ធ្វើតាមបុរាណវិទូ រាវរកកំណប់នៅខាងក្រោយផ្ទះ ស្រាប់តែរកឃើញវត្ថុបុរាណមហាសាល នឹកស្មានមិនដល់

អង់គ្លេស៖ មនុស្សម្នាចាប់ផ្ដើមធ្វើសកម្មភាពថ្មីៗ នៅពេលវេលាដាក់នៅដាច់ដោយឡែកពីគ្នា ដោយអ្នកខ្លះចាប់ផ្ដើមដោយមានក្ដីសង្ឃឹមផងដែរ។ នៅឆ្នាំនេះ ប្រជាជនអង់គ្លេសបានរកឃើញវត្ថុជាង៤៧,០០០មុខ នៅខាងក្រោយផ្ទះរបស់ពួកគេ នេះបើយោងសេចក្ដីប្រកាសរបស់សារមន្ទីរអង់គ្លេសក្នុងសប្ដាហ៍នេះ។

មនុស្សធម្មតាបានរកឃើញវត្ថុបុរាណជាប្រវត្តិសាស្ត្រភាគច្រើន តាមរយៈការធ្វើដំណើរតាមជនបទ ជាមួយឧបករណ៍ដែករាវរក ហើយពួកគាត់បានកត់ត្រាទុកនូវអ្វីដែលរកឃើញ ទៅឲ្យខាងសារមន្ទីរផងដែរ។​ សារមន្ទីរអង់គ្លេសបាននិយាយថា កម្មវិធីមួយបានមើលឃើញថា មានការកើនឡើងចំពោះមនុស្សដែលបានធ្វើបច្ចុប្បន្នភាពកំណត់ត្រាវត្ថុបុរាណ នៅតាមប្រព័ន្ធអ៊ីនធឺណេត ខណៈពេលប្រទសកំពុងស្ថិតនៅក្រោមការបិទតំបន់យ៉ាងពេញទំហឹង នៅចន្លោះថ្ងៃទី២២ ខែមីនា ដល់ថ្ងៃទី១៣ ខែឧសភា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ឃ្លាំងទិន្នន័យបានកត់ត្រាថា វត្ថុបុរាណជាង១.៥លានមុខត្រូវបានរកឃើញចាប់តាំងពីឆ្នាំ១៩៩៨មក ដោយសាធារណជនជាជាងអ្នកជំនាញផ្នែកបុរាណវិទ្យា។

ក្នុងចំណោមការរកឃើញថ្មី ក្នុងនោះមានគំនរកាក់មាសចំនួនពីរកន្លែងផងដែរ។ ទីមួយ កាក់មាសអាហ្វ្រិកខាងត្បូងចំនួន៥០ត្រូវបានគេឃើញ នៅក្រុង Milton Keynes ដែលមានចម្ងាយ៨០គីឡូម៉ែត្រ ភាគពាយព្យនៃទីក្រុងឡុងដ៍។ កំណប់កាក់មាសដ៏សំខាន់មួយទៀតដែលមានចំនួន៦៣ និងកាក់ប្រាក់ចំនួនមួយដែលមានរូបស្ដេច Edward IV និង Henry VIII ទំនងជាត្រូវបានគេកប់នៅសតវត្សរ៍ទី១៦៕