អបអរសាទរ! ស្ងាត់ៗ​ តារាចម្រៀង កែវ​ សុបញ្ញា​ ចូលរោងភ្ជាប់ពាក្យថ្ងៃនេះ

ភ្នំពេញ៖ នាព្រឹកថ្ងៃទី ១០ ខែកក្កដា នេះ ផ្ទាល់តែម្ដង តារាចម្រៀងដ៏មានប្រជាប្រិយភាពប្រចាំផលិតកម្មរស្មីហង្សមាស កញ្ញា កែវ សុបញ្ញា បានធ្វើឲ្យមហាជននិងអ្នកគាំទ្រមានការភ្ញាក់ផ្អើលខ្លាំង ចំពោះដំណឹងដ៏រីករាយមួយ ដោយ នាងបានចូលរោងជ័យភ្ជាប់ពាក្យជាមួយបុរសសង្ហាម្នាក់តាមប្រពៃណីហើយ នេះបើយោងតាមគណនីហ្វេសប៊ុកលោក កៅ សីហា អ្នកដឹកនាំរឿងផលិតកម្មហង្សមាស ទើបតែបានបង្ហោះរូបភាព ព្រមទាំងពាក្យជូនពរកាលពីព្រឹកមិញ។

ជាមួយគ្នានេះផងដែរ យើងឃើញថា កម្មវិធីទាំងមូលហាក់មិនសូវមានភាពអ៊ូអរប៉ុន្មាននោះទេ ដោយសារតែបញ្ហាកូវីដ១៩នៅរីករាលដាលខ្លាំងនៅឡើយ។ ដោយក្នុងនោះយើងឃើញមានតែការចូលរួម ពីមិត្តភក្ដិ សាច់ញាតិ ចាស់ទុំទាំងសងខាង ពិសេសក៏មានវត្តមាន អ្នកសិល្បៈមួយចំនួនដែលជិតស្និទ្ធនឹងតារាស្រីរូបនេះតែប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ សម្រាប់ដំណឹងដ៏រីករាយមួយនេះ នៅពេលហ្វេនៗបានដឹងហើយ ពួកគេក៏បានផ្ញើពាក្យចូលរួមអបអរសាទរជាហូរហែ ពិសេសហ្វេនៗក៏កំពុងរង់ចាំដំណឹងថ្ងៃចូលរោងជ័យរៀបការក្នុងពេលឆាប់ៗផងដែរ៕

ទស្សនារូបភាពខាងក្រោម៖

• កែវ សុបញ្ញា
• ស្នេហា
• រូបភាព
• តារាខ្មែរ