ប្រុសៗចង់បានកូន គួរដឹងរឿងទាំង ៤នេះ ជាមុនសិន!

បើសិនជាកំពុងត្រៀមខ្លួនធ្វើជាប៉ាៗគេហើយនោះ ប្រុសៗត្រូវដឹងថាបញ្ហាសុខភាពរបស់យើងនិងដៃគូពិតជាសំខាន់ណាស់។ កត្តាមួយចំនួនអាចបំផ្លាញមេជីវិតប្រុសៗបាន ដែលអាចធ្វើឲ្យអត្រាធ្វើឲ្យដៃគូមានផ្ទៃពោះធ្លាក់ចុះ ឬអាចប៉ះពាល់សុខភាពកូនដែរ។ តើប្រុសៗគួរដឹងចំណុចអ្វីខ្លះពេលចង់បានកូន?

១. ទម្ងន់ខ្លួន

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការលើសទម្ងន់អាចកាត់បន្ថយលទ្ធភាពមានកូនរបស់ប្រុសៗបាន ព្រោះថាវាធ្វើឲ្យគុណភាពមេជីវិតធ្លាក់ចុះ រួមមានចំនួនមេជីវិត និងចលនារបស់មេជីវិត។ ដូចគ្នាដែរ ការលើសទម្ងន់ក៏ទំនងជាធ្វើឲ្យប្រុសៗផលិតមេជីវិតមានលក្ខណៈខុសប្រក្រតីផងដែរ។

ការលើសទម្ងន់ ក៏អាចកាត់បន្ថយការផលិតអ័រម៉ូនភេទប្រុសតេស្តូស្តេរ៉ូន ដែលអាចនាំឲ្យមានបញ្ហាដល់សកម្មភាពផ្លូវភេទ ដូចជាលិង្គពិបាកឡើងរឹង ឬមិនឡើងរឹងជាដើម។ មេជីវិតក៏បាននាំយកហ្សែនពីប៉ាៗទៅកាន់កូនផងដែរ ហើយការលើសទម្ងន់អាចប៉ះពាល់ដល់ដំណើរការហ្សែននេះ។ ការណ៍នេះមានន័យថាសុខភាពកូនរបស់យើងអាចប៉ះពាល់ពេលនៅក្នុងផ្ទៃ ឬក្រោយពេលកើត។

បើសិនជាយើង និងដៃគូមានសុខភាពល្អ ទម្ងន់ខ្លួនល្អ នោះអ្នកទាំងពីរនឹងមានឱកាសខ្ពស់ក្នុងការឆាប់មានកូន។ ជាការល្អប្រុសៗត្រូវខំរក្សាទម្ងន់ខ្លួនឲ្យនៅកម្រិតសុខភាពល្អតាមរយៈការហាត់ប្រាណ និងមានរបបអាហារត្រឹមត្រូវ។

២. ជក់បារី

ការជក់បារីនឹងធ្វើឲ្យគុណភាពមេជីវិតធ្លាក់ចុះ ដោយចំនួនមេជីវិតមានតិច ទឹកកាមតិច និងចលនាមេជីវិតខ្សោយដែរ។ ប្រុសៗជក់បារីកាន់តែច្រើន គុណភាពមេជីវិតក៏ធ្លាក់ចុះកាន់តែខ្លាំងដែរ។ ការជក់បារីច្រើនជាង២០ដើមក្នុងមួយថ្ងៃ ពេលកំពុងត្រៀមយកកូនអាចធ្វើឲ្យកូនប្រឈមខ្ពស់ក្នុងការវិវត្តទៅកើតជំងឺមហារីកគ្រាប់ឈាមក្នុងវ័យកុមារ។

៣. គ្រឿងស្រវឹង

ការផឹកគ្រឿងស្រវឹងម្ដងម្កាលទំនងជាមិនប៉ះពាល់ដល់ការបង្កកំណើតរបស់ប្រុសៗនោះទេ ប៉ុន្តែការផឹកគ្រឿងស្រវឹងច្រើនអាចកាត់បន្ថយគុណភាពមេជីវិត។ ការណ៍នេះធ្វើឲ្យការផលិតអ័រម៉ូនតេស្តូស្តេរ៉ូនធាក់ចុះ នាំឲ្យលិង្គពិបាកឡើងរឹង។ មួយវិញទៀត គ្រឿងស្រវឹងអាចធ្វើឲ្យខូចថ្លើម នាំឲ្យប៉ះពាល់សុខភាពទូទៅរបស់ប្រុសៗ និងសុខភាពបន្តពូជ។ ការផឹកគ្រឿងស្រវឹងមិនទាន់មានការបញ្ជាក់ថាកម្រិតណាធ្ងន់ធ្ងរប៉ះពាល់ដល់ការបង្កកំណើតនោះទេ តែប្រុសៗគួរផឹកក្នុងកម្រិតសមល្មមដើម្បីសុខភាពល្អ។ ជាការណែនាំ បើប្រុសៗយើងកំពុងព្យាយាមយកកូន គួរឈប់ផឹកគ្រឿងស្រវឹងយ៉ាងតិចបីខែមុនពេលចាប់ផ្ដើមយកកូន។

៤. អាយុ

ខុសពីស្រ្តី ប្រុសៗមានមេជីវិតពេញមួយជីវិតតែម្ដង។ ប៉ុន្តែពេលយើងវ័យកាន់តែចាស់ គុណភាពមេជីវិតក៏ធ្លាក់ចុះទៅតាមហ្នឹងដែរ ទោះបីជានៅអាចបង្កកំណើតបានក៏ដោយ។ បុរសមានវ័យចាប់ពី៤៥ឆ្នាំ ឬលើសពីនេះ នឹងត្រូវការពេលច្រើនដើម្បីធ្វើឲ្យដៃគូមានផ្ទៃពោះ ហើយក៏ប្រឈមនឹងកូនងាយរលូតផងដែរ។

ទោះបីជារឿងកម្រ តែកូនកើតពីឪពុកវ័យចំណាស់អាចជួបបញ្ហាការលូតលាស់ ឬមានជំងឺអូទីស្សឹមខ្ពស់ដែរ។ ដូចគ្នាដែរ កូនកើតមកក៏អាចមានហានិភ័យខ្ពស់ក្នុងការមានបញ្ហាក្រូម៉ូសូម ឬហ្សែន។ អ្វីទាំងនេះ ជាបញ្ហាដែលយើងមិនអាចគ្រប់គ្រងបាន ដូចនេះ បើចង់ក្លាយជាប៉ាៗគេ គួរតែយកកូនក្នុងវ័យក្មេងជាងនេះ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ប្រុសៗចង់បានកូន គួរដឹងរឿងទាំង ៤នេះ ជាមុនសិន!

១. ទម្ងន់​ខ្លួន​

២. ជក់បារី​

៣. គ្រឿង​ស្រវឹង​

៤. អាយុ​

In Case You Missed It

១. ទម្ងន់ខ្លួន

២. ជក់បារី

៣. គ្រឿងស្រវឹង

៤. អាយុ