សុខ ស្រីនាង បានធ្វើតេស្តកូវីដ១៩ រួចហើយដោយទទួលបានលទ្ធផល...

ភ្នំពេញ៖ ក្រោយមានផ្ទុះការឆ្លងកូវីដ១៩ ក្នុងចំណោមសិល្បករសិល្បការិនីនៅក្នុងផលិតកម្មរស្មីហង្សមាស រួចមកសង្កេតឃើញមានតារាប៉ុន្មានដែលមានផ្ទុកនូវវីរុសនេះដូចជា ណុប បាយ៉ារិទ្ធ សុគន្ធ និសា វី ឌីណែត ជាដើម។

តួយ៉ាង ទោះបីជាអត្រាការឆ្លងមានច្រើនពិតមែន ប៉ុន្តែនៅមានតារាមួយចំនួនធំផ្សេងៗទៀត ដែលបានធ្វើតេស្តអវិជ្ជមានលើកទី១ ប៉ុន្តែត្រូវទាមទារការសើបអង្កេតបន្ថែមទៀត រហូតដល់ការធ្វើតេស្តម្តងទៀតផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្តែងតារាចម្រៀង សុខ ស្រីនាង បានធ្វើរកវីរុសកូវីដ១៩រួចហើយ ដោយទទួលបានលទ្ធផលអវិជ្ជមានជាលើកទី១រួចហើយ ប៉ុន្តែកញ្ញានៅតែបន្តការធ្វើចត្តាឡីស័ករហូតដល់រយៈពេល១៤ថ្ងៃផង ដើម្បីធានាថាខ្លួនគ្មានផ្ទូកវិរុសប្រភេទនេះឡើយ។

យ៉ាងណាមិញ សុខ ស្រីនាង បានថ្លែងអំណរគុណយ៉ាងជ្រាលជ្រៅចំពោះពុកម៉ែបងប្អូននិង អ្នកគាំទ្រទាំងអស់ដែលខ្វល់ខ្វាយពីសុខភាពរបស់ខ្លួន ក្រៅពីនេះតារាស្រីរូបនេះក៏ បានសំណូមពរឲ្យប្អូនទាំងអស់គ្នាថែសុខភាពនិង ការពារឲ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល៕

សូមចូលទស្សនារូបភាពខាងក្រោម៖

• សុខ ស្រីនាង
• យុវវ័យ
• តារាខ្មែរ