ក្រោយ ថេណា ប្រកាសទំនងជាចង់ឈប់ពីសិល្បៈ ស្រាប់តែ ពេជ្រ សោភា និយាយពាក្យក្នុងចិត្តថា....

ភ្នំពេញ៖ កាលពីដើមខែកុម្ភៈនេះ តារាចម្រៀង Original ជើងចាស់ ថេណា បានបង្ហោះបទចម្រៀងមានចំណងជើងថា «ខ្យល់ត្រជាក់» ដែលទំនងជាបទចម្រៀងចុងក្រោយបង្អស់របស់លោក ព្រោះថា ការបង្ហោះបទចម្រៀងនេះគឺលាយឡំជាមួយនឹងសារមួយដែលមានន័យថាលោកហាក់បី ដូចជាចង់ឈប់ដើរលើវិថីសិល្បៈតទៅទៀត។

ជាការពិតណាស់ ទោះបីជាតារាប្រុសរូបនេះមិនបាននិយាយចំៗថាលោកនឹងចាកចេញពីការធ្វើចម្រៀងក៏ពិតមែនប៉ុន្តែ សាររបស់លោកហាក់បីដូចជាបង្ហាញចេតនា ដែលខ្លួនប្រុងនឹងដើរចេញពីអាជីពជាតារាចម្រៀងយ៉ាងអញ្ចឹងដែរ ដែលធ្វើឲ្យហ្វេនមានការងឿងឆ្ងល់នឹង ពិបាកចិត្តយ៉ាងខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ប៉ុន្មានថ្ងៃមុននេះ មិនមែនមានតែអ្នកគាំទ្រដែលបង្ហាញពីអារម្មណ៍សោកសៅចំពោះ ថេណា នោះ សូម្បីកំពូលតារាចម្រៀង ពេជ្រ សោភា ក៏មិនចង់ឲ្យលោក ឈប់ត្រឹមពេលនេះដែរ ព្រោះថា មនុស្សដែលមានសមត្ថភាពនិង ទេពកោសល្យដូចលោកគឺមិនមែនមានច្រើននោះទេ ដោយខ្លឹមសារដែលតារារូបនេះបានបង្ហោះមានអត្ថន័យថា៖

ក្រៅពីនេះទៀត ពេជ្រ សោភា ក៏បានបន្ថែមទៀតថា ថេណា ជាអ្នកចម្រៀងម្នាក់ដែលមិនចេះនិយាយច្រើនទេ គាត់មានចរិកល្អ ដែលនេះធ្វើឲ្យអ្នកគាំទ្រ មួយចំនួនបានចូលមកគាំទ្រនូវការលើកឡើងរបស់តារាស្រីរូបនេះផងដែរ ដែលពួកគេមិនចង់ឃើញថេណា ឈប់ពីវិថីសិល្បៈនោះឡើយ៕

សូមចូលទស្សនារូបភាពខាងក្រោម៖

• ពេជ្រ សោភា
• ថេណា
• ចម្រៀង
• យុវវ័យ
• តារាខ្មែរ