តិចនិកទាំង៥ព្យាបាលបញ្ហាមុន សម្រាប់ស្បែកងាយប្រតិកម្ម!

បញ្ហាមុនគឺជាកង្វល់របស់ស្រីៗយើងស្រាប់ហើយ ប៉ុន្តែប្រសិនបើយើងមានស្បែកងាយប្រតិកម្មទៀតនោះ វាកាន់តែពិបាកព្យាបាលមិនខាន។ ពិតណាស់ ការព្យាបាលមុនទាក់ទងនឹងការប្រើប្រាស់សារធាតុផ្សំខ្លាំងៗ ដែលអាចជ្រាបចូលយ៉ាងជ្រៅក្នុងស្រទាប់ស្បែក និងកម្ចាត់ចោលស្រទាប់ខាងលើនៃស្បែក។ ប៉ុន្តែសម្រាប់អ្នកដែលមានស្បែកប្រតិកម្មវិញ មិនអាចប្រើប្រាស់ផលិតផលថែទាំស្បែកដែលមានសារធាតុផ្សំខ្លាំងៗបានឡើយ។

ដូច្នេះហើយ ការព្យាបាលមុនដ៏ល្អបំផុតគឺមិនត្រូវធ្វើឲ្យស្បែកស្ងួត និងរលាក ក៏ដូចជាប្រតិកម្មឡើយ។ ខាងក្រោមនេះ គឺជាគន្លឹះមួយចំនួនសម្រាប់ការព្យាបាលមុន សម្រាប់ស្បែកងាយប្រតិកម្ម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. កំណត់ស្បែកងាយប្រតិកម្មឲ្យបានត្រឹមត្រូវ

ជំហានដំបូងក្នុងការដោះស្រាយបញ្ហាស្បែកងាយប្រតិកម្ម និងកើតមុនគឺកំណត់ប្រភេទស្បែកដែលងាយប្រតិកម្មឲ្យបានត្រឹមត្រូវ។ ប្រសិនបើស្បែកលេចឡើងស្នាមក្រហម និងរលាក នៅពេលលាបផលិតផលផ្សេងៗ នេះមានន័យថាយើងមានស្បែកងាយប្រតិកម្ម ដែលមានប្រតិកម្មខ្លាំងចំពោះផលិតផលថែសម្រស់។ ក្នុងករណីដែលគ្នាយើងមានស្បែកស្ងួត និងកើតមុន វាអាចធ្វើឲ្យស្បែកងាយឈឺចាប់នៅពេលប៉ះ។ ការព្យាបាលមុននឹងធ្វើឲ្យស្បែកកាន់តែប្រតិកម្មជាងមុន ជាពិសេសនៅពេលប្រើប្រាស់សារធាតុផ្សំដែលមានដូចជា Retinoids, Benzoyl Peroxide, Salicylic Acid និងផលិតផលព្យាបាលដទៃទៀត។

២. ជៀសវាងធ្វើឲ្យស្បែកកាន់តែស្ងួត

ពិតណាស់ រាល់ផលិតផលសម្រាប់ព្យាបាលមុន សុទ្ធតែធ្វើឲ្យស្បែកកាន់តែងាយប្រតិកម្ម ដូច្នេះហើយ យើងត្រូវជ្រើសរើសផលិតផលព្យាបាលមុនដោយយកចិត្តទុកដាក់ជាទីបំផុត។ ការប្រើប្រាស់ក្រែមផ្ដល់សំណើមគឺជារឿងសំខាន់មួយ ទោះបីជាយើងកំពុងតែប្រឈមនឹងបញ្ហាមុនក៏ដោយ។ មានផលិតផលមួយចំនួនដែលត្រូវបានបង្កើតឡើងសម្រាប់ព្យាបាលមុន ដោយមានផ្ទុកស័ង្កសី និងអាស៊ីដ Myristic ផ្ដល់សំណើម និងការពារមុននៅក្នុងពេលតែមួយ។ បន្ថែមពីនេះ ការប្រើប្រាស់ក្រែមផ្ដល់សំណើម និងហ្វូមលាងមុខប្រភេទពពុះ ក៏អាចជួយរក្សាជាតិទឹកដល់ស្បែកដូចគ្នា។

៣. ការព្យាបាលបែបស្រាល និងមានប្រសិទ្ធភាព

ការព្យាបាលមុនដ៏ល្អបំផុតសម្រាប់ស្បែកងាយប្រតិកម្មគឺTopical Retinoids ពីព្រោះវាជាវិធីសាស្ត្រដ៏ពូកែក្នុងការដោះស្រាយបញ្ហានេះ។ យ៉ាងណាមិញ ចូរជៀសវាងសារធាតុផ្សំដែលអាចធ្វើឲ្យរលាកស្បែកដូចជា benzoyl peroxide, salicylic acid, ឬ tea tree oil។ គ្នាយើងគប្បីប្រើផលិតផលដែលមានសារធាតុTopical retinoids ជាមួយនឹងហ្វូមលាងមុខដែលគ្មានជាតិកាត់ ក្រែមផ្ដល់សំណើម និងក្រែមការពារកម្ដៅថ្ងៃដែលមិនធ្វើឲ្យស្ទះរន្ធញើស ។

៤. ចាប់ផ្ដើមយឺតៗ

ខណៈពេលដែលយើងដឹងថាការថែទាំស្បែកប្រភេទណាដែលស័ក្ដិសមចំពោះស្បែករបស់យើងហើយនោះ ចូរចាប់ផ្ដើមយឺតៗ។ យើងគប្បីតាមដានពីប្រតិកម្មរបស់ស្បែក និងប្រុងប្រយ័ត្នចំពោះបរិមាណ និងភាពញឹកញាប់នៃការប្រើប្រាស់។ ជាងនេះទៅទៀត ចូរសាកល្បងលាបវានៅលើដៃមុនពេលចាប់ផ្ដើមលាបនៅលើមុខ។ សម្រាប់អ្នកដែលមានស្បែកងាយប្រតិកម្ម ចូរចាប់ផ្តើមលាបវានៅពេលយប់ ឬ១ទៅ២ដងក្នុងមួយសប្ដាហ៍។ នៅពេលដែលប្រាកដថាស្បែកមុខរបស់យើងអាចសម្របយកផលិតផលទាំងនោះហើយ យើងអាចប្រើប្រាស់វាញឹកញាប់បាន។

៥. រឿងគួរ និងមិនគួរធ្វើចំពោះស្បែក

មិនត្រូវប្រើប្រាស់ផលិតផលច្រើន ដែលមានផ្ទុកសារធាតុ tea tree oil, salicylic acid, ឬ glycolic acid និងជំនួសដោយការប្រើប្រាស់សារធាតុស្រាលៗ ដូចជាmandelic acid ឬbakuchiol សម្រាប់ជម្រុះកោសិកាចាស់ៗ។
មិនត្រូវប្រើប្រាស់ថ្នាំព្យាបាលមុននៅខាងក្រោមភ្នែក ហើយត្រូវផ្ដល់សំណើមនៅបរិវេណភ្នែក និងជុំវិញមាត់ច្រើនដងក្នុងមួយថ្ងៃ។
ប្រើប្រាស់ក្រែមការពារកម្ដៅថ្ងៃដែលមានជាតិទឹក ឬជែល។
មិនត្រូវប៉ះមុខញឹកញាប់ឡើយ មិនថាប្រើប្រាស់ជាមួយនឹងកំណាត់ស្អាត ឬផលិតផលសម្រាប់ស្បែកមុខ ពីព្រោះវាអាចបណ្ដាលឲ្យងាយប្រតិកម្ម។
មិនត្រូវលាងសម្អាតមុខញឹកញាប់ពេក ជៀសវាងបាត់បង់សំណើមនៃស្បែក។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

១. កំណត់​ស្បែក​ងាយ​ប្រតិកម្ម​ឲ្យ​បាន​ត្រឹមត្រូវ​

២. ជៀសវាង​ធ្វើ​ឲ្យ​ស្បែក​​កាន់​តែ​ស្ងួត​

៣. ការ​ព្យាបាល​បែប​ស្រាល​ ​និង​មាន​ប្រសិទ្ធភាព

៤. ចាប់ផ្ដើម​យឺត​ៗ

៥. រឿង​​គួរ​ និង​មិន​គួរ​ធ្វើ​ចំពោះ​ស្បែក​

In Case You Missed It

១. កំណត់ស្បែកងាយប្រតិកម្មឲ្យបានត្រឹមត្រូវ

២. ជៀសវាងធ្វើឲ្យស្បែកកាន់តែស្ងួត

៣. ការព្យាបាលបែបស្រាល និងមានប្រសិទ្ធភាព

៤. ចាប់ផ្ដើមយឺតៗ

៥. រឿងគួរ និងមិនគួរធ្វើចំពោះស្បែក