មើលចិត្តគ្នាច្រើនឆ្នាំ! ពេលនេះ ម៉ុល សារ៉ាវ៉ាន់ បង្ហាញរូប Pre-Wedding ឡើងស្រស់សង្ហា

ភ្នំពេញ៖  ថ្មីៗនេះ កម្លោះសង្ហា ម៉ុល សារ៉ាវ៉ាន់ ដែលជាតារាសម្ដែង និងជាពិធីករដ៏ល្បីប្រចាំប៉ុស្ត៍ទូរទស្សន៍ ភីអិនអិន បានបង្ហាញរូបភាព Pre-Wedding ជាមួយនឹងអនាគតភរិយាយ៉ាងស្រស់សង្ហា និងមានក្ដីសុខគួរឲ្យច្រណែន។ 

ដោយកន្លងមក តារាប្រុសរូបនេះនឹងមិត្តស្រី បានស្រសលាញ់គ្នានឹងមើលចិត្តគ្នាអស់រយៈពេល៣-៤ឆ្នាំទៅហើយ ជាងនេះទៅទៀត លោកក៏តែងតែបានបង្ហោះរូបភាពស្វីតៗជាដំណើរកម្សាន្តរួមគ្នាបង្កើតចំណងស្នេហាយ៉ាងស្អិតរមួតផងដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែងកាលពីពេលថ្មីៗនេះ លោកម៉ុល សារ៉ាវ៉ាន់ បានធ្វើឲ្យអ្នកគាំទ្រភ្ញាក់ផ្អើលនឹងរំភើបជំនួស ខណៈតារារូបនេះបានដឹងដៃអនាគតភរិយាថតរូប Pre Wedding យ៉ាងស្រស់ស្អាត ក្នុងឈុតកូនពណ៌សទាំងកូនក្រមុំកូនកម្លោះ  ដែលអ្នកទាំងពីរបានផ្ដល់នៅស្នាមញញឹម និងសកម្មភាពស្វីតៗចំពោះគ្នាយ៉ាងស្និទ្ធស្នាលជាមួយគ្នាផងដែរ     

តាមរយៈរូបភាពទាំងនេះផងដែរ មានមិត្តភក្ដិ ក៏ដូចជាហ្វេនៗ ដែលស្រលាញ់គាំទ្រ តារាប្រុសរូបនេះ ចូលមកខំមិនអបអរសាទរជាច្រើន និងជាពិសេស គេក៏សង្ឃឹមថាថ្ងៃចូលរោងការអ្នកទាំងពីរនឹងមកដល់ឆាប់ៗនេះ៕

សូមទស្សនារូភាពខាងក្រោម៖

• ម៉ុល សារ៉ាវ៉ាន់
• រូបភាព
• តារាខ្មែរ