ចាំអាយដលទេ? គង់ សង្វារដានី ចេញមុខជាថ្មី ច្រៀងបទចាស់ «មិនបានត្រៀមចិត្ត» ឡើងវិញ ពីរោះកប់ (មានវីដេអូ)

ភ្នំពេញ៖ គង់ សង្វារដានី គឺជាតារាចម្រៀងមួយរូបដែលបានការគាំទ្រខ្លាំងពីស្រទាប់បេះដូចយុវវ័យកាលពីពេលកន្លងមក ដោយប្រជាប្រិយភាពរបស់លោកពេលនោះគឺអាចនិយាយថានៅក្នុងកម្រិតស៊ុបភើស្តាតែម្តង។

ជាការពិតណាស់ តារាប្រុសរូបនេះ បានសាងកេរ្តិ៍ល្បីរន្ទឺខ្លាំង នៅក្នុងផលិតកម្ម SSB កំឡុងឆ្នាំប្រហែលជា២០០៦ ដោយបទចម្រៀង «ដួងចិត្តឯកា» ហើយចូលឆ្នាំ២០០៧ក៏មានបទមួយទៀតដែលធ្វើឲ្យភាពល្បីល្បាញលោកកាន់តែខ្លាំងជាងមុននោះគឺបទ «មិនបានត្រៀមចិត្ត»ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក កាលពីពេលថ្មីៗនេះ គង់ សង្វារដានី បានបង្ហាញមុខសាជាថ្មីដោយធ្វើកាបកស្រាយនូវបទចម្រៀងចាស់របស់លោកដដែល ដែលមានចំណងជើងថា «មិនបានត្រៀមចិត្ត» យ៉ាងពិរោះរណ្តំចិត្ត ទោះបីជាលោកបានបាត់មុខពីសិល្បៈអស់រយៈពេលយូររកន្លងក្តីក៏ប៉ុន្តែរូបសម្បត្តិនិង សម្លេងគឺហាក់បីដូចជាមិនបានប្រែប្រួលខ្លាំងគួរឲ្យកត់សម្គាល់នោះទេ។

ចំពោះទស្សនិកជនវិញក៏បាននាំគ្នាសរសើរដល់សម្លេងក៏ដូចរូបសម្រស់របស់ តារាប្រុសរូបនេះដែរ ដែលនៅតែមានសម្លេងស្រដៀងប្រហាក់ប្រហែលនឹងប៉ុន្មានឆ្នាំមុនដដែល មិនប្រែប្រួលអ្វីខ្លាំងនោះសោះឡើយ៕

សូមចូលទស្សនារូបភាពនិង វីដេអូខាងក្រោម៖

• គង់ សង្វារដានី
• ចម្រៀង
• យុវវ័យ
• វីដេអូ
• តារាខ្មែរ