សុភ័ក្រ កុសុម៉ា និងកម្លោះសង្ហា២រូបនេះ ស្និទ្ធគ្នាខ្លាំងដល់ម្លឹង

ភ្នំពេញ៖ ការរាប់អានមិត្តភក្ដិមិនប្រកាន់ប្រុសឬស្រីនោះទេ សំខាន់ចិត្ត និងការចុះសម្រុងគ្នាទើបរាប់អានជាមិត្តនឹងគ្នាបានយូរអង្វែង។ ពិតណាស់ ការបង្កើតចំណងមិត្តភាពជារឿងមួយដ៏សំខាន់សម្រាប់មនុស្សគ្រប់គ្នា មិនថាចាស់ឬក្មេងនោះឡើយ។ ម្យ៉ាងបើនិយាយដល់មិត្តល្អ មានមិនច្រើនឡើយសម្រាប់មនុស្សទូទៅ មិនថាសង្គមពីមុន ឬបច្ចុប្បន្ននោះទេ។

យ៉ាងណាមិញ បើក្រឡេកមើលមិត្តភាពកញ្ញា សុភ័ក្រ កុសុម៉ា គេតែងតែសង្កេតឃើញតារាស្រីរូបនេះ បង្ហាញភាពស្និទ្ធស្នាលជាមួយមិត្តភក្ដិស្ទើរគ្រប់ពេលវេលាតែម្ដង។ ដោយគេដឹងថា មិត្តភក្ដិដែលជិតស្និទ្ធរបស់នាងនាពេលថ្មីៗនេះជាពិធីកររូបសង្ហា ពូកែវោហាស័ពន្ទគឺលោក វី យ៉ារ៉ូ និងដេវីដ។ ក្នុងនោះដែរ គ្រប់សកម្មភាពរបស់តារាប្រុសស្រី៣រូបនេះ តែងតែធ្វើឲ្យហ្វេនអ្នកគាំទ្រសើចសប្បាយជានិច្ច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង មិនត្រឹមតែសកម្មភាពក្នុងវីដេអូប៉ុណ្ណោះទេដែលធ្វើឲ្យអ្នកគាំទ្ររំភើបនឹងមិត្តភាពតារា៣រូបនេះ តែអ្វីដែលគេចាប់អារម្មណ៍នោះ រូបភាពថ្មីមួយសន្លឹកដែល កញ្ញា សុភ័ក្រ កុសុម៉ា ជាមួយលោក យ៉ារ៉ូ និងដេវីដ បានថតឱបគ្នា មើលទៅពិតជាស្និទ្ធស្នាល បង្ហាញភាពកក់ក្ដៅ និងផ្ដល់ក្ដីស្រលាញ់ចំពោះគ្នាបែបមិត្តភក្ដិយ៉ាងគួរឲ្យសរសើរ។

គួរបញ្ជាក់ផងដែរថា បើទោះបីតារាប្រុសស្រី៣រូបនេះ ទើបតែរាបើអានគ្នា តែចំណងមិត្តភាពនៃការរាប់អានរបស់អ្នកទាំង៣ បានបង្ហាញពីភាពរឹងមាំមិនប្រែប្រួលតែម្ដង៕

សូមទស្សនារូបភាពខាងក្រោម៖ 

• សុភ័ក្រ កុសុម៉ា
• វី យ៉ារ៉ូ
• មិត្ត
• រូបភាព
• តារាខ្មែរ