បទថ្មី «ទឹកត្រីកោះកុង» របស់ ខេម និង តន់ ចន្ទសីម៉ា បង្ហាញពីតំបន់ទេសចរណ៍ស្អាតៗ និងត្រជាក់ភ្នែកជាច្រើន ក្នុងខេត្តកោះកុង (មានវីដេអូ)

ភ្នំពេញ៖ ក្រោយពីផ្ទុះបទជាមួយកំពូលតារាចម្រៀង ព្រាប សុវត្ថិ ពេលនេះ តន់ ចន្ទសីម៉ា បានងាកមកចាប់ដៃគូច្រៀងជាមួយ ខេម វិញម្ដងទៀតហើយ ដោយបទថ្មីមួយនេះមានចំណងជើងថា «ទឹកត្រីកោះកុង» ក្នុងMVបានបង្ហាញតំបន់ទេសចរណ៍ស្អាតៗជាច្រើន នៅក្នុងខេត្តកោះកុង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដូចប្រិយមិត្តធ្លាប់បានដឹងហើយថា ខេត្តកោះកុង គឺជាខេត្តមួយពោរពេញទៅដោយតំបន់ទេសចរណ៍ធម្មជាតិស្អាតៗជាច្រើន។ ជាមួយនឹងការសម្រុកផលិតអាប៊ុមចូលឆ្នាំថ្មីនេះ ផលិតកម្ម Galaxy Navatra ត្រូវបានគេមើលឃើញថាគ្រប់ MV នៃបទចម្រៀង បានឲ្យក្រុមផលិតចុះទៅថតនៅតំបន់ទេសចរណ៍ជាច្រើន ក្នុងន័យដើម្បីផ្សារភ្ជាប់ជាមួយរមណីយដ្ឋាននានា នៅព្រះរាជាណាចក្រកម្ពុជា ជំរុញកំណើនទេសចរណ៍ក្នុងស្រុកឲ្យកាន់តែទទួលបានការគាំទ្រច្រើន ជាក់ស្ដែងដូចជាបទ «ទឹកត្រីកោះកុង» របស់ ខេម និង តន់ ចន្ទសីម៉ា អីចឹង។

សូមបញ្ជាក់ផងដែរថា កន្លងមកគ្រាប់ពេជ្ររបស់ផលិតកម្ម Galaxy Navatra ទាំងពីររូបនេះធ្លាប់បានច្រៀងជាមួយគ្នាជាច្រើនបទមកហើយ។ ក្នុងនោះផងដែរ ពួកគេបានបំបែកឯកត្តកម្មជាប្រវត្តិសាស្ត្រលើបទ «ចង់សុំwifi» ដែលមាន អ្នកទស្សនាជិត៣០លានដង។ មហាជនរំពឹងថា ពួកគេច្បាស់ជានឹងបំបែកប្រវត្តិសាស្ត្រជាមួយគ្នា លើបទចម្រៀងដែលទើបតែផលិតថ្មីៗជាមួយគ្នាទៀតជាក់ជាមិនខាន។

ចង់ដឹងថាបទថ្មី «ទឹកត្រីកោះកុង» របស់ ខេម និង តន់ ចន្ទសីម៉ា មានអត្ថន័យព្រមទាំងមានទេសភាពស្រស់ស្អាតកម្រិតណា សូមទស្សនាទាំងអស់គ្នា ៖

• ខេម
• តន់ ច័ន្ទសីម៉ា