នៅពេលស្រីៗយើងមានរាងស្រលូនស្អាត ទោះជាស្លៀកពាក់អ្វីក៏មានភាពស័ក្ដិសម និងមើលទៅលេចធ្លោដែរ។ ប៉ុន្តែ ប្រសិនបើយើងមានក្បាលពោះលយចេញក្រៅវិញនោះ យើងច្បាស់ជាមានអារម្មណ៍អៀនខ្មាញ មិនហ៊ានសូម្បីតែស្លៀកខោរឹបរាងនោះទេ។ ពិតណាស់ ការដុះក្បាលពោះ មិនត្រឹមតែធ្វើឲ្យសម្រស់របស់យើងធ្លាក់ចុះនោះទេ វាក៏បន្ថែមហានិភ័យសុខភាពជាច្រើនថែមទៀតផង។ ខ្លាញ់ដែលប្រមូលផ្តុំនៅក្នុងបរិវេណនេះ នឹងបង្កើនហានិភ័យនៃជំងឺទឹកនោមផ្អែមប្រភេទ២ និងជំងឺបេះដូងជាដើម។ ហេតុនេះហើយ ដើម្បីកាត់បន្ថយនូវខ្លាញ់ក្បាលពោះ និងចៀសវាងពីជំងឺផ្សេងៗ យើងគួរចាប់ផ្ដើមតិចនិកងាយៗទាំង៥ខាងក្រោមនេះ។
១. អាហារសរសៃរលាយ
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយើងដឹងហើយថា អាហារដែលមានជាតិសរសៃ គឺមានសារសំខាន់សម្រាប់ការបន្ទោបង់ ក៏ដូចជាជួយសម្រួលដល់ប្រព័ន្ធរំលាយអាហារផងដែរ។ តាមការសិក្សាមួយចំនួន បានបង្ហាញថា អាហារដែលមានជាតិសរសៃ អាចជួយធ្វើឲ្យយើងស្រកទម្ងន់បានល្អ និងធ្វើឲ្យយើងឆ្អែតបានយូរ ទោះបីជាយើងញ៉ាំតិចតួចក៏ដោយ។
២. តែបៃតង
តែបៃតងត្រូវបានស្គាល់ថា ជាអ្នកជំនាញដុតបំផ្លាញជាតិខ្លាញ់បានយ៉ាងល្អ។ វាមានផ្ទុកនូវជាតិកាហ្វេអ៊ីន និងសារធាតុ Antioxidant Apigallocatechin gallate (EGCG) ដែលជួយជំរុញការធ្វើមេតាប៉ូលិស និងបង្កើនការស្រកជាតិខ្លាញ់នៅបរិវេណពោះបានផងដែរ។
៣. ជាតិប្រូតេអ៊ីន
ជាមួយគ្នានេះដែរ ការញ៉ាំប្រូតេអ៊ីនមិនត្រឹមតែមានសារៈសំខាន់ ក្នុងការបង្កើតម៉ាសសាច់ដុំប៉ុណ្ណោះទេ វាក៏មានសមាសធាតុចាំបាច់បំផុតនៃរបបអាហាររបស់យើងផងដែរ។ តាមរយៈការស្រាវជ្រាវ បានបង្ហាញថា ប្រូតេអ៊ីនអាចជួយកាត់បន្ថយចំណង់អាហាររហូតដល់៦០% និងបង្កើនការធ្វើមេតាប៉ូលិស បាន៨០ ដល់១០០កាឡូរីនៅក្នុងមួយថ្ងៃថែមទៀតផង។ បន្ថែមពីនេះ ប្រូតេអ៊ីនក៏អាចកាត់បន្ថយជាតិខ្លាញ់នៅត្រង់ពោះសម្រាប់មនុស្សស្រីផងដែរ។
៤. កាត់បន្ថយស្រ្តេស
ស្រ្តេស អាចធ្វើឲ្យយើងមានខ្លាញ់នៅត្រង់ក្បាលពោះកាន់តែច្រើនឡើង ដោយការផលិតអ័រម៉ូន Cortisol ដែលជាអ័រម៉ូនស្រ្តេស។ តាមការស្រាវជ្រាវបានបង្ហាញថា នៅពេលដែលយើងមានកម្រិតអ័រម៉ូន Cortisolខ្ពស់នៅក្នុងរាងកាយ វានឹងធ្វើឲ្យយើងញ៉ាំកាន់តែច្រើន ព្រមទាំងបង្កើននូវជាតិខ្លាញ់កាន់តែច្រើននៅត្រង់បរិវេណពោះ។ ដូច្នេះហើយ យើងគួរកាត់បន្ថយនូវបញ្ហាស្រ្តេស ប្រសិនជាយើងមិនចង់ដុះក្បាលពោះកាន់តែធំជាងមុនទេនោះ។
៥. កាត់បន្ថយការញ៉ាំអាហារមានជាតិកាបូអ៊ីដ្រាត
ការញ៉ាំអាហារដែលមានជាតិកាបូអ៊ីដ្រាតច្រើនពេក គឺមិនល្អចំពោះរាងកាយរបស់យើងឡើយ ហើយចំណែកដែលលើសរបស់កាបូអ៊ីដ្រាត នឹងធ្វើឲ្យកកកុញនៅក្នុងរាងកាយ ព្រមទាំងបង្កើតបានជាខ្លាញ់ផងដែរ។ ហេតុនេះហើយ ការកាត់បន្ថយជាតិកាបូអ៊ីដ្រាតនេះ នឹងអាចធ្វើឲ្យយើងស្រកខ្លាញ់នៅត្រង់ក្បាលពោះបានយ៉ាងមានប្រសិទ្ធិភាព។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
