កុំចេះតែហ៊ាន! ដោយសាររឿងនេះ ចិនបន្ថែមពន្ធលើ ស្រាក្រហមរបស់អូស្រា្តលី

ប៉េកាំង៖  នៅថ្ងៃព្រហស្បតិ៍នេះ​ រដ្ឋាភិបាលចិនបានដាក់បន្ថែមពន្ធ ទៅលើស្រាទំពាងបាយជូររបស់ប្រទេសអូស្រ្តាលី ​ដោយសារតែជម្លោះការទូត ដែល​បណ្តាលមកពីបញ្ហា  រាតត្បាតជំងឺកូវីដ១៩ និងជម្លោះដែនដី។ បន្ថែមពីនេះ​ ចិនក៏មានការខឹងខ្លាំងនៅពេល​ រដ្ឋាភិបាលអូស្រ្តាលីគាំទ្រថា ព្រភពដើមនៃជំងឺកូវីដ១៩នេះ កើតឡើងចេញពីប្រទេសចិន។

ក្រសួងពាណិជ្ជកម្មចិនបាន តម្រូវឱ្យអ្នកនាំចូលត្រូវបង់ប្រាក់កក់ពី ៦.៣% ទៅ ៦.៤% ដែលនឹងដំណើរការចាប់ពីថ្ងៃសុក្រស្អែកនេះ។ ​ទាក់ទងនឹងការបន្ថែមពន្ធទៅលើស្រាទំពាងបាយជូរអូស្រ្តាលី រដ្ឋមន្រ្តីក្រសួងពាណិជ្ជកម្មបាននិយាយថា វានឹងធ្វើឱ្យផលិតផលនេះមិនអាចលក់បាននៅក្នុងប្រទេសចិននោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ក្រសួងការបរទេសចិនបានទាមទារឱ្យប្រទេសអូស្រ្តាលីត្រូវចាត់វិធានការផ្សេងៗ ​ ដើម្បីស្តារទំនាក់ទំនងរវាងប្រទេសទាំងពីរឡើងវិញ។

គួរជម្រាបផងដែរថា សម្រាប់ប្រទេសអូស្រ្តាលី ចិនគឺជាទីផ្សារនាំចេញដ៏សំខាន់មួយលើផលិតផលស្រាទំពាំងបាយជូររបស់ខ្លួន ក៏ដូចជា សាច់ និង​ ទំនិញផ្សេងៗទៀត៕