អបអរសាទរ ភរិយា ឈុំ ស៊ីថា សម្រាលបានកូនភ្លោះបី ដោយជោគជ័យ

ភ្នំពេញ៖ កាន់តែមានជីវិតរស់យ៉ាងស្រស់បំព្រង ចំពោះតារាសម្ដែងប្រុស លោក ឈុំ ស៊ីថា បន្ទាប់ពីបានសាងក្រុមគ្រួសារមួយយ៉ាងកក់ក្ដៅ ពោរពេញដោយសុភមង្គល ដែលជាគ្រួសារមួយនៅក្នុងក្ដីស្រមៃរបស់មនុស្សគ្រប់គ្នា។

ជាក់ស្ដែង កាលពីប៉ុន្មានម៉ោងមុននេះ លោក ឈុំ ស៊ីថា ស្រាប់តែបានបង្ហាញដំណឹងដ៏ល្អបំផុត នៅក្នុងក្រុមគ្រួសាររបស់លោក ខណៈដែលភរិយាជាទីស្រលាញ់ បានសម្រាលបានកូនភ្លោះ ៣ នាក់យ៉ាងជោគជ័យ ព្រមទាំងមានសុខភាពល្អ ថែមទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អាចនិយាយបានថា នេះមិនមែនជារឿងស្រួលនោះទេ សម្រាប់មនុស្សម្នាក់ដែលបានពរពោះកូនភ្លោះដល់ ៣ នាក់ តែលោក ព្រមទាំងភរិយា ក៏បានខិតខំថែរក្សាសុខភាពឲ្យបានល្អជាទីបំផុត រហូតដល់ទទួលបានសមាជិកថ្មីដោយសុវត្ថិភាពបែបនេះ ជាពិសេស ក៏មានបណ្ដាហ្វេនៗជាច្រើន បានចូលរួមអបអរចំពោះ អ្នកទាំងពីរ និងជូនពរឲ្យកាន់តែមានក្ដីសុខក្នុងក្រុមគ្រួសារ ជាមួយនឹងកូនភ្លោះសំណព្វចិត្តទាំង ៣ នាក់​ រហូតទៅ ផងដែរ៕​

សូមទស្សនារូបភាពខាងក្រោម៖

• ឈុំ ស៊ីថា​
• តារាខ្មែរ