គ្នាយើងឧស្សាហ៍ជួបបញ្ហាច្រាលអាស៊ីដក្រពះគួរចៀសវាង ឬញ៉ាំអាហារទាំងនេះតិចតួច!

ច្រាលអាស៊ីដក្រពះកើតមាននៅពេលដែលសារធាតុក្នុងក្រពះមានការកើនឡើងដល់បំពង់អាហារ ហើយគ្រូពេទ្យអាចនឹងធ្វើរោគវិនិច្ឆ័យលើអាការៈនេះបានប្រសិនជាយើងមានអាការៈបែបនេះកើតឡើងច្រើនជាងពីរដងក្នុងមួយសប្ដាហ៍។ កត្តាដែលអាចរួមចំណែកបង្កអាការៈច្រាលអាស៊ីដក្រពះ រួមមានឥរិយាបថដែលយើងធ្វើក្រោយញ៉ាំអាហារ បរិមាណអាហារដែលយើងញ៉ាំក្នុងមួយពេល និងប្រភេទអាហារដែលយើងញ៉ាំ។ យើងគួរចៀសវាងអាហារមួយចំនួនដើម្បីបង្ការរោគសញ្ញានៃជំងឺច្រាលអាស៊ីដក្រពះ បើយើងតែងជួបបញ្ហានេះ។

១. អាហារមានជាតិខ្លាញ់ និងអាហារបំពង

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អាហារមានជាតិខ្លាញ់ជាទូទៅតែងបន្ថយសម្ពាធនៅប្រព័ន្ធរំលាយអាហារផ្នែកខាងក្រោម (LES) និងពន្យារពេលក្រពះរំលាយអាហារ។ នេះអាចបង្កើនហានិភ័យរោគសញ្ញានៃជំងឺច្រាលអាស៊ីដក្រពះ។ ដើម្បី បង្ការអាការៈនេះ យកល្អគួរបន្ថយការញ៉ាំអាហារមានជាតិខ្លាញ់។ អាហារទាំងនោះមានដំឡូងបារាំងបំពង អាហារបំពង នំដំឡូងកញ្ចប់ បឺរ ទឹកដោះគោស្រស់ (whole milk) ឈីស ការ៉េម និងសាច់ក្រហមមានខ្លាញ់។

២. អាហារមានជាតិហឹរ

ការសិក្សាមួយចំនួនបានណែនាំថាអាហារមានជាតិហឹរអាចបង្កឲ្យឈឺពោះ និងអាការៈក្រហាយ ប្រសិនជាយើងមានបញ្ហាក្រពះពោះវៀន។

៣. បន្លែ និងផ្លែឈើ

បន្លែ និងផ្លែឈើ គឺជាផ្នែកសំខាន់មួយនៃរបបអាហារ ប៉ុន្តែបន្លែ និងផ្លែឈើមួយចំនួនអាចនឹងធ្វើឲ្យអាការៈច្រាលអាស៊ីដក្រពះកាន់តែធ្ងន់ធ្ងរ។ បន្លែ និងផ្លែឈើដែលអាចជាមូលហេតុបង្កមានដូចជាផ្លែម្នាស់ ផ្លែក្រូច ផ្លែក្រូចថ្លុង ក្រូចឆ្មារ ប៉េងប៉ោះ ខ្ទឹមស និងខ្ទឹមបារាំង។

៤. ភេសជ្ជៈ

ភេសជ្ជៈមួយចំនួនក៏អាចបង្កឲ្យមានរោគសញ្ញាទៅលើអ្នកដែលមានជំងឺច្រាលអាស៊ីដក្រពះដែរ។ ភេសជ្ជៈទាំងនោះរួមមានគ្រឿងស្រវឹង កាហ្វេ តែ ភេសជ្ជៈមានជាតិហ្គាស ទឹកក្រូចស្រស់ និងទឹកផ្លែប៉េងប៉ោះ។ កាហ្វេក៏ជាភេសជ្ជៈមួយដែលអាចបណ្ដាលឲ្យមានអាការៈនេះដែរ។

ក្រៅពីចៀសវាងអាហារខាងលើនេះ យកល្អគួរញ៉ាំអាហារក្នុងបរិមាណតិចតួចក្នុងមួយពេល និងព្យាយាមអង្គុយត្រង់ខ្លួនក្រោយពីញ៉ាំអាហាររួច។ ទាំងនេះក៏អាចជួយកាត់បន្ថយអាការៈជំងឺច្រាលអាស៊ីដក្រពះ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

អាហារ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

គ្នា​យើងឧស្សាហ៍ជួបបញ្ហាច្រាលអាស៊ីដក្រពះគួរចៀសវាង ឬញ៉ាំអាហារទាំងនេះតិច​តួច!

In Case You Missed It

គ្នាយើងឧស្សាហ៍ជួបបញ្ហាច្រាលអាស៊ីដក្រពះគួរចៀសវាង ឬញ៉ាំអាហារទាំងនេះតិចតួច!