ក្រោយបាត់មុខច្រើនឆ្នាំ ពេលនេះ សឿ សុធារ៉ា កំពុងវិលត្រលប់មក ទ្រនំដើម ជាថ្មីហើយ

រាជធានីភ្នំពេញ ៖ ដូចដែរបាន ដឹងរួចមកហើយថា តារាសម្តែងស្រី សឿ សុធារ៉ា ជាតារាស្រីសាច់ចាំជើងចាស់ម្នាក់ វ័យកាន់តែច្រើន សម្រស់កាន់តែស្អាត ម្យ៉ាងវិញទៀត រូបនាង ក៏ត្រូវបាន មហាជនដឹងច្បាស់ថា ឃ្លាតឆ្ងាយពីសិល្បៈសម្តែងនេះ តាំងពី រូបនាងមានគ្រួសារ មានបុត្រមកម្លេះ។

ទន្ទឹមនឹងនេះ ប្រសិនបើក្រឡេកទៅមើលចំណង អាពាហ៍ពិពាហ៍វិញ រូបនាង ធ្លាប់បានប្រកាសចែកផ្លូវជាមួយនឹង ស្វាមីរបស់ខ្លួន តារាចម្រៀង សាពូន មីដាដា ម្តងរួចមកហើយ ប៉ុន្តែ ត្រឹម២ខែកន្លងទៅនេះ រូបនាងនិងស្វាមី ត្រូវគេដឹងថា ជានា នឹងគ្នាម្តងទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះ ខណៈពេល ប្រកាសផ្តាច់ទំនាក់ទំនងថ្មីៗនោះ រូបនាងក៏បានបើកសេរីភាពឲ្យខ្លួនឯង ក្នុងការទទួលការងារសិល្បៈដូចពេលមុន ហើយគិតមកដល់ពេលនេះ​ ស្របពេលគ្រួសារត្រូវគ្នាហើយនោះ រូបនាង ក៏បានទទួលការងារ ក្នុងវិស័យសម្តែងសាជាថ្មីម្តងទៀត តាមការប្រាថ្នាចង់បានរបស់ខ្លួន។ 

នេះបើយោង តាមការបង្ហោះរូបភាព ក្នុងការក្រុងពាលី សម្ពោធរឿងភាគថ្មី ពីផលិតករហង្សមាស លោក កៅ សីហា ដែលក្នុងនោះ មហាជនឃើញ ច្បាស់នូវវត្តមានរបស់ តារាសម្តែងស្រីរូបនេះ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• សឿ សុធារ៉ា
• ការងារ
• ជីវិត
• រូបភាព
• តារាខ្មែរ