ស្ងាត់ៗ អេឡិច គ្រងតំណែងថ្មីទៀតហើយ!

ភ្នំពេញ៖ ទោះបីជាស្ថិតក្នុងដំណាក់កាលការងារស្ងប់ស្ងាត់បន្តិចមែន ប៉ុន្តែពេលនេះ អេឡិច ចាន់ត្រា ហាក់បីដូចជាត្រូវរង្វាន់ធំដូច្នេះដែរ ពោលគឺ ពេលនេះការងារចូលមកជាហូរហែរតែម្តង។ ជាក់ស្តែង អេឡិច កំពុងទទួលការងារថ្មីជាអ្នកតំណាងផលិតផល ផ្គត់ផ្គង់សម្ភារៈលម្អគេហដ្ឋាន ក្រដាសបិតជញ្ជាំង ម៉ាក អឹមខេ(MK) ដែលជាផលិតផលមានគុណភាពខ្ពស់របស់ប្រទេសកូរ៉េ។

អេឡិច ចាន់ត្រា បានឲ្យដឹងថា ដោយសារតែដឹងពីគុណភាព អ៊ីចឹងលោកមិនរារែកចិត្តចំពោះការក្លាយជាអ្នកតំណាង ផលិតផលក្រដាសបិទជញ្ជាំង MK នោះទេ។ លោកថា មិនត្រឹមតែតំលៃសមរម្យ ចំណែកគុណភាពក៏ល្អ មានការធានាត្រឹមត្រូវពីក្រុមហ៊ុន ដែលធ្វើឲ្យអតិថិជនមានទំនុកចិត្ត។ ហើយអ្វីដែលកាន់តែទាន់សម័យ គឺក្រដាសបិតជញ្ជាំង ក្រាលបាត មានច្រើនជម្រើស ច្រើនពណ៌ទៅតាមចំណង់ចំណូលចិត្ត និងមានប្រភេទជា ក្រដាសបិត3D ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទាក់ទងនឹងតំលៃខ្លួន មុនក្លាយជាអ្នកតំណាងផលិតផលនេះ អេឡិច ចាន់ត្រា មិនបានបង្ហើបឲ្យដឹងទេ គ្រាន់តែលោកថា​តំលៃខ្លួនរបស់លោក ក៏មិនទាបនោះដែរ ខណៈដែលកន្លងមក អេឡិច ស៊ីថ្លៃមិនតិចទេ ពេលដែលលោកជាអ្នកតំណាងឲ្យផលិតផលជាច្រើនមកនេះ សរុបមកដល់ពេលនេះ អេឡិច កាន់តំណែងជាអ្នកតំណាងផលិតផល មិនក្រោម១០ផលិតផលឡើយ។

លោក លី ម៉េងគ័ង ហៅ ដេវីត លី អគ្គនាយកក្រុមហ៊ុន MK 66 បានឲ្យដឹងថា​ ផលិតផលរបស់លោកបានដំណើរការជិតមួយឆ្នាំហើយ និងទទួលបានអតិថិជនគ្រប់លំដាប់ថ្នាក់ ជាពិសេស គឺអ្នកប្រើប្រាស់បានប្រាប់ពីគុណភាព នៃក្រដាសបិតជញ្ជាំង ម៉ាក MK តៗគ្នា អ៊ីចឹងអ្នកធ្លាប់ប្រើពិតជាដឹងពីគុណភាពល្អរបស់ផលិតផល។

សូមជម្រាបថា ក្រុមហ៊ុន MK ជាក្រុមហ៊ុននាំចូលនូវផលិតផលលម្អគេហដ្ឋានទាន់សម័យនាពេលបច្ចុប្បន្ន MK ផ្តល់នូវសេវាកម្មរហ័សទាន់ចិត្ត និងមានក្រុមជាងមានបទពិសោធន៍យូរឆ្នាំ ព្រមទាំងមានទំនូលខុសត្រូវខ្ពស់។ MK មានដូចជា ក្រដាសបិតជញ្ជាំងគុណភាពល្អ ក្រាស់ ជូតទឹកបាន មានការធានាពីរោងចក្រ គុណភាពជាប់បានយូររហូតដល់បីឆ្នាំ និងមានសេវាលំហែទាំរយៈពេលបីខែជូនអតិថិជន។

ជាពិសេស ក្រុមហ៊ុន MK ក៏នាំចូលនូវ ការ៉ូឈើម៉ាក MK ដែលមានគុណភាពល្អ ដែលអាចការពារ ពីចំហេះកន្ទុយបារី ភ្លើងធូប ឬទៀន និងការយាយី ពីសត្វល្អិត ពិសេស ពីសត្វកណ្តៀរទៀតផង៕  

• អេឡិច ចិត្រា