មកដឹងពីប្រសិទ្ធភាពកៅអៀកពន្យារកំណើត និងផលរំខានខ្លះៗក្រោយប្រើវា!

ស្រីៗគ្នាយើងធ្លាប់បានឮពីកៅអៀកបិតពន្យារកំណើតដែរអត់? នៅខ្មែរយើង មិនសូវនិយមប្រើកៅអៀកពន្យារកំណើតទេ តើមធ្យោបាយពន្យារកំណើតមួយនេះមានប្រសិទ្ធភាពយ៉ាងម៉េច ហើយមានផលរំខានអីខ្លះពេលប្រើវា?

ប្រធានផ្នែកសម្ភព និងរោគស្ត្រី នៃមន្ទីរពេទ្យមិត្តភាពកម្ពុជា-ចិន សែនសុខ លោកវេជ្ជបណ្ឌិត ចាន់ ស៊ីណេត បានពន្យល់ថា កៅអៀកពន្យារកំណើត មានរាងជ្រុងៗ មានពណ៌ថ្លា មើលមួយភ្លែតស្រដៀងនឹងបង់ យើងយកមកបិតដំបៅដែរ ហើយវាជាមធ្យោបាយពន្យារកំណើតមួយមិនបង្កការឈឺចាប់ដល់ស្ត្រីឡើយ។ លោកបន្តថា កៅអៀកពន្យារកំណើតផ្សំឡើងដោយសារធាតុដូចគ្នានឹងថ្នាំពន្យារកំណើតដែររួមមាន ទី១. អីស្ត្រូហ្សែន និងទី២. ប្រូហ្សែស្ទីន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អត្ថប្រយោជន៍ទទួលបានពីការប្រើកៅអៀកពន្យារកំណើត

– ការពារមិនឲ្យមានផ្ទៃពោះយ៉ាងមានប្រសិទ្ធភាព
– បន្ថយបរិមាណវដ្ដរដូវស្ត្រី
– មិនសូវឈឺចាប់ពេលមករដូវ
– ងាយស្រួលសម្រាប់ស្ត្រីពិបាកលេបថ្នាំគ្រាប់
– ត្រូវការបិតតែម្ដង/សប្ដាហ៍ប៉ុណ្ណោះ
– បន្ថយសញ្ញារលាកនៅសរីរាង្គអាងត្រគាកតូច
– អត្រាឆាប់មានកូនត្រឡប់មកដូចដើមលឿន ក្រោយបកបន្ទះកៅអៀកចេញ។ល។

វេជ្ជបណ្ឌិតរូបនេះ បានឲ្យដឹងទៀតថា បូកបន្ថែមពីលើប្រយោជន៍ដែលទទួលបានពីកៅអៀកបិទពន្យារកំណើតនេះ វាក៏ផ្ដល់ផលរំខានខ្លះៗដល់ស្ត្រីដែរដូចជា៖

ប៉ះពាល់ដល់ស្បែក
ក្អួត ចង្អោរ
ឈឺក្បាល វិលមុខ
ឡើងទម្ងន់
ហត់ អស់កម្លាំង
ឡើងមុន
អាចឆ្លងមេរោគនៅទ្វារមាស និងធ្លាក់ស
ផ្លាស់ប្ដូរអារម្មណ៍លឿន
ហានិភ័យជួបនឹងបញ្ហាកកឈាម គាំងបេះដូង ដាច់សរសៃឈាមខួរក្បាល និងលើសសម្ពាធឈាម។ល។

លោកបន្ថែមឲ្យដឹងថា នៅពេលដែលយើងកៅអៀកពន្យារកំណើតបានត្រឹមត្រូវ នោះការទប់ស្កាត់ការមានផ្ទៃពោះក៏មានប្រសិទ្ធភាពខ្ពស់ដែរ ហើយចំពោះស្ត្រីដែលប្រើកៅអៀកនេះថា វាងាយស្រួលជាងការលេបថ្នាំពន្យារកំណើតទៅទៀត។

ទោះយ៉ាងណាក៏ដោយ កៅអៀកពន្យារកំណើតផ្ដល់ឲ្យអ្នកប្រើប្រាស់ទាំងប្រយោជន៍ និងផលរំខាន ដូចនេះ មុននឹងសម្រេចប្រើវា ស្ត្រីគ្រប់រូបគួរតែទៅពិភាក្សាជាមួយអ្នកជំនាញឲ្យបានច្បាស់សិនថា តើយើងស័ក្តិសមនឹងការប្រើកៅអៀកពន្យារកំណើត ឬមធ្យោបាយពន្យារកំណើតផ្សេងៗទៀត។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

មកដឹងពីប្រសិទ្ធភាពកៅអៀកពន្យារកំណើត និងផលរំខានខ្លះៗក្រោយប្រើវា!

អត្ថប្រយោជន៍​ទទួល​បាន​ពី​ការ​ប្រើ​កៅអៀក​ពន្យារ​កំណើត

In Case You Missed It

អត្ថប្រយោជន៍ទទួលបានពីការប្រើកៅអៀកពន្យារកំណើត