ការញ៉ាំអាហារត្រឹមត្រូវ គឺពិតជាមានសារសំខាន់ខ្លាំងណាស់ចំពោះរាងកាយរបស់យើង ពីព្រោះវាអាចជួយឲ្យរាងកាយបំពេញមុខងាររបស់ខ្លួនប្រកបដោយប្រសិទ្ធភាព។ ប៉ុន្តែ នៅពេលដែលយើងមានបញ្ហារំលាយអាហារ ដែលធ្វើឲ្យយើងមានអាការៈដូចជាហើមពោះ ទល់លាមក រាក ឬក្អួតជាដើម យើងគួរចៀសវាងប្រភេទអាហារមួយចំនួន ដើម្បីកុំឲ្យអាការៈរបស់យើងកាន់តែធ្ងន់ធ្ងរលើសដើម។
១. អាហារទុកយូរ ឬមិនបានលាងសម្អាត
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបាក់តេរីដែលកើតឡើងពីអាហារដែលទុកយូរ ឬឆៅ អាចបណ្ដាលឲ្យយើងមានអាការៈដូចជាពុលអាហារ ចុកពោះ ឬមានបញ្ហាដទៃទៀត។ ជំនួសមកវិញ យើងគួរញ៉ាំគ្រាប់ធញ្ញជាតិ ឬបន្លែដែលឆ្អិនល្អឲ្យបានច្រើន ដើម្បីជំរុញជាតិសរសៃ ក៏ដូចជាធ្វើឲ្យសុខភាពរំលាយអាហាររបស់យើងកាន់តែល្អប្រសើរជាងមុន។
២. អាហារហឹរ ឬក្ដៅ
ប្រសិនបើយើងមានអាការៈឆ្អល់ពោះ ក្អួត ឬរាក យើងមិនគួរញ៉ាំអាហារណាដែលរំញោចដល់ប្រព័ន្ធរំលាយអាហារឡើយ ជាពិសេសគឺអាហារក្ដៅ និងហឹរ។ ផ្ទុយទៅវិញ យើងអាចងាកមកញ៉ាំអាហារណាដែលទន់ៗ និងស្រួលរំលាយ ទើបជាការប្រសើរ។
៣. អាហារធ្វើពីទឹកដោះ
ក្រុមអាហារមួយប្រភេទដែលអាចពិបាកក្នុងការរំលាយនោះ គឺអាហារដែលធ្វើពីទឹកដោះ ភាគច្រើនគឺដោយសារតែជាតិLactose ជាជាតិស្ករដែលមាននៅក្នុងទឹកដោះគោ និងអាហារដែលធ្វើពីទឹកដោះផ្សេងទៀត។ នៅពេលដែលជាតិLactose មិនបានរំលាយត្រឹមត្រូវ វានឹងបង្កទៅជាជាតិហ្គាស ព្រមទាំងធ្វើឲ្យយើងហើមពោះជាដើម។ លើសពីនេះ ប្រសិនបើយើងញ៉ាំជាតិLactose ច្រើនជ្រុល វានឹងចូលទៅក្នុងពោះវៀនធំ ដែលអាចបណ្ដាលឲ្យយើងមានអាការៈរាករូស ឬធ្ងន់ធ្ងរជាងនេះទៅទៀត។
៤. អាហារមានជាតិអាស៊ីដ
ទឹកប៉េងប៉ោះ និងពពួកផ្លែក្រូច ដូចជាក្រូចឆ្មារ ក្រូចខ្វិចជាដើម មានផ្ទុកជាតិអាស៊ីដច្រើន ដែលធ្វើឲ្យរលាកដល់ស្រទាប់ក្រពះរបស់យើង នឹងបណ្ដាលទៅជាបញ្ហារំលាយអាហារ។ ជាមួយគ្នានេះដែរ ភេសជ្ជៈមានជាតិកាបូន ក៏មានផ្ទុកជាតិអាស៊ីដផងដែរ។ ដូច្នេះហើយ នៅពេលដែលយើងមានបញ្ហាឆ្អល់ពោះ ចូរចៀសវាងញ៉ាំអាហារទាំងនេះ។
៥. គ្រឿងស្រវឹង
ជាតិអាកុលក្នុងគ្រឿងស្រវឹង គឺអាចបំពុលដល់ស្រទាប់ក្រពះ ព្រមទាំងផ្លាស់ប្ដូរការធ្វើមេតាប៉ូលីសរបស់ថ្លើម។ ការញ៉ាំជាតិអាកុលច្រើន អាចបណ្ដាលឲ្យមានការពិបាកក្នុងការរំលាយអាហារ និងបញ្ហាសុខភាពដទៃទៀត។ ហេតុនេះហើយ យើងគួរតែញ៉ាំគញរឿងស្រវឹងនៅក្នុងកម្រិតមួយសមរម្យ ប្រសិនបើយើងមិនចង់មានអាការៈដូចជាក្អួត ឬវិលមុខ នៅថ្ងៃបន្ទាប់ទេនោះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
