គេថាមនុស្សបានស្គាល់គ្នា បានមកជួបគ្នា ក៏ព្រោះតែមាននិស្ស័យនឹងគ្នា យ៉ាងណា ក៏ខ្ញុំបានមកស្គាល់អ្នកក្នុងពេលនេះ ក៏និស្ស័យ ជាអ្នកនាំឱ្យជួបដែរ បើទោះជាខ្ញុំស្គាល់អ្នកក្រោយគេ អ្នកក្លាយជារបស់គេហើយក៏ដោយ តែក៏អាចនិយាយបានថា យើងមាននិស្ស័យនឹងគ្នាហើយ។
មិនសំខាន់ថា មកមុន ឬក្រោយទេ អ្វីដែលសំខាន់ គឺយើងបានមកជួបគ្នា បានស្គាល់គ្នា ក្លាយជាមិត្តនឹងគ្នា ឱ្យអ្នកក្លាយជាមនុស្សដែលខ្ញុំស្រឡាញ់ ឱ្យខ្ញុំបានឃើញអ្នកមានក្ដីសុខ ខ្ញុំក៏រីករាយនឹងនិស្ស័យមួយនេះណាស់ហើយ។ ខ្ញុំមិនអាចហាមការគិតរបស់ខ្លួនឯងទេ តែខ្ញុំអាចដឹងថា ខ្ញុំមិនទាមទារអ្វីឱ្យលើសពីនិស្ស័យនៃភាពជាមិត្តនឹងគ្នា សុំត្រឹមធ្វើជាមិត្តល្អរបស់អ្នកប៉ុណ្ណឹង គឺគ្រប់គ្រាន់ហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
និស្ស័យឱ្យយើងស្គាល់គ្នា និស្ស័យបាននាំឱ្យខ្ញុំបានជួបមនុស្សដែលខ្ញុំស្រឡាញ់ពេញចិត្ត តែមកពីខ្ញុំជាមនុស្សគ្មានភ័ព្វសំណាង ខ្ញុំខើចវាសនា ទើបអាចធ្វើបានត្រឹមតែស្រឡាញ់អ្នក ក្នុងកាលៈទេសៈមួយដែលអ្នកមានម្ចាស់រួចទៅហើយ។ តែយ៉ាងណាក៏ដោយ ក៏ចង់ប្រាប់ថា ខ្ញុំអរគុណ សម្រាប់រឿងគ្រប់យ៉ាង អរគុណសម្រាប់ពេលវេលាដែលកន្លង។ ចុងក្រោយ ពីមនុស្សមាននិស្ស័យ តែខ្លីវាសនាម្នាក់នេះ បានត្រឹមជូនពរអ្នក និងគេមានក្ដីសុខ សុភមង្គលរហូតទៅ។ ហើយត្រូវចាំណា មិនថាថ្ងៃមុខទៅជាយ៉ាងណានោះទេ មិនថាពេលវេលាផ្លាស់ប្ដូរទៅជាយ៉ាងណាទេ គ្រប់ពេល អ្នកនៅតែមានខ្ញុំជាមិត្តល្អរហូតទៅ អ្នកនៅតែជាមនុស្សដែលខ្ញុំស្រឡាញ់មិនប្រែឡើយ ហើយខ្ញុំក៏នៅតែជាមនុស្សម្នាក់ដែលព្រមនៅក្បែរអ្នកគ្រប់ពេលវេលា៕
ខ្មែរឡូតសូមរក្សាសិទ្ធ
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្រលោមលោក & អប់រំ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
