ខួបកំណើតឆ្នាំនេះ Peypey Dy លេងខ្លួនតាមសមាជិក BTS Jimin សង្ហាមិនណយទេ

ភ្នំពេញ៖ ច្រើនឆ្នាំមកហើយ ដែលតារាហ្វេសប៊ុកលោក Peypey Dy មានឈ្មោះល្បីល្បាញលើបណ្ដាញសង្គមអ៉ីនធើណេត។ មូលហេតុដំបូង ធ្វើឲ្យគេស្គាល់តារារូបនេះច្រើន ក៏ដោយសារលោកតែងតែបង្កើតវីដេអូកំប្លែងៗ ម្យ៉ាងបច្ចុប្បន្នតារារូបនេះក៏បានបង្កើតរឿងខ្លីៗ ដើម្បីអ្នកគាំទ្របានទស្សនាកាត់ស្តេ្រសផងដែរ។

យ៉ាងណាមិញ បើក្រឡេកទៅមើលជីវិតឯកជនរបស់ Peypey Dy គេឃើញថាតារារូបនេះ មានជីវភាពល្អប្រសើររហូតមានសមត្ថភាពអាចទិញរថយន្តទំនើបៗ មានរបស់ប្រើប្រាស់ប្រ៊េនៗទៀតផង។ លើសពីនេះទៅទៀត បើនិយាយដល់រូបសម្បត្តិ ពេលនេះលោកកាន់តែមានសម្រស់ស្អាតសង្ហារជាងមុន ជាពិសេសស្ទាយ៍រៀបចំខ្លួនក៏ស៊ីវិល័យទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ថ្មីៗនេះ Peypey Dy ធ្វើឲ្យហ្វេនភ្លឹកនឹងរូបសម្បត្តិលោកសារជាថ្មី តាមរយះការតុបតែងខ្លួនស្លៀកពាក់ដូចតារាចម្រៀងកូរ៉េខាងត្បូង Jimin ដែលត្រូវបានគេស្គាល់ថាជាសមាជិកក្រុម BTS។ ពិតណាស់ បើមើលតាមរូបភាពតារាហ្វេសប៊ុករូបនេះរៀបចំខ្លួនបែបOppaហើយ ពិតជាប្លែកភ្នែក ស្អាតសង្ហារ ព្រមទាំងមានភាពទាក់ទាញខ្លាំង។

មិនតែប៉ុណ្ណោះ ក្រោយបង្ហោះរូបនេះរួច មានអ្នកគាំទ្រជាច្រើនបានសរសើរ និងបាននិយាយថាលោកពិតជាស្រដៀង Jimin សឹងតែ១០០ភាគរយគ្រប់គ្នាតែម្ដង៕

សូមទស្សនារូបភាពខាងក្រោម៖ 

• Peypey Dy
• ម៉ូត
• រូបភាព
• តារាខ្មែរ