ជិតដល់ថ្ងៃ Christmas! បេនី យ៉ាំង រៀបចំតុបតែងផ្ទះ យ៉ាងស្អាតគួរឲ្យចង់នៅ

ភ្នំពេញ៖ អាចនិយាយបានថា ថ្វីត្បិតតែពិធីបុណ្យ Christmas មិនមែនជាបុណ្យប្រពៃណីរបស់ខ្មែរយើង ក៏ពិតមែន ប៉ុន្តែយ៉ាងណាក៏ដោយ ក៏ប្រជាជនយើងមួយចំនួនតែងតែប្រារព្ធធ្វើពិធីនេះ ដើម្បីអបអរសាទរ តាមជំនឿសាសនារៀងៗខ្លួន មិនដែលខកខាននោះឡើយ។ មិនថាតាមបណ្ដាផ្សារទំនើប ហាងទំនិញ ឬអាហារដ្ឋាននានា គេតែងតែបានធ្វើវាឡើងដោយរៀបចំតុបតែងលម្អជាមួយនឹង របស់របរទំនើបៗផ្សេងៗបានយ៉ាងស្អាត នាអំឡុងខែធ្នូ នេះផ្ទាល់តែម្ដង។

ជាមួយគ្នានេះ  អតីតតារាសម្ដែង កញ្ញា បេនី យ៉ាំង ក៏ដូចគ្នាដែរ ដោយកាលពីពេលថ្មីៗនេះ នាងក៏ទើបតែបានបង្ហោះវីដេអូមួយជាមួយនឹង ការបើកបង្ហាញទិដ្ឋភាពក្នុងផ្ទះរបស់នាង ដោយក្នុងនោះ បេនី យ៉ាំង បានធ្វើការរៀបចំតុបតែងផ្ទះវីឡាដ៏ស្កឹមស្កៃរបស់នាងជាមួយនឹង ដើមគ្រីសម៉ាស រូបសំណាក់តាណូអែល និងសម្ភារៈតែងលម្អជាច្រើនពាសពេញផ្ទះ មិនថាទាំងក្នុងបន្ទប់គេង តាមកាំជណ្ដើរ និងក្នុងបន្ទប់ទឹកនោះទេ គឺនាងសុទ្ធតែបានរៀបចំយ៉ាងស្អាត មើលទៅពិតជាគួរឲ្យចង់រស់នៅខ្លាំងមែនទែន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហើយអ្វីដែលពិសេសនោះ សម្រាប់គ្រឿងតុបតែងវិញ តារាស្រីរូបនេះសុទ្ធតែបានធ្វើការកម្ម៉ង់ទិញមកពីក្រៅប្រទេសទាំងអស់ផងដែរ ទើបធ្វើឲ្យបរិយាកាសក្នុងផ្ទះតម្លៃរាប់ម៉ឺនដុល្លាររបស់នាង ពេលតុបតែងហើយ មើលទៅពិតជាស្អាត  អ្នកណាៗឃើញហើយ ក៏សរសើរមិនដាច់ពីមាត់នោះឡើយ៕

ចង់ជ្រាបកាន់តែច្បាស់ ទស្សនារូបភាពនិង វីដេអូខាងក្រោម៖ 

• បេនី យ៉ាំង
• រូបភាព
• តារាខ្មែរ