ភ្នំពេញ៖ បច្ចុប្បន្នគេសង្កេតឃើញមានមនុស្សជាច្រើន បានទិញ និងយកសត្វមកចិញ្ចឹមមិនថា សុនខ ឆ្មា ឬសត្វស្លាបនោះទេ។ ម្យ៉ាងការចិញ្ចឹមសត្វនៅផ្ទះ សម្រាប់អ្នកខ្លះចិញ្ចឹមដើម្បីកែអផ្សុក សម្រាប់ការពារផ្ទះ និងដោយការស្រលាញ់ចូលចិត្តជាដើម។ មិនតែប៉ុណ្ណោះ សត្វដែលគេឧស្សាហ៍ឃើញ និងពេញនិយមចិញ្ចឹមបំផុតនោះគឺ សុនខតែម្ដង ដោយសារសុនខជាប្រភេទសត្វដែលងាយនឹងចិញ្ចឹមជាងសត្វដទៃផ្សេងទៀត។
ពិតណាស់ បើក្រឡេកមកមើលតារាវិញ ក៏មិនខុសពីបងប្អូនប្រជាពលរដ្ឋដទៃប៉ុន្មានឡើយ ទោះរវល់នឹងការងារសឹងតែគ្មានពេលទំនេរនៅផ្ទះ តែគេឃើញពួកគេនៅតែចិញ្ចឹមសុនខនៅផ្ទះ និងបានមើលថែយ៉ាងល្អថែមទៀតផង។ ហើយសុនខ ដែលសិល្បករសិល្បការិនីខ្មែរយកមកចិញ្ចឹមសុទ្ធតែជាពូជល្អៗ និងឆ្លាតគួរឲ្យស្រលាញ់ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរថា តារាខ្មែរដែលបានចិញ្ចឹមសុនខ ហើយស្រលាញ់សុនខខ្លាំងបំផុតនោះមានដូចជា៖
១៖ អ្នកនាង សុគន្ធ និសា
គេឃើញកំពូលតារាចម្រៀងស្រីរូបនេះចិញ្ចឹមសុនខច្រើនក្បាល ហើយនាងតែងតែបង្ហាញសកម្មភាព នុងផុសរូបស្អាតៗជាមួយសត្វចិញ្ចឹមគ្រប់ពេល។
២៖ កញ្ញា ណាក់ ស្រីណា
ចំពោះតារាសម្ដែង និងពិធីការិនីរូបនេះវិញ ក៏មិនខុសពីអ្នកនាង សុគន្ធ និសាប៉ុន្មានឡើយ ដោយនាងក៏ជាតារាស្រីដែលស្រលាញ់និងចូលចិត្តសុនខខ្លាំងោងដែរ។
៣៖ លោក អ៊ុន សុធា
បើមកមើលកម្លោះសង្ហារលោក អ៊ុន សុធា គេតែងតែបង្ហាញភាពស្និទ្ធស្នាល និងមើលថែដល់សត្វចិញ្ចឹមគ្រប់ពេល ហើយសត្វចិញ្ចឹមរបស់លោកមានច្រើនប្រភេទ មិនថា សុនខ ឬសត្វស្លាបនោះទេ។
៤៖ កញ្ញា សុភ័ក្រ កុសុម៉ា
ថ្មីៗនេះ ពិធីនារីពូកែវោហាស័ព្ទរូបនេះ ទើបយកសុនខមកចិញ្ចឹម តែគេឃើញនាងបានយកចិត្តទុកដាក់ និងមើលថែសត្វចិញ្ចឹមបានយ៉ាងល្អផងដែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
