ភ្នំពេញ៖ បទ «កូនក្មេងនឹកមនុស្សចាស់» របស់កញ្ញា តន់ ចន្ទសីម៉ា គ្រាប់ពេជ្ររបស់ផលិតកម្ម Galaxy Navatra បានកំពុងតែនាំមុខគេក្នុងកម្មវិធីតន្ត្រីតាមទូរស័ព្ទ Pleng by Smart ដោយបទចម្រៀងមួយបទនេះបានជាប់លេខ១ស្ទួនៗ២សប្តាហ៍ជាប់គ្នាតែម្ដង។ នេះបើផ្អែកតាមរបាយការណ៍របស់ Pleng ។
![](https://s9.kh1.co/72/728ea71d15552a0adc7b430b8e6ec7e907cd8dd6.jpg)
![](https://s9.kh1.co/32/323d6af191a842d4a7c5f62f50c4df6a4ed89001.jpg)
Pleng by Smart ជាកកម្មវិធីតន្រ្តីតាមទូរស័ព្ទ សម្រាប់អ្នកចូលចិត្តតន្ត្រីនានា តាមរយៈបណ្ដាញទូរស័ព្ទចល័តដ៏ទំនើបរបស់ខ្លួន ដោយនៅក្នុងនោះ មានបទចម្រៀងខ្មែរ និង អន្តរជាតិ ជាង១លានបទ។ បទចម្រៀងរបស់ផលិតកម្ម Galaxy Navatra ត្រូវបានគេដឹងថាមានវត្តមានក្នុងកម្មវិធីដ៏ទំនើបមួយនេះផងដែរ ហើយតែងតែជាប់នៅចំណាត់ថ្នាក់កំពូលជាញឹកញយ ជាក់ស្ដែងដូចជាបទ «កូនក្មេងនឹកមនុស្សចាស់» របស់កញ្ញា តន់ ចន្ទសីម៉ា នេះជាដើម។
ដូចដែលលោកអ្នកបានដឹងហើយថា កញ្ញា តន់ ចន្ទសីម៉ា ជាតារាចម្រៀងស្រីម្នាក់ដែលធ្លាប់មានប្រវត្តិជាអតីតសិស្សជ័យលាភីស្មូតកំណាព្យលេខ១ ប្រចាំខេត្តតាកែវ។ នាងប្រើពេលតែជាង១ឆ្នាំប៉ុណ្ណោះ ជាមួយផលិតកម្ម Galaxy Navatra អាចឈានជើងជាកំពូលតារាចម្រៀងជួរមុខក្នុងប្រទេសកម្ពុជា បានធ្វើឲ្យនាងផ្លាស់ប្ដូរ១៨០ដឺក្រេយ៉ាងលឿនបំផុត។ ក្មេងស្រីម្នាក់នេះ មិនធ្លាប់គិតឡើយថា អាចក្លាយខ្លួនជាតារាចម្រៀងល្បី ហើយអាចច្រៀងជាមួយកំពូលតារាចម្រៀង ព្រាប សុវត្ថិ ដូចសព្វថ្ងៃនេះឡើយ។
![](https://s9.kh1.co/aa/aa0aac7275bf4726080e06fd9a6cd7a7a8e0de7a.jpg)
បច្ចុប្បន្នផលិតកម្ម Galaxy Navatra កំពុងតែសម្រុកផលិតបទចម្រៀងឲ្យនាង ក៏ដូចជាតារាចម្រៀងជាច្រើនទៀត ដើម្បីឲ្យប្រជាប្រិយភាពរបស់នាងកាន់តែទទួលបានការគាំទ្របន្ថែមទៀត។
តោះ! ស្ដាប់បទ «កូនក្មេងនឹកមនុស្សចាស់» របស់ តន់ ចន្ទសីម៉ា ជាថ្មីម្ដងទៀតទាំងអស់គ្នា ថាមានចំណុចពិសេស បែបណាបានជាអាច ជាប់លេខ១ស្ទួនៗ២សប្តាហ៍ជាប់គ្នាបែបនេះ ៖
![](https://s9.kh1.co/76/76a67801ddc74ac99108517b48ae748e7609817c.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
-
- សុទ្ធតែកំពូលតារាៗ ថ្ងៃបិទស៉ីហ្គេមលើកទី៣២ តារាស្រីទាំងនេះ ស្លៀកឈុតច្នៃឡើងទាក់ទាញ
- កំពូលតារាចម្រៀង និងអ្នកនិពន្ធឆ្នើម១០រូប បង្ហាញស្នាដៃក្នុងបទចម្រៀងមរតកប្រវត្តិសាស្រ្តនៃព្រឹត្តិការណ៍ស៊ីហ្គេម! (មានវីដេអូ)
- កប់ម្លេះ! ព្រាប សុវត្ថិ ចាប់ដៃ សីម៉ា និងកញ្ញា ធ្វើរឿងមួយនេះរួមគ្នា សម្រាប់ស៊ីហ្គេម ២០២៣