ខេម និងតន់ ចន្ទសីម៉ា បង្កើតអាល់ប៊ុមថ្មីជាមួយគ្នា បន្ទាប់ពីផ្ទុះបទ «ចង់សុំ wifi» ដែលមានអ្នកទស្សនារហូត២៩លានដង! (មានវីដេអូ)

ភ្នំពេញ៖ បន្ទាប់ពីនាំ តន់ ចន្ទសីម៉ា និង ព្រាប សុវត្ថិ វាយលុកតំបន់ភាគឥសាន្ត ឥឡូវនេះផលិតកម្ម Galaxy Navatra បានងាកមកតំបន់ឋានសួគ៌បូគោវិញម្ដង ដោយទើបចេញបទថ្មីប៉ុន្មានម៉ោងមុននេះ។ បទថ្មីនេះមានចំណងជើងថា «ចង់បបួលអូនឡើងឋានសួគ៌» ដែលជាការបកស្រាយរួមគ្នារវាង ខេម និង តន់ ចន្ទសីម៉ា។ កន្លងមកគ្រាប់ពេជ្ររបស់ផលិតកម្ម Galaxy Navatra ទាំងពីររូបនេះធ្លាប់បានប្រវត្តិសាស្ត្រជាមួយគ្នាម្ដងមកហើយលើបទ «ចង់សុំwifi» ដែលមានអ្នកទស្សនារហូតជិតទៅដល់ ៣០លានដងឯណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដូចគ្នានឹងស៊េរីបទអបអរបុណ្យចូលឆ្នាំប្រពៃណីជាតិរបស់ ព្រាប សុវត្ថិ និង សីម៉ា ដែលបានបង្ហាញសក្ដានុពលទេសចរណ៍របស់ខេត្តស្ថិតនៅភូមិភាគឥសាន្ត ដោយបទថ្មីនេះខាងផលិតកម្មបានងាកមកបង្ហាញពីទិដ្ឋភាពដ៏ល្អប្រណិតនៃតំបន់ជួរភ្នំបូគោដ៏ល្បីរបស់ខេត្តកំពតវិញម្ដង។

ប្រិយមិត្តបានសរសើរថា វីដេអូចម្រៀងរបស់តារាចម្រៀងប្រុសស្រីមួយគូនេះ បានបង្ហាញយ៉ាងពិសេសទិដ្ឋភាពដ៏ស្អាតអស្ចារ្យ ឃើញហើយមានអារម្មណ៍ជ្រះថ្លាល្អហើយ ងាកទៅបទភ្លេងទៀតសោតក៏ពីរោះថែមទៀត។ បទនេះត្រូវបានគេរំពឹងថានឹងផ្ទុះម្ដងទៀត បន្ទាប់ពីបទ «ចង់សុំ Wifi» ដែលពួកគេបានច្រៀងរួមគ្នាម្តងកាលពីឆ្នាំមុន ដែលគិតមកដល់ពេលនេះមានអ្នកចុចចូលទស្សនាជិត ៣០លានដងហើយ៕

តោះ! ចង់ដឹងថា បទ «ចង់បបួលអូនឡើងឋានសួគ៌» មានអត្ថន័យ ព្រមទាំងមានទេសភាពស្រស់ស្អាតកម្រិតណានោះ សូមទស្សនាវីដេអូដូចខាងក្រោមនេះទាំងអស់គ្នា៖

• ខេម
• តន់ ច័ន្ទសីម៉ា
• ចម្រៀង
• វីដេអូ