កូន១មែន! តែកុំមើលសម្រស់ ផាន់ ផាត់ណា ស្រស់ស្អាតមិនណយ

ភ្នំពេញ៖ តារាសម្ដែងស្រីស៊ិចស៊ីអ្នកនាង ផាន់ ផាត់ណា ក្រោយផ្អាកពីសិល្បៈមួយរយៈ បន្ទាប់ពីសម្រាលកូនរួច ពេលនេះនាងបានងាកទៅសម្ដែងរឿងសារជាថ្មីម្ដងទៀត ខណៈកូនប្រុសរបស់នាងកាន់តែធំដឹងក្ដីជាងមុន។ បន្ទាប់ពីចូលសិល្បៈវិញ តារារូបនេះកាន់តែមានភាពមមាញឹកមិនធម្មតា ជាពិសេសនាងទទួលថតរឿងថ្មីៗជាច្រើន បើតាមការសង្កេតឃើញ។

យ៉ាងណាមិញ បើទោះបីមានឈ្មោះក្លាយជាម្ដាយគេទៅហើយក្ដី តែនាងនៅតែទទួលបានតំណែងជាតួឯកក្នុងរឿងដដែល។ មិនតែប៉ុណ្ណោះ បើមើលទៅលើរូបរាងនាងនាពេលបច្ចុប្បន្នវិញ ឃើញថាស្លីមស្អាតគួរឲ្យទាក់ទាញមិនចាញ់កាលមិនទាន់មានកូននោះទេ។ ដែលអាចនិយាយបានថា នាងនៅតែស្រលាញ់សម្រស់ និងរូបរាងរបស់នាង ទើបតារារូបនេះ អាចមើលថែរក្សាទំហំរាងបានឲ្យនៅដដែលយ៉ាងដូច្នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើនិយាយដល់សម្រស់ ថ្មីៗនេះអ្នកនាង ផាន់ ផាត់ណា បានបង្ហោះរូបច្រើនសន្លឹកលើគណនីហ្វេសប៊ុកផ្ទាល់ខ្លួន ដោយរូបទាំងនោះ ធ្វើឲ្យហ្វេនមើលសឹងមិនដាក់ភ្នែកគ្រប់គ្នាតែម្ដង។ ដោយមុខមាត់នាងនៅតែស្រស្រស់ស្អាត ចំពោះការស្លៀកពាក់វិញ ឆើតឆាយ ស៊ិចស៊ីគួរឲ្យចាប់អារម្មណ៍តែម្ដង។ ក្រោយអ្នកគាំទ្ររបស់តារារូបនេះ ឃើញរូបភាពថ្មីរបស់នាងហើយ ពួកគេបានចូលទៅ comment សរសើរពីរូបសម្ផស្សរបស់នាងថាស្រស់សោភាគ្រប់ៗគ្នា៕

សូមទស្សនារូបភាពខាងក្រោម៖ 

• ផាន់ ផាត់ណា
• រូបភាព
• តារាខ្មែរ