ជួបបញ្ហារឹងកឈឺក្បាល សាកដោះស្រាយតាមតិចនិកទាំង ៤នេះ!

រឹងកឈឺក្បាល ជាពាក្យពិពណ៌នាដល់អាការៈឈឺក្បាលដែលបង្កឡើងដោយសារការរឹងក។ ដើម្បីឲ្យយល់ច្បាស់ពីន័យនេះ យើងបន្តស្វែងយល់ទាំងអស់គ្នា។

រឹងក

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អាការៈរឹងក គឺមានការឈឺចាប់នៅកញ្ចឹងក ដែលនាំឲ្យយើងពិបាកងាកក្បាលទៅឆ្វេង ឬស្ដាំ។ ការឈឺចាប់នេះ ច្រើនកើនឡើងព្រោះតែសាច់ដុំឡើងរឹង។ មូលហេតុទូទៅមួយចំនួនបង្កឲ្យឡើងរឹងក មានដូចជា៖

គេងដាក់ក្បាលមិនត្រូវទំនងនាំឲ្យជាប់ក
ជាប់សរសៃប្រសាទនៅក
មានរបួសប៉ះពាល់ក
បញ្ហាសុខភាពដូចជារលាកសន្លាក់

ឈឺក្បាល

ឈឺក្បាល ជាបញ្ហាទូទៅមួយ ដែលភាគច្រើនកើតឡើងដោយសារតែបញ្ហាជាមួយសរសៃឈាម ឬសាច់ដុំក្នុងក្បាល មុខ ឬក។ យ៉ាងណា ក៏មានការពិបាកដែរ ក្នុងការកំណត់ពីមូលហេតុនាំឲ្យឈឺក្បាលនេះ ដោយអ្នកខ្លះមានអាការៈឈឺក្បាលញឹកញាប់ជាងអ្នកផ្សេងទៀត។

មួយវិញទៀត ក៏មានដែរអាការៈឈឺក្បាលមួយប្រភេទ កើតឡើងពេលសាច់ដុំនៅកឡើងរឹង ឬកន្ត្រាក់ ដូចជាពេលរឹងក អ៊ីចឹងដែរ។ ចុះបើមានបញ្ហាឈឺក្បាលដោយសាររឹងកបែបនេះ គួរដោះស្រាយបែបណា?

១. ស្អំទឹកកក ឬទឹកក្ដៅឧណ្ហៗ

ជាជំហានដំបូងដើម្បីគ្រប់គ្រងបញ្ហារឹងកឈឺក្បាលនេះបាន យើងត្រូវចាប់អារម្មណ៍រឿងរឹងកជាមុនសិន។ ក្នុងរយៈពេល៤៨ទៅ៧២ម៉ោងដំបូងនៃការឈឺនៅត្រង់ក យើងអាចប្រើទឹកកកស្អំនៅកន្លែងដែលឈឺចាប់។ បន្ទាប់មកទៀតយើងអាចសាកល្បងស្អំទឹកក្ដៅឧណ្ហៗម្ដងវិញ។ ពេលយើងប្រើទឹកកក ឬទឹកក្ដៅឧណ្ហៗស្អំលើ ក យើងក៏ត្រូវប្រយ័ត្នដល់ស្បែកដែរ ដោយមិនត្រូវស្អំជាប់រហូតទេ ត្រូវដកឃ្លាខ្លះ ហើយមិនត្រូវស្អំរបស់ទាំងនេះនៅលើ ក ទាំងដែលយើងគេងលក់នៅដែរ។

២. ធ្វើចលនា ក និងក្បាល

ការធ្វើចលនាសាច់ដុំនឹងអាចជួយបន្ថយអាការៈរឹងនៅកនេះបាន និងជួយសម្រួលដល់បញ្ហាឈឺក្បាលដោយរឹងកនេះដែរ។ យ៉ាងណា យើងមិនត្រូវងាកក ឬឱនក្បាលចុះឡើងខ្លាំងៗពេកទេ អាចនាំឲ្យឈឺចាប់។ គ្នាយើងគួរងាកក ឬបែរក្បាលចុះឡើងតិចៗពីម្ខាងទៅម្ខាង ឬឡើងលើចុះក្រោម ទើបជាការល្អ។

វិធីសាស្រ្តមួយចំនួនទៀតជួយបន្ធូរការរឹងសាច់ដុំកនេះ មានដូចជា៖

បង្វិលស្មាទៅមុខទៅក្រោយ
ធ្វើចលនាត្រង់ស្លាបប្រចៀវចុះឡើង
ឱនដាក់ត្រចៀកឲ្យដល់ស្មាចុះឡើងថ្នមៗ

ដូចគ្នាដែរ ការម៉ាស្សាថ្នមៗនៅកន្លែងឈឺចាប់ ក៏អាចជួយសម្រាលអាការៈបានដែរ តែកុំម៉ាស្សាខ្លាំងៗពេក។

៣. ចៀសវាងស្រ្តេស

ស្រ្តេស ព្រមជាមួយនឹងភាពហត់នឿយ អាចធ្វើឲ្យអាការៈរឹងកឈឺក្បាលនេះកាត់តែធ្ងន់ធ្ងរ និងអាចធ្វើឲ្យយើងងាយមានបញ្ហាសុខភាពផ្សេងទៀតផងដែរ។ ដើម្បីចៀសវាងអ្វីទាំងនេះ យើងត្រូវញ៉ាំអាហារឲ្យបានទៀងពេល សម្រាកឲ្យបានគ្រប់គ្រាន់ និងគេងឲ្យបានលង់លក់ល្អ។

៤. ឥរិយាបថក្នុងការគេង

ជាការពិត យើងប្រហែលជាមិនអាចតាមដានឥរិយាបថនៃការគេងរបស់យើងបានទេពេលយើងគេងលក់។ ប៉ុន្តែយើងអាចមានវិធានការមុនពេលគេងបាន។ ឧទាហរណ៍ យើងមិនគួរគេងពោបនោះទេ ការគេងបែបអាចធ្វើឲ្យក្បាល និងក របស់យើងត្រូវបែរទៅទិសដៅមួយមិនសមទំនង អាចធ្វើឲ្យឈឺចាប់ត្រង់កថែមទៀត។

មកដល់ចំណុចនេះ បើសិនជាបញ្ហារឹងកឈឺក្បាល តែងតែកើតមានញឹកញាប់ យើងគួរទិញពូកដែលមានសភាពរឹងមិនងាយទ្រុឌ និងខ្នើយដែលមានលក្ខណៈពិសេសសម្រាប់ ក របស់យើងដែរហើយ។ មួយវិញទៀត ក៏គួរជួបពិភាក្សាជាមួយគ្រូពេទ្យដើម្បីទទួលបានការណែនាំល្អៗ ធ្វើរោគវិនិច្ឆ័យ ឬក៏អាចថាបើយើងមានបញ្ហាបែបនេះអាចប្រើប្រាស់ថ្នាំមិនត្រូវការវេជ្ជបញ្ជាណាមួយបានឬអត់ និងក្នុងកម្រិតណា។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ជួបបញ្ហារឹង​កឈឺក្បាល សាកដោះស្រាយតាមតិចនិកទាំង ៤នេះ!

​​រឹងក​

ឈឺ​ក្បាល

១. ​ស្អំ​ទឹក​កក ឬ​ទឹក​ក្ដៅ​ឧណ្ហ​ៗ​​

២. ​ធ្វើ​ចលនា​ ក និង​ក្បាល​

៣. ចៀសវាង​ស្រ្តេស​

៤. ឥរិយាបថ​ក្នុង​ការ​គេង

In Case You Missed It