អាណិតណាស់! នាយក្រូចប្រកាសដំណឹងមរណភាពរបស់នាយតោ មិត្តភក្តិរួមអាជីព ថាបានស្លាប់ដោយសារតែជំងឺ...

ភ្នំពេញ: កាលពីពេលថ្មីៗនេះ យោងតាមគណនីហ្វេសប៊ុករបស់ នាយក្រូច តារាកំប្លែងប្រចាំស្ថានីយទូរទស្សន៍ CTN បានបង្ហោះសារដោយបានបញ្ជាក់ពីដំណឹងមរណទុក្ខដ៏សែនក្រៀមក្រំ ក្រោយពេលដែលតារាកំប្លែង នាយ តោ (ហៅសំខាន់លាស់) បានស្លាប់ ដោយសាររោគមហារីកក្រពះ កាលពីថ្ងៃទី៩ ខែមិថុនា ឆ្នាំ២០២១ ពោលគឺកាលពីម្សិលមិញនេះផ្ទាល់តែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែលថា ផ្អែកតាមបទពិសោធន៍កាលពីជាង ១០ឆ្នាំមុន នាយ តោ ក្នុងនាមជាតារាកំប្លែងក្នុងក្រុមនាយពាក់មី ធ្លាប់បានចូលរួមសម្តែងសាច់រឿង “អ៊ូខុងលង់ស្នេហ៍ស្រីស្អាត“ នៅលេីឆាកប៉ុស្តិ៍ទូរទស្សន៍ CTN ក្នុងកម្មវិធី រាត្រីកំសាន្ត ដែលពេលនោះលោកបានដេីរតួ ជាតួអង្គជ្រូកប៉ាជេ ដោយទទួលបាននូវការគាំទ្រយ៉ាងខ្លាំង ពីសំណាក់មហាជន និងអ្នកទស្សនាជាច្រើនផងដែរ។ ស្របពេលដែលទទួលបាននូវដំណឹងមរណភាពដ៏ក្រៀមក្រំបំផុតនេះ មានប្រិយមិត្ត និងមហាជន រួមទាំងតារាសិល្បៈជាច្រើនរូបបានសម្តែងនូវអារម្មណ៍សោកស្ដាយ ព្រមទាំងផ្ញើរសារចូលរួមរំលែកទុក្ខយ៉ាងក្រៀមក្រំបំផុតដល់គ្រួសារ សពផងដែរ។ ជាចុងក្រោយ សូមលើកដៃបួងសួងជូនវិញ្ញាណក្ខន្ធរបស់លោកពូ(សំខាន់លាស់) បានទៅកាន់សុគតិភពកុំបីឃ្លៀងឃ្លាតឡើយ៕

នាយក្រូច

កំប្លែង

ជីវិត

មិត្ត

រូបភាព

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

នាយក្រូច