តិចនិកថែទាំស្បែកមុខងាយៗ នៅពេលត្រូវពាក់ម៉ាសច្រើនម៉ោង

នៅក្នុងរដូវកាលនៃជំងឺរាតត្បាតកូវីដ១៩នេះ ការពាក់ម៉ាសការពារគឺជារឿងដែលចៀសមិនរួចឡើយ។ យ៉ាងណាមិញ សុខភាព និងសម្រស់ត្រូវតែដើរទន្ទឹមគ្នា។ ហេតុដូច្នេះហើយ ស្រីៗយើងគួរតែផ្លាស់ប្តូរទម្លាប់ថែទាំស្បែកមុខមួយចំនួន ដើម្បីឲ្យសមស្របទៅនឹងសភាពការណ៍បច្ចុប្បន្ន។

ការពាក់ម៉ាសប្រចាំថ្ងៃ ពិតជាមិនមែនជារឿងងាយស្រួលសម្រាប់ស្បែកមុខដ៏ស្រស់ផូរផង់របស់យើងឡើយ។ ជាពិសេស នៅពេលដែលយើងពាក់ម៉ាសច្រើនម៉ោង ស្បែករបស់យើងនឹងងាយប្រតិកម្ម រោល ព្រមទាំងឡើងមុនថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដូចនេះ ដើម្បីការពារស្បែកមុខពីបញ្ហាផ្សេងៗ ក៏ដូចជាថែទាំផ្ទៃមុខឲ្យនៅតែមានសភាពស្រស់ថ្លា ទន់ម៉ត់រលោង ស្រីៗយើងគួរចាប់ផ្ដើមអនុវត្តតិចនិកងាយៗខាងក្រោមនេះ។

១. ទុកឲ្យស្បែកដកដង្ហើមខ្លះ

នៅពេលដែលយើងការពារខ្លួនដោយប្រើម៉ាស និងរបាំងមុខ ស្បែកយើងពិតជាពិបាកដកដង្ហើមណាស់។ ដូច្នេះហើយ យើងត្រូវទុកឲ្យស្បែកនៅទំនេរខ្លះ ដោយព្យាយាមកាត់បន្ថយការប្រើប្រាស់គ្រឿងសម្អាតផ្សេងៗ ដើម្បីចៀសវាងការស្ទះរន្ធរោម ដែលជាហេតុធ្វើឲ្យកើតមុននៅលើផ្ទៃមុខ។

២. ប្រើហ្វូមលាងមុខដែលគ្មានជាតិកាត់

ជាមួយគ្នានេះដែរ ការពាក់ម៉ាសច្រើនម៉ោង អាចធ្វើឲ្យស្បែកមុខរបស់យើងរោល ឬក្រហាយ និងធ្វើឲ្យមានការរមាស់ ឬមានស្នាមក្រហមជាដើម។ ហេតុនេះ ការលាងសម្អាតមុខជាមួយនឹងហ្វូមដែលគ្មានសារធាតុកាត់ គឺជារឿងសំខាន់បំផុត ពីព្រោះវាមិនត្រឹមតែជួយលាងសម្អាតស្បែកបានល្អប៉ុណ្ណោះទេ វាក៏ជួយរក្សាកម្រិតជាតិទឹកក្នុងស្បែក ដែលមិនធ្វើឲ្យស្បែកស្ងួតផងដែរ។

៣. លាបឡេការពារកម្ដៅថ្ងៃ

ស្រីៗយើងមិនគួរមើលរំលងការលាបឡេការពារកម្ដៅថ្ងៃឡើយ បើទោះបីជាត្រូវនៅតែផ្ទះក៏ដោយ។ ចូរជ្រើសរើសប្រភេទឡេដែលអាចការពារយើងពីកាំរស្មី UVA UVB កាំរស្មីអ៊ីនហ្វ្រារ៉េដ ក៏ដូចជាធន់នឹងទឹក ព្រមទាំងញើសបានល្អ។ ប្រសិនបើយើងធ្វេសប្រហែស កាំរស្មីទាំងនោះនឹងចូលទៅបំផ្លាញដល់ស្រទាប់ស្បែកយ៉ាងជ្រៅ ដែលបណ្ដាលឲ្យស្បែកមុខរបស់យើងឆាប់ចាស់ជាងវ័យ និងកើតមានស្នាមជ្រីវជ្រួញថែមទៀតផង។

៤. ដោះម៉ាសចេញឲ្យបាន១៥នាទី នៅរៀងរាល់៤ម៉ោងម្តង

បើទោះជាយើងរវល់ខ្លាំងនឹងការងារដែលតម្រូវឲ្យពាក់ម៉ាសជាប់ជាប្រចាំយ៉ាងណាក៏ដោយ យើងត្រូវឆ្លៀតពេល យ៉ាងតិចណាស់ឲ្យបាន១៥នាទី ដើម្បីសម្រាកទាំងរាងកាយ ក៏ដូចជាស្បែកមុខរបស់យើង។ ការទុកឲ្យស្បែកស្រូបយកខ្យល់បរិសុទ្ធពីខាងក្រៅ គឺជាការជួយសង្គ្រោះដល់ស្បែករបស់យើងឲ្យចៀសឆ្ងាយពីបញ្ហាស្បែកនានា។ ចូរដោះម៉ាសនៅកន្លែងដែលមានសុវត្ថិភាព និងលាងដៃឲ្យបានស្អាតជាមុនសិនមុននឹងដោះម៉ាស។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

តិចនិក​ថែទាំ​ស្បែក​មុខ​ងាយៗ​ នៅ​ពេល​ត្រូវ​ពាក់​ម៉ាស​​ច្រើន​ម៉ោង​​​​​​

១. ទុក​ឲ្យ​ស្បែក​ដក​ដង្ហើម​ខ្លះ

២. ប្រើ​ហ្វូម​លាង​មុខ​ដែល​គ្មាន​ជាតិ​កាត់

៣. លាប​ឡេ​ការពារ​កម្ដៅ​ថ្ងៃ

៤. ដោះ​ម៉ាស​ចេញ​ឲ្យ​បាន​១៥​នាទី​ នៅ​រៀង​រាល់​៤ម៉ោង​ម្តង​

In Case You Missed It

តិចនិកថែទាំស្បែកមុខងាយៗ នៅពេលត្រូវពាក់ម៉ាសច្រើនម៉ោង

១. ទុកឲ្យស្បែកដកដង្ហើមខ្លះ

២. ប្រើហ្វូមលាងមុខដែលគ្មានជាតិកាត់

៣. លាបឡេការពារកម្ដៅថ្ងៃ

៤. ដោះម៉ាសចេញឲ្យបាន១៥នាទី នៅរៀងរាល់៤ម៉ោងម្តង