ទៅលេងសង្ក្រាន្តបាត់ដំបង កុំភ្លេចរបស់ញ៉ាំឆ្ងាញ់ៗទាំងនេះ! (មានវីដេអូ)

បាត់ដំបង៖ បើនិយាយពីខេត្តបាត់ដំបង ប៉ែកពាយព្យ ដែលជាជម្រុកស្រូវដ៏ធំបំផុតប្រចាំប្រទេសមួយនេះ គឺសម្បូរទៅដោយសំណង់ប្រវត្តិសាស្រ្តចំណាស់ៗបន្សល់ទុកច្រើនជាងគេក្នុងចំណោមបណ្តាខេត្តផ្សេងៗនៅស្រុកខ្មែរ ថែមទាំងមានតំបន់ទេសចរណ៍បែបធម្មជាតិជាច្រើនកន្លែងមិនខ្វះកន្លែងដើរលេងផងដែរ។

ទន្ទឹមនឹងមានកេរ្តិ៍ឈ្មោះល្បីល្បាញខាងកន្លែងកម្សាន្តធម្មជាតិបូកប្រវត្តិសាស្រ្ត ខេត្តបាត់ដំបងក៏ល្បីថាសម្បូរទៅដោយម្ហូបអាហារ និងរបស់ញ៉ាំឆ្ងាញ់ៗជាច្រើនមុខដែលមិនអាចខកខានរកទទួលទានផងដែរ ប្រសិនជាបានទៅលេងខេត្តបាត់ដំបងក្នុងថ្ងៃសម្រាកពីការងារ ជាពិសេសគឺឱកាសល្អនៅក្នុងថ្ងៃចូលឆ្នាំថ្មីប្រពៃណីជាតិខ្មែរខាងមុខនេះតែម្តង។ ដោយរបស់ឆ្ងាញ់ៗទាំងនោះមានដូចជា៖ សម្បកណែម ណែមសាច់ត្រី សង្វាក់បាត់ដំបង ក្រឡាន អាម៉ុក បង្អែមដង្កូវ នំបញ្ចុកទឹកណាំព្រឹក្ស បុកទឹកគ្រឿង(ណាំព្រឹក្ស) ផ្អកប្រហុកត្រីប្រៃ ផ្លែឈើឆ្ងាញ់ៗបែបធម្មជាតិពីចម្ការស្រស់ៗរួមមាន ទុរេនសំឡូត សាវម៉ាវ ដូងខ្ទិះ ស្វាយខ្ទិះ ក្រូចពោធិសាត់ រួមទាំងរបស់ឆ្ងាញ់ៗជាច្រើនមុខទៀតស្ទើររៀបរាប់មិនអស់។

អ្វីដែលពិសេស និងមិនអាចខកខានម្យ៉ាងទៀតនោះ បន្ទាប់ពីបានដើរកម្សាន្ត និងភ្លក់អាហារនៅក្នុងខេត្តបាត់ដំបង លោកអ្នកក៏អាចមកបន្តភាពសប្បាយរីករាយជាមួយនឹងព្រឹត្តិការណ៍ដ៏ពិសេសនៅទីរួមខេត្តបាត់ដំបងផងដែរនៅក្នុងថ្ងៃចូលឆ្នាំនោះគឺ «សង្ក្រាន្តបាត់ដំបង » ដែលមានកម្មវិធីសិល្បៈចម្រុះពិសេសៗជាច្រើនទទួលស្វាគមន៍ប្រជាជនខ្មែរពីគ្រប់ទិសទី មកលេងកម្សាន្តពីព្រឹកទល់យប់តែម្តង ដែលរួមមានកម្មវិធីសប្បាយៗដូចជា៖ ការតាំងពិព័រណ៍ទូទៅ ការប្រគំតន្ត្រី និងលេងទឹកនៅក្នុងតំបន់ត្រជាក់ចិត្ត ការសម្តែងសិល្បៈ និងរបាំ ភូមិធម្មជាតិ ការសម្តែងសៀករហ័សកម្ម ការប្រគំតន្ត្រីស្រុកស្រែ ស.ស.យ.ក ការសម្តែងសមត្ថភាពនានា រាំវង់ស្គរដី/រាំវង់លក់ផ្កា អាហារនៃក្តីស្រលាញ់ ការលេងល្បែងប្រជាប្រិយខ្មែរ ការសម្តែងគុនខ្មែរនៅក្នុងភូមិក្បាច់គុន ពិធីបំបួសភ្នំខ្សាច់ ពិធីស្រោចស្រង់សុគន្ធវារី ការតាំងបង្ហាញរូបសំណាកម្នាស់យក្ស ពោតយក្ស និងក្រូចយក្ស ជាពិសេសនោះគឺការប្រគំតន្ត្រីពិសេសខ្នាតយក្ស « មហាសង្ក្រាន្ត GANZBERG Uber Concert » ផងដែរ ដែលរៀបចំដោយក្រុមហ៊ុនស្រាបៀរ GANZBERG។ 

កម្មវិធីពិសេសនេះធ្វើឡើងចំនួន ៣ថ្ងៃក្នុងថ្ងៃទី ១៤/១៥/១៦ ខែមេសា ឆ្នាំ ២០១៩ ដោយកម្មវិធីចាប់ផ្តើមចាប់ពីម៉ោង២រសៀលតទៅ នៅក្នុងបរិវេណសង្ក្រាន្តខេត្តបាត់ដំបង ថែមទាំងធ្វើការផ្សាយបន្តផ្ទាល់ ៣ទូរទស្សន៍ធំៗព្រមៗគ្នាដូចជា៖ CTN Nice TV និង CNC ដោយមានការចូលរួមដោយតារាចម្រៀងល្បីៗជាច្រើនដួងផងដែរ។

កុំភ្លេចណា! មកលេងសង្ក្រាន្តឆ្នាំថ្មីខេត្តបាត់ដំបង ដើម្បីទទួលនូវភាពសប្បាយរីករាយថ្មីជាមួយនឹងកម្មវិធីសប្បាយចម្រុះ ដឹងតែកក្រើក ជាមួយនឹងស្រាបៀរ GANZBERG ផលិតដោយជនជាតិអាល្លឺម៉ង មានរសជាតិឈ្ងុយឆ្ញាញ់ពិតកម្រិតពិភពលោក៕