អូស្ត្រាលី៖ នៅក្នុងប្រទេសអូស្ត្រាលី សត្វល្មូនយ៉ាងតិចណាស់ជាង ២លានក្បាលត្រូវបានសម្លាប់ដោយសត្វឆ្មាជារៀងរាល់ថ្ងៃ ហើយនៅក្នុងនោះក៏រួមបញ្ចូលប្រភេទសត្វល្មូនដែលកំពុងផុតពូជទៀតផង។

ប្រទេសអូស្ត្រាលីមានទៅដោយប្រភេទសត្វពិសេសៗជាច្រើន ហើយសត្វទាំងនោះកំពុងតែឈានទៅរកការផុតពូជទៅហើយ ដោយសារសត្វឆ្មានៃប្រទេសនេះ។

សត្វឆ្មាមានជាប់ពាក់ព័ន្ធទៅនឹងដើមហេតុដែលបណ្ដាលឲ្យថនិកសត្វយ៉ាងតិចណាស់ ២០ប្រភេទនៅក្នុងប្រទេសអូស្ត្រាលីផុតពូជ។  

សត្វដែលបានផុតពូជ

រដ្ឋាភិបាលអូស្ត្រាលីក៏ធ្លាប់ប្រកាសសង្គ្រាមប្រឆាំងការគំរាមកំហែង ដែលបង្កឡើងដោយសត្វឆ្មាផងដែរ ក៏ប៉ុន្តែ ទើបតែមានការសិក្សាថ្មីមួយពីមជ្ឈមណ្ឌលជួយសង្គ្រោះប្រភេទសត្វកំពុងរងការគំរាមកំហែងថ្មីៗនេះប៉ុណ្ណោះ ទើបគេដឹងពីឥទ្ធិពលនៃការបំផ្លិចបំផ្លាញពីសត្វឆ្មាទៅលើសត្វល្មូនក្នុងតំបន់។

គេបានរកឃើញថា សត្វល្មូនយ៉ាងតិចណាស់ ៦៥០លានក្បាលត្រូវបានសម្លាប់ដោយសត្វឆ្មាជារៀងរាល់ឆ្នាំ ហើយសត្វឆ្មាមួយក្បាល បានសម្លាប់សត្វល្មូនជាមធ្យម២២៥ក្បាលក្នុងមួយឆ្នាំ។ 

សត្វដែលបានផុតពូជ

លោកសាស្ត្រចារ្យ John Woinarski មកពីសាកលវិទ្យាល័យ Charles Darwin ដែលជាអ្នកដឹកនាំការស្រាវជ្រាវនេះបាននិយាយថា «សត្វឆ្មាខ្លះសុីសត្វល្មូនច្រើនខ្លាំងណាស់។ យើងបានរកឃើញសត្វឆ្មាមួយចំនួនដែលសុីត្រឹមតែសត្វល្មូនប៉ុណ្ណោះ ហើយយើងថែមទាំងឃើញឆ្មាមួយមានសត្វល្មូន ៤០ក្បាលនៅក្នុងពោះទៀតផង»។

ការស្រាវជ្រាវនេះគឺយោងទៅតាមការវិភាគទៅលើការសុីចំណីដោយសត្វឆ្មា ១មុឺនក្បាលដោយអ្នកវិទ្យាសាស្ត្រផ្សេងៗជុំវិញប្រទេសអូស្ត្រាលី។ 

របងការពារសត្វព្រៃ

ដើម្បីទប់ស្កាត់ទៅនឹងការគំរាមកំហែងដោយសត្វឆ្មានេះ រដ្ឋាភិបាលអូស្ត្រាលីបានសាងសង់របងជាច្រើនដើម្បីការពារសត្វព្រៃពីសត្វឆ្មា ហើយគេក៏មានគម្រោងក្នុងការសម្លាប់សត្វឆ្មាឲ្យបាន ២លានក្បាលត្រឹមឆ្នាំ ២០២០ទៀតផង៕

សត្វឆ្មា

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]