខេត្ត សហការណ៍ជាមួយកម្លាំងអធិការដ្ឋាននគរបាលស្រុកបវេល បានធ្វើការនាំខ្លួនឈ្មោះ ហួន រាហ៊ូ ភេទប្រុស អាយុ១៣ឆ្នាំ រស់នៅភូមិ-ឃុំខាងលើ ត្រូវជាប្អូនជនរងគ្រោះ (ឪពុកតែមួយ ម្តាយផ្សេងគ្នា) មកធ្វើការសាកសួរនៅអធិការដ្ឋាននគរបាលស្រុក ពីបទឃាតកម្ម។
ក្រោយពីសមត្ថកិច្ចបានធ្វើការសាកសួររួចជនសង្ស័យបានឆ្លើយសារភាពថា ខ្លួនពិតជាបានយកពូថៅកាប់ទៅលើបងស្រីឈ្មោះ ហួន រ៉ានី ភេទស្រី អាយុ៣០ឆ្នាំ រស់នៅភូមិ-ឃុំខាងលើពិតប្រាកដមែន កាលពីថ្ងៃទី២៨ ធ្នូ ២០១៧ វេលាម៉ោង២និងនាទីរសៀល នៅភូមិរូងអំពិល ឃុំខ្នាចរមាស ស្រុកបវេល (មូលហេតុចង់បានលុយពីបងស្រី និងទាស់សម្ដីគ្នា)។ សមត្ថកិច្ចដកហូតបានវត្ថុតាងពូថៅ១ និងប្រាក់រៀល២៤១.៦០០រៀល ប្រាក់ថៃ២៥.៤៦០បាត។ ក្នុងករណីនេះដែរ សមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្ត៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
