ទឹកអាងក្លាយជាទឹកកក! សត្វក្រពាទម្លុះផ្ទាំងទឹកកក ដើម្បីរកខ្យល់ដកដង្ហើម (មានវីដេអូ)

អាមេរិក៖ អាងទឹកសត្វក្រពាមួយមានទីតាំងក្នុងឧទ្យាន Shallote River Swamp Park សឹងក្លាយទៅជាផ្ទាំងទឹកកកទាំងស្រុងបាត់ទៅហើយនាអំឡុងរដូវរងានេះ។ អ្វីដែលគួរឱ្យចាប់អារម្មណ៍គេឃើញសត្វក្រពាជាច្រើនក្បាលប្រឹងបុកទម្លុះផ្ទាំងទឹកកកក្នុងអាងដែលវារស់នៅដើម្បីរកខ្យល់ដកដង្ហើម។ នេះយោងតាមសារព័ត៌មាន Metro ចេញផ្សាយ ថ្ងៃទី ២៤ ខែមករា ឆ្នាំ២០១៩។

យោងតាមប្រសាសន៍លោក George Howard ដែលជាម្ចាស់ឧទ្យានខាងលើបាននិយាយថា “ដំបូងឡើយ ខ្ញុំស្មានថាវាជាគល់ឈើ ដល់ពេលដើរទៅជិតទើបឃើញធ្មេញវា”។

លោក Howard បន្តថា “ជាទូទៅសត្វក្រពាជាអម្បូរសត្វល្មូនដ៏ធន់មួយ អាចរស់នៅក្នុងទឹកកកបានដោយសារពួកវាមានឈាមត្រជាក់”។ 

ភ្ញៀវទេសចរជាច្រើនបានមកទស្សនាតែងតែគិតថាវាងាប់ នៅពេលដែលពួកគេឃើញសត្វក្រពាទាំងអស់នោះជាប់ខ្លួនក្នុងផ្ទាំងទឹកកក។ ប៉ុន្តែការពិតវាគ្រាន់តែសំងំរង់ចាំទឹកកករលាយប៉ុណ្ណោះ៕

មានវីដេអូនៅខាងក្រោម៖  

• ទីកន្លែង
• វីដេអូ