សម្រស់ស្អាតជាងក្រមុំ តែតារាស្រីៗទាំងនេះ រឹងមាំ សុទ្ធចិត្តមេម៉ាយ អោបកូនប្រសើរជាងរកដៃគូថ្មី

រាជធានីភ្នំពេញ ៖ ពិតណាស់ មនុស្សស្រីភាគច្រើន តែងប្រាថ្នាចង់បានស្វាមី បង្កើតគ្រួសារមួយដែលពោរពេញ ដោយសុភមង្គល តែទន្ទឹមនឹងនេះ ការសម្រេចចិត្តជ្រើសរើសខ្លះក៏បរាជ័យ និងខ្លះទៀតក៏ជោគជ័យ។ 

ទន្ទឹមនឹងនេះ ប្រសិនបើយើងក្រឡេកទៅមើល រង្វង់សិល្បៈខ្មែរបច្ចុប្បន្ន មានតារាជាច្រើនរូប ដែលបរាជ័យក្នុងជីវិតស្វាមីភរិយាលើកទី​១ពិតមែន តែក៏បានបើកចិត្តទទួលយកជីវិតរៀបការជាលើកទី ២រួចហើយដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលពិសេសនោះ ប្រសិនយើងមើលឲ្យច្បាស់នោះ មានសិល្បការិនីប៉ុន្មានដួងនេះ ទោះបីជាមានសម្រស់ស្រស់ស្អាត ស្ទើរមិនជឿថាធ្លាប់មានកូននោះ បែរជាមិនគិតគូររឿងជីវិតរៀបការជាលើកទី២ បន្ទាប់ពីមានការបែកបាក់ក្នុងជីវិតអាពាហ៍ពិពាហ៍ដំបូង។ 

គួរបញ្ជាក់ផងដែរថា ទោះបី សម្រស់នៅគួរឲ្យទាក់ទាញ និងអាយុក្រាស់ពេកក៏ដោយ តែសិល្បការិនីទាំងនេះ ហាក់បីដូចជា បិទបេះដូងខ្លួន មិនទទួលយកដៃគូថ្មីណាម្នាក់ឡើយ នៅស៊ូចិញ្ចឹមបីបាច់កូន អោបក្រសោបកូន និងចាំមើលកូនធំធាត់ លូតលាស់ពេញរូបពេញរាង តែម្នាក់ឯង៕

ចង់ដឹងទេ ថាតើសិល្បការិនីទាំងនោះជានរណា តោះទៅមើលរូបភាពខាងក្រោម ៖

១. ពិធីការិនី យុគ ចិន្តា 

ពិតណាស់ ពិធីការិនី យុគ ចិន្តា ត្រូវបានមហាជនស្គាល់ថាជា ពិធីការិនីល្បីឈ្មោះមួយរបស់កម្ពុជា ព្រមជាមួយគ្នានេះ អ្នកនាងក៏មាន កូនស្រីពេញក្រមុំម្នាក់ផងដែរ។

២. តារាសម្តែង ភិន សុដាលីស

តារាសម្តែងកំពុងផ្ទុះប្រជាប្រិយភាព ភិន សុដាលីស បន្ទាប់ពីលែងលះតាំងពីកូននៅក្នុងពោះ រហូតមកដល់កូនមានអាយុ​ ៤ឆ្នាំហើយក៏ពិតមែន តែតារាស្រីរូបនេះ ហាក់មិនបើកចំហចំណងស្នេហ៍ជាមួយនឹងដៃគូថ្មីណាម្នាក់នៅឡើយ។

៣. តារាសម្តែង ទូច ស្រីល័ក្ខ

ក្រោយលែងលះជាមួយនឹងស្វាមីជនជាតិបរទេស ហើយវិលត្រលប់មកប្រទេសកំណើតវិញជាមួយកូនប្រុស រយៈពេលនេះ តារាសម្តែង ទូច ស្រីល័ក្ខ នៅមិនទាន់បើកបេះដូងទទួលអ្នកថ្មីមកជួសរបួសចាស់ខ្លួន ដោយព្រមនៅចិញ្ចឹមកូនប្រុសតែម្នាក់ឯង។

៤.តារាចម្រៀង សុន ស្រីពេជ្រ

ពិតណាស់ តារាចម្រៀង សុន ស្រីពេជ្រ ទោះបីកូន២ហើយក៏ពិតមែន តែសម្រស់មិនបាក់ស្រុតសូម្បីតែបន្តិច។ គួរបញ្ជាក់ថា ទំនាក់ទំនងជាមួយនឹងស្វាមីត្រូវផ្តាច់តាំងពីពពោះកូនទី ២មកម្ល៉េះ តែរហូតដល់បច្ចុប្បន្ន តារាស្រីរូបនេះនៅមិនទាន់បង្ហើបប្រាប់ពីទំនាក់ទំនងថ្មីណាមួយឡើយ។

៥.ពិធីការិនី មាស ម៉ូលីណា

ពិតណាស់ ទោះមានសម្រស់នៅស្រស់ស្អាត ទាក់ទាញយ៉ាងណាក្តី តែពិធីករល្បីឈ្មោះ មាស ម៉ូលីណារូបនេះ នៅតែអោបក្រសោបកូនប្រុសទាំង៣ មិនខ្វាយខ្វល់ជាមួយនឹងដៃគូជីវិតថ្មី ក្រោយពេលបែកបាក់ជាមួយនឹងអតីតស្វាមីជាគ្រូពេទ្យរួចមក។

៦.ពិធីការិនី យ៉ាន ស្រីពេជ្រ

ក្រោយពីប្រកាសលែងលះ ជាមួយនឹងអតីតស្វាមីក្នុងរយៈពេលខ្លីក៏ពិតមែន តែសម្រស់របស់ពិធីការិនីរូបនេះ គឺនៅគួរឲ្យស្រលាញ់ និងទាក់ទាញមិនចាញ់ក្រមុំៗឡើយ តែនៅឡើយមិនទាន់មានដំណឹងពី ដៃគូជីវិតនៅឡើយទេ ព្រោះបច្ចុប្បន្ន គេតែងឃើញរូបនាងតែងបង្ហោះរូបភាពជាមួយកូនរហូត។

• សុន ស្រីពេជ្រ
• ទូច ស្រីល័ក្ខ
• ភិន សុដាលីស
• យុគ ចិន្តា
• មាស​ ម៉ូលីណា