ឃេីញរាងល្អិតចឹងទេ​ តែមេីលរូបនេះចុះ​ ឆាយ​ វីរៈយុទ្ធ​ មានសាច់ដុំក្បាលពោះឡេីងកង់ៗ​

តារាកម្សាន្ត៖ តារាចម្រៀង ឆាយ វីរៈយុទ្ធ តាំងពីប្រឡូកក្នុងសិល្បៈចម្រៀងដំបូងៗមក លោកតែងត្រូវបានមហាជនកោតសរសើរអំពីសមត្ថភាពច្រៀងបានយ៉ាងពីរោះរណ្ដំមិនថាបទចម្រៀងប្រអ្វីក៏ដោយ ពិសេសមកដល់ពេលបច្ចុប្បន្នប្រជាប្រិយភាពរបស់លោកនៅតែអ្នកគាំទ្រច្រើនដដែលផងដែរ។

ដោយឡែក បើនិយាយពីរូបសម្បត្តិរបស់ ឆាយ វីរៈយុទ្ធ ជាការពិត ដូចដែលប្រិយមិត្ត ក៏ដូចជាហ្វេនៗធ្លាប់បានដឹងរួចមកហើយថា តារាប្រុសរូបនេះ មានរាងល្អិតបន្តិច ពោលគឺលោកមានកម្ពស់មិនសូវខ្ពស់ប៉ុន្មានទេ ប៉ុន្តែសម្រាប់ការលេងខ្លួនរបស់លោកពេលចេញតាមកម្មវិធីម្ដងៗ លោកនៅតែអាចជះភាពសង្ហាបានគួរឲ្យចាប់អារម្មណ៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង បើក្រឡេកមកមើលរូបភាពមួយចំនួនដែលលោកទើបតែបង្ហោះថ្មីៗនេះ គ្រប់គ្នាឃើញហើយក៏បានចុច Like និង Comment សរសើរជាច្រើន។ ដោយក្នុងនោះ ឆាយ វីរៈយុទ្ធ បានបញ្ចេញរូបភាពដោះអាវ បង្ហាញឲ្យឃើញសាច់ដុំក្បាលពោះមានផ្នត់កង់ៗ ដែលគ្រប់គ្នាហៅថា Six packs មើលទៅតារាប្រុសរូបនេះ ពិតជាស៊ិចស៊ី  ហើយរាងក៏អ៊េម ស្អាតមិនចាញ់តារាប្រុសដទៃប៉ុន្មាននោះឡើយ៕

សូមទស្សនារូបភាពខាងក្រោម៖

• ឆាយ វីរៈយុទ្ធ
• រូបភាព
• តារាខ្មែរ