ត្រឹមឆ្នាំ២០២១ អ៊ឺរ៉ុបហាមឃាត់មិនឱ្យមាន និងមិនឱ្យប្រើប្រាស់របស់ទាំង៣ប្រភេទនេះដាច់ខាតបំផុត

អ៊ឺរ៉ុប៖ ថ្មីៗនេះសហភាពអ៊ឺរ៉ុបទើបតែយល់ស្របគំនិតគ្នាដោយការបោះឆ្នោតក្នុងការហាមមិនឲ្យប្រជាជនរបស់ខ្លួនប្រើប្រាស់របស់របរផ្លាស្ទិកទាំង៣យ៉ាងខាងក្រោមនេះត្រឹមឆ្នាំ២០២១ ដើម្បីចូលរួមការពារដល់បរិស្ថាននាពេលអនាគត។

របស់របរប្លាស្ទិកទាំងអស់មានដូចជា សម្លីត្បាល់ត្រចៀក ទុយោបឺត និង
ដបប្លាស្ទិកនឹងត្រូវបានហាមឃាត់យ៉ាងដាច់អហង្ការ។  មិនត្រឹមតែប៉ុណ្ណោះត្រឹមឆ្នាំ២០២៥ ពួកគេថែមទាំងមានគម្រោងប្រមូលដបប្លាស្ទិកប្រមាណ៩០ភាគរយក្នុងសហគមន៍អ៊ឺរ៉ុបទៅកែច្នៃជាវត្ថុប្រើប្រាស់ផ្សេងៗឡើងវិញទៀតផង។

សព្វថ្ងៃនេះគេឃើញមានថង់និងដបប្លាស្ទិកប្រមាណ ១៥០លានតោនដែលរសាត់អណ្តែតលើផ្ទៃសមុទ្រដែលវាបានធ្វើឲ្យប៉ះពាល់យ៉ាងខ្លាំងដល់បរិស្ថាន។ វាបានបំពុលទឹក ត្រី និង ជីវៈចម្រុះដ៏ច្រើនដែលរស់នៅក្នុងសមុទ្រ។  កាកសំណល់នៃជាតិប្លាស្ទិកគឺជាបញ្ហាដ៏ធំមួួយដែលពិភពលោកសព្វថ្ងៃកំពុងប្រឈមមុខ។

ដូច្នេះហើយការដាក់បម្រាមមិនឲ្យប្រើប្រាស់របស់របរដែលផលិតចេញពីជាតិជ័រ
ប្លាស្ទិកនាឆ្នាំ២០២១ខាងមុខនេះគឺជាវិធានការដ៏សមប្រកបមួយដើម្បីចូលរួមការពារដល់ប្រព័ន្ធបរិស្ថាននាពេលខាងមុខ៕

• បរិស្ថាន
• អនាគត