ក្លិបបាល់ទាត់ភ្នំពេញក្រោន ប្រកាសចែកផ្លូវគ្នាជាមួយលោក Leonardo Vitorino

ភ្នំពេញ៖ នៅលើទំព័រហ្វេសប៊ុក និងគេហទំព័រផ្លូវការរបស់ក្លិបបាល់ទាត់ភ្នំពេញក្រោន បានប្រកាសឱ្យដឹងពីការចែកផ្លូវគ្នាជាមួយគ្រូបង្វឹករបស់ខ្លួនគឺ លោក Leonardo Vitorino។ គ្រូបង្វឹកសញ្ជាតិប្រេស៊ីលរូបនេះ បានចូលមកដឹកនាំក្លិបភ្នំពេញក្រោន កាលពីដើមរដូវកាល ២០១៩ ប៉ុន្តែហាក់មិនមានការកាក់កបឡើយជាមួយក្លិបជើងឯក ៦សម័យកាលមួយនេះ។

លោក Leonardo Vitorino ដឹកនាំក្រុមភ្នំពេញក្រោនបានចំនួន ៦ប្រកួត (ឈ្នះ ២ ចាញ់ ៤) និងកំពុងឈរនៅចំណាត់ថ្នាក់លេខ១០ នៅលើតារាងចំណាត់ថ្នាក់លីគកំពូលកម្ពុជា។ យ៉ាងណាមិញ សមាសភាពរបស់គ្រូបង្វឹកថ្មីរបស់ក្លិបភ្នំពេញក្រោន នៅមិនទាន់មានការបង្ហើបឱ្យដឹងនៅឡើយទេ។ 

ក្រុមការងារកីឡា “ខ្មែរឡូត” នឹងព្យាយាមរាយការណ៍នាពេលក្រោយទៀត ប្រសិនបើមានព័ត៌មានបន្ថែមអំពីសមាសភាពគ្រូបង្វឹក ឬមានការតែងតាំងណាមួយថ្មីកើតឡើង៕